JEREMÍAS 32:39 - Dios Rimashcata Quillcashcami

³⁹ Shinallatac huiñaita ñucata manchashpa causachunmi, paicunamanca shuc yuyaita, shuctac causaita cusha. Paicunapish, paicunapac quipa huahua huahuacunapish alli causaita charichunmi chashna ruhuasha.

JEREMÍAS 32:39 Referans Kwoze

HECHOS 4:32

Criccunaca achca cashpapish, tucuimi shuc shungulla, shuc yuyailla carcacuna. Pi “caica ñucapacmi, chaica cambacmi” mana ninacucchu carca. Chaimantami ima charishcacunapish tucuipac carca.

SAN JUAN 17:21

Taitalla, ima shinami ñucaca canhuan, canca ñucahuan shuc shinalla canchic, chai shinallatac paicunapish ñucanchic-huan shuc shinalla cachunmi mañani. Cai pachapi causaccuna can ñucata cachashcata crichunmi, chashna mañani.

EZEQUIEL 37:25

Ñucata servic Jacoboman cushca, ñaupa taitacuna causana llactapimi causanga. Chaipimi paicunapish, huahuacunapish, nietocunapish huiñaita causanga. Ñucata servic Davidmi huiñaita paicunapac jatun mandac canga.

EZEQUIEL 36:26

Cancunamanca mushuc shunguta, mushuc yuyaitami cusha. Rumi shunguta anchuchishpami cazuc shunguta churasha.

HEBREOS 10:20

Jesucristo huañushpami, Diospaclla chicanyachishca ucuman yaicuna jarcashca pañota anchuchirca. Chashnami causaita cuc mushuc ñanta pascarca.

SAN JUAN 14:6

Shina nicpimi Jesusca: —Ñucami cashcata nicpish, ñanpish, causaita cucpish cani. Maijanpish ñucallamantami Diospacman chayanga.

JEREMÍAS 32:40

Paicunaman allita ruhuangapacmi paicunahuanca huiñai causaicaman ari ninacusha. Ñucamanta ama anchurichunmi, ñucata manchana yuyaita paicunapac shungupi churasha.

PROVERBIOS 23:17

Ama cambac shungupi juchayuccuna shina causanata munaichu. Chaipac randica punzhanta Mandac Diosllata manchashpa causangui.

2 CRÓNICAS 30:12

Shinallatac Judá llactapi causaccunapish Dios paipac poderhuan yuyaita cushcamantami, Mandac Dios mandashca shinallatac jatun mandacpish, caishuc mandaccunapish mandashcata cazurcacuna.

1 CORINTIOS 7:14

Cusaca huarmi cric cashcamantami Diospaclla tucunga. Mana cric huarmipish, cusa cric cashcamantami Diospaclla tucunga. Mana shina cacpica, paicunapac huahuacunaca mana cricpac huahuacuna shinami canman. Paicunaca Diospaclla causaccunapurami tucushcacuna.

HECHOS 13:33

Diosca Jesusta causachishpa, ñucanchicman cushpami, pai cusha nishcataca pactachishca. Chaimantami quipa Salmopica: “Canca ñuca Churimi cangui. Cunanca ñuca Huahuami cangui” nin.

ISAÍAS 35:8

Chaipica chaqui ñanmi tiyanga. Chai ñantaca jucha illac ñan ningacunami. Chai ñantaca juchayuc runapish, yuyai illacpish mana puringachu. Chai ñantaca Mandac Dios munashca shina causaccunallami puringa.

2 CORINTIOS 13:11

Ña tucuchingapacca caitami nisha nini: Cushilla causashpa, punzhanta allichirishpa catichic. Caishuc chaishuc yuyachinacushpa, sumacta causaichic. Chashna causacpimi, sumac causaita cuc, cuyac Diosca cancunahuan canga.

ROMANOS 11:16

Punta ruhuashca tanda Diospaclla cacpica, tucui chapumi Diospac canga. Shuc yura sapi Diospaclla cacpica, tucui ramacunami Diospac canga.

HECHOS 9:31

Chaimantami Judea llactapi, Galilea llactapi, Samaria llacta tandanacushca criccunaca cushilla causarcacuna. Paicunaca Mandac Diosta manchashpa, ashtahuan sinchi criccunami tucurca. Shinallatac Diospac Espíritu pushacushcamantami, ashtahuan achca criccuna tucurca.

HECHOS 3:26

Dios, paipac Churita causachishpaca, cancunaman allicunata cuchunmi, cancunapacman punta cacharca. Cancuna millai causaita saquishpa, alli causachunmi, cacharca» nirca.

HECHOS 2:39

Chaitaca Mandac Diosmi cancunamanpish, cancunapac huahuacunamanpish, tucui carupi causaccunamanpish, tucui pai acllashcacunaman cusha nishca— nirca.

EZEQUIEL 37:22

Paicunata Israel llacta urcucunapi churashpa, shuclla llactata ruhuashpami, shuclla jatun mandacta churasha. Ashtahuanpish ña mana ishcai llactachu canga. Mana ishcai mandacchu tiyanga.

JEREMÍAS 6:16

Mandac Diosca: «Ñancunapi shayarishpa ricuichicyari. Ñaupa ñancunata tapushpa, maijan ñan alli cashcata acllashpa purichicyari. Chashna ruhuacpica, cancunapac alma samaringami» nirca. Shina nicpipish cancunaca: «Chai ñantaca mana purishunchu» nircanguichicmi.

ISAÍAS 52:8

¡Uyaichicyari! Torre jahuapi chapac runacunaca yallita cushicushpami, tandanacushpa caparinga. Sionman Mandac Dios cutin pushamucuctaca quiquin ñahuihuanmi ricunga.

SALMOS 128:6

Cambac churicunapac churicunatapish ricungacamanmi causangui. ¡Israelcunamanca cushi causai tiyachun!

SALMOS 112:1

Mandac Diosta manchaccunaca cushicunmi. Pai mandashcacunapimi yallita cushicun.

DEUTERONOMIO 5:29

¡Paicunaca shungumanta manchashpa, tucui punzhacuna tucui ñuca mandashcacunata cazushpa causashpami alli canman! Shina ruhuashpami, paicunapish, paicunapac huahuacunapish tucui causaipi alli canga.

GÉNESIS 22:12

Shina nicpimi angelca: —Huambrapac jahuapica ama maquita churaichu, ama imata ruhuaichu. Diosta manchashpa, cambac cuyashca shuclla churita mañacpi, mana misashcataca ña yachanimi— nirca.

GÉNESIS 18:19