JEREMÍAS 38:27 - Dios Rimashcata Quillcashcami

²⁷ Chashnami tucui mandaccuna shamushpa, Jeremías imata parlanacushcata tapurca. Paicuna tapucpica, Jeremiasca jatun mandac nishca shinami huillarca. Chaimantaca Jeremiasta saquishpa rircallami. Jatun mandac-huan Jeremías imata parlanacushcataca pipish mana yacharcachu.

JEREMÍAS 38:27 Referans Kwoze

HECHOS 23:6

Pablo, chaipi caccuna maijancunaca saduceocuna, maijancunaca fariseocuna cashcata ricushpami, tucui chaipi caccunapac ñaupapi sinchita rimashpaca: —Huauquicuna, ñucaca fariseo runami cani. Ñuca taitapish fariseomi. Dios huañushcacunata causachinata crishpa shuyacushcamantami, ñucata caipi juchanchicunguichic— nirca.

2 REYES 6:19

Chai quipami, Eliseoca chai gentecunataca: «Mana cai ñanchu. Caica mana cancuna mashcacushca pueblochu. Ñucata catichic. Ñucami cancuna mashcacushca runapacman pushasha» nirca. Shina nishpami, Samaria puebloman pusharca.

JEREMÍAS 38:25

Ñuca canhuan parlanacushcata mandaccuna yachac chayashpa, cambacman shamushpa: “Jatun mandac ima nishcata, paihuan imata parlashcata mana pacashpa tucui huillai. Chaita huillacpica, mana huañuchishunchu” nicpica,

JEREMÍAS 38:26

canca jatun mandactaca: “Ama Jonatanpac huasiman apaichu. Chaipi huañunataca mana munanichu” nishpa mañangui— nirca.

JEREMÍAS 38:28

Shinami Jeremiasca Jerusalén llactata caldeocuna japingacaman cárcel pungupi tiyacurca.