JEREMÍAS 32:42 - Dios Rimashcata Quillcashcami

⁴² Mandac Dios ñucaca: Cai llactapi causaccunata llaquichishca shinallatacmi tucui paicunamanca allicunata ruhuasha.

JEREMÍAS 32:42 Referans Kwoze

JEREMÍAS 31:28

Ima shinami paicunata sapimanta pilac shina anchuchinata, urmachinata, llaquichinata, tucui chingachinata munarcani. Chashnallatacmi allichishpa shayachinata, tarpuc shina cutin callarichinata munani.

SAN MATEO 24:35

Jahua pachapish, cai pachapish tucuringami. Ashtahuanpish ñuca huillashcaca pactacungallami.

JEREMÍAS 33:9

Jerusalenpi ñuca allicunata ruhuashcata tucui llactacunapi uyashpami, ñucataca alli nishpa, sumaimanami cangui ningacuna. Chaimantami Jerusalenpi causaccunahuan yallita cushicusha nini” ninmi» nirca.

JEREMÍAS 33:14

Mandac Diosca: Riquichic, israelcunaman, Judá llactapi causaccunaman, ñuca imata ruhuasha nishcata pactachina punzhacunami chayamugrin.

LAMENTACIONES 3:38

¿Manachu allipish, mana allipish jahua pacha Diosmanta shamunga?