JEREMÍAS 36:7 - Dios Rimashcata Quillcashcami

⁷ Paicuna mañashcata Mandac Dios uyaringapishchari. Shinallatac mana alli ruhuanata saquishpa, Mandac Diospac cuchuman chayaringapishchari. Mandac Diosca cai gentecunahuan yallita piñarishcami» nirca.

JEREMÍAS 36:7 Referans Kwoze

JEREMÍAS 36:3

Judá llactapi causaccuna ñuca yallita paicunata llaquichigricushcata uyashpa, mana allita ruhuashpa causacushcata yuyarishpa llaquiringapishchari. Paicuna mana allita ruhuashcata, paicunapac juchacunata ñuca perdonachun llaquiringapishchari» nirca.

OSEAS 5:15

Paicunallatac juchata ruhuashcata yuyarishpa, ñucapacman cutingacamanmi ñuca causacushcaman risha. Paicunaca llaquirishpami, ñucataca mashcangacuna» ninmi.

LAMENTACIONES 4:11

Mandac Diosca nina japiric shina yallita piñarishpami yallita llaquichishpa pai munashcata ruhuarca. Sionpi ninata japichishpami, callari rumicunacaman tucuchirca.

JEREMÍAS 21:5

Ñucaca nina japiric shina piñarishpami, poderyuc ñuca maquita alzashpa, cancunahuanca macanacusha.

JEREMÍAS 4:4

Judá llactapi causaccunalla, Jerusalenpi causaccunalla, circuncisionta ruhuashpa, cancunapac shungumanta asha carata pitic shina, ñucapacman cuichic. Cancuna mana allita ruhuashcamantaca pacta nina japiric shina piñariman. Chai piñarishca nina shinataca pi mana huañuchi pudingachu nini» ninmi.

2 REYES 22:17

Ñucata saquishpa shuc dioscunaman inciensota rupachishcamantami chashna llaquichigrini. Cancunapac maquihuan chashna mana allita ruhuashpami, ñucataca yallita piñachircanguichic. Chaimantami cai llactapi causaccunahuanca nina japiric shina yallita piñarircani. Chashna piñarishcamantaca manatac alli tucushachu’ ninmi.

2 REYES 22:13

«Ñucamantapish, cai pueblopi causaccunamantapish, Judá llactapi tucui causaccunamantapish cai tarishca libropi quillcashca shimicuna ima nisha nicushcata Mandac Diosman tapugrichic. Ñucanchic ñaupa taitacuna ñucanchicmanta cai libropi quillcashca shinallatac mana cazushpa causashcamantami Mandac Dios ñucanchic-huan nina japiric shina piñarishca» nirca.

ZACARÍAS 1:4

Ama cancunapac ñaupa taitacuna shina causaichicchu. Paicunaman ñuca ima nishcata utcapi huillachishpaca: “Mandac Diosca: Mana alli ñanta catinata, mana allita ruhuanacunata saquichic” nishpami huillarcani. Shina huillacpipish, mana cazushpa, ñucamanta huillashcata mana uyasha nircanguichicchu.

JONÁS 3:8

Gentecunapish, animalcunapish sharpa churanata churarishpa, Mandac Diosta caparishpa mañachun. Mana allita ruhuashcamanta, maijanta llaquichishcamanta llaquirishpa Diosta caparishpa mañachun.

DANIEL 9:13

Moisés mandashpa quillcachishca shinaca, cai tucui llaquicuna ñucanchicta japicpipish Mandac Diosta mana mañashcanchicchu. Cashcata nic rimashcatapish mana uyashcanchicchu. Millaita ruhuanatapish mana saquishcanchicchu.

EZEQUIEL 22:20

Ima shinami cullquita, bronceta, fierrota, plomota, estañota tandachishpa, hornopi churashpa, yacuyachic shinami ruhuasha. Chashnami ñucaca yallita piñarishpa, chai pueblollapitac tandachishpa tucuchisha.

EZEQUIEL 20:33

Mandac Dios ñuca shutipimi nini: Ñucaca yallita piñarishpami, ñuca poderhuan cancunataca mandasha.

EZEQUIEL 13:13

Chaimantami Mandac Dios ñucaca: “Yallita piñarishpami, chai pircataca acapana huairahuan urmachisha. Chashna piñarishpami manchana tamyatapish, rumi shina rundutapish cachasha.

EZEQUIEL 8:18

Ñucaca yallita piñarishpami, paicunataca llaquichisha. Manatac perdonashachu, manatac llaquishachu. Ñucata caparishpa mañacucpipish manatac uyashachu» nirca.

EZEQUIEL 5:13

Chashnami ñuca yallita piñarishcataca paicunata llaquichishpa pasachisha. Chashna llaquichishpa, shungupi cushicucpimi, Mandac Dios ñucaca ñucapaclla cachun munac cashcataca yachanga.

