JEREMÍAS 39:12 - Dios Rimashcata Quillcashcami

¹² «Jeremiasta allita cuidangui. Paitaca ama llaquichinguichu. Pai imata mañashcata ruhuangui» nishca carca.

JEREMÍAS 39:12 Referans Kwoze

PROVERBIOS 16:7

Mandac Dios maijan runapac causaita allimi nicpica, paita piñaccunapish paihuan alli tucusha ningacunami.

JEREMÍAS 40:4

Cunanmi cadenahuan huatashcataca maquimanta cacharichini. Ñucahuan Babilonia llactaman risha nishpaca jaculla. Cantaca ñucami cuidasha. Cutin Babilonia llactaman mana rishpa, caipi saquirisha nishpaca saquilla. Riqui, cai tucui llactacunami cambac ñaupapi, maimanmi risha ningui, chaiman rilla.

PROVERBIOS 21:1

Jatun mandacpac shungu Mandac Diospac maquipica callpacuc yacu shinami. Diosmi pai munashcata ruhuachin.

HECHOS 7:10

Diosca tucui llaquimantami Josetaca cuidarca. Shinallatac Egipto llactata jatun mandacpac ñaupapi alli cachunpish, alli yuyaitami curca. Chaimantami chai jatun mandacca paipac huasipipish, tucui Egipto llactapipish mandachun churarca.

AMÓS 9:4

Paicunata piñaccuna prezushpa charicucpipish, espadahuan huañuchichunmi cachasha. Ñucaca paicunaman allita ruhuangapac ricunapac randica, llaquichingapacmi ricusha» nirca.

JEREMÍAS 24:6

Paicunata cuidashpami, cai llactaman cutin cutichimusha. Chashna cutichimushpaca, mana cutin llaquichishachu. Ñuca tarpushca shina yuracunataca mana cutin sapindi llucchishachu.

PROVERBIOS 23:5

¿Charic tucunaca yangalla cashcataca, manachu ricungui? Chaicunaca alas huiñacpi, anga jatarishpa jahuata ric shinami, cungailla chingarinlla.

JEREMÍAS 15:21

Mana allita ruhuac millai runacunapac maquimantapish quishpichishpami cuidasha» nirca.

JEREMÍAS 39:13

Chaimantami soldadocunata mandac Nabuzaradanca Rabsaris nishca Nabuzabán mandac-huan, Rabmag nishca Nergal-sarezer mandac-huan, Babilonia llactata jatun mandac churashca tucui mandaccunahuan yuyashpa,

JEREMÍAS 15:11

Mandac Dioslla, ñuca mana allita servishca cacpi, ñucata piñaccuna llaquihuan cacpi, paicunamanta mana mañashca cacpica, paicuna mana alli nishcaca pactachunlla.