JEREMÍAS 26:3

Can huillashcata cazushpa, tucui mashna mana alli causaita saquingapishchari. Paicuna cazucpica, paicuna mana allita ruhuashcamanta llaquichinataca ñucapish saquishami.

JEREMÍAS 25:5

Chai huillaccunaca: “Mana alli causaita, millaita ruhuanata saquishpa, Mandac Diospacman cutirishpa, cancunamanpish, cancunapac ñaupa taitacunamanpish pai cushca llactapi huiñaita causaichic.

JEREMÍAS 19:15

«Israelcunapac tucuita Mandac Diosca: Ñuca nishca shinami cai llactamanpish, muyundi uchilla llactacunamanpish yalli llaquita cachagrini. Paicunaca ñuca rimashcata mana uyangapacmi, yallita sinchi shungu tucushca ninmi» nirca.

JEREMÍAS 16:10

Cai gentecunaman cai tucuita huillacpica paicunaca: “¿Ima nishpatac Mandac Diosca ñucanchictaca yallita llaquichisha nishpa huillachicunyari? Ñucanchicca, ¿ima mana allitatac ruhuashcanchicyari? Mana cashpaca, ¿ima juchata ruhuashpatac ñucanchic Mandac Diostaca piñachishcanchicyari?” ningami.

JEREMÍAS 1:3

Josiaspac churi jatun mandac Joacim Judá llactata mandacui huatamanta Josiaspac churi jatun mandac Sedequías Judá llactata chunga shuc huata mandangacamanmi Jeremiasmanca huillarca. Chai huata, pichca quillapimi, Jerusalenpi causaccunata prezu apashca carca.

2 CRÓNICAS 34:21

—Tarishca libropi ñucamantapish, Israel llactapi, Judá llactapi saquirishca gentecunamantapish ima nicushcata yachangapac Mandac Diosta tapugrichic. Ñucanchic ñaupa taitacuna cai libropi quillcashca shina ruhuashpa, Mandac Dios rimashcacunata mana cazushcamantami Mandac Diosca ñucanchic-huan yallita piñarishpa, ñucanchicta llaquichigricun— nirca.

DEUTERONOMIO 31:17

Chaimantami chai punzhapica paicunahuanca nina japiric shina piñarisha. Paicunata saquishpa, mana tigra ricucpimi tucuringa. Paicunataca achca llaquicuna, manchaicunami japinga. Chai llaquicunahuan cashpami: “¿Manachu chai llaquicunaca ñucanchic Dios mana ñucanchic-huan cacpi japicunga?” ninga.

DEUTERONOMIO 31:16

Mandac Diosca Moisestaca: «Canca huañushpa, ñaupa taitacunahuan tandanacugringuimi. Israelcunaca paicuna ricushca llactaman chayashpaca, chaipi tiyac dioscunata catishpami huainayanga. Shinami ñucamanta caruyashpa, ñuca paicunahuan ari nishcatapish yangapi churanga.

JEREMÍAS 37:20

Jatun mandac ñuca amolla, ñuca mañashcata uyaiyari. Ñucaca quillcac Jonatanpac huasipi huañunataca mana munanichu. Ama chaiman cutin cachaichu— nirca.

JEREMÍAS 42:2

Dios ima nishcata huillac Jeremiaspacman shamurca. Paicunaca: —Ñucanchic mañashcata uyaiyari. Ñucanchicmantapish, maijan saquirishca gentecunamantapish Mandac Diosta mañaiyari. Ñucanchicca achca cashpapish ashallami saquirishcanchic. Chaitaca canllatac ricunguimi.

EZEQUIEL 12:3

Huañunalla runa, quipita allichishpa, paicuna ricucucpi, can causacushcamanta punzha pacha llucshishpa ringui. Chaita ricushpaca entendingapishchari. Paicunaca mana cazuccunami.

DANIEL 9:18

Mandac Dioslla, cambac ringrihuan ñuca mañashcata uyaiyari. Cambac ñahuihuan ñucanchic causanatapish, cambac shutita mañana pueblotapish ricuiyari. Ñucanchicca mana cashcata ruhuac cashcamantachu, chashna cutinpish, cutinpish mañacunchic, ashtahuanpish can yallita llaquic cashcamantami chashna mañacunchic.

JOEL 2:12

Mandac Diosca: «Cunanca ayunashpa, huacashpa, yallita llaquirishpa, tucui shunguhuan ñucapacman cutirichic» ninmi.

JOEL 2:13

Llaquirishpa churanata lliquirinapac randica, tucui shunguhuan llaquirichic. Cancunata Mandac Diospacman cutirichic. Paica cuyac shungumi, llaquicmi. Mana utca piñaric, yallita llaquicmi. Paica mana llaquichinata munanchu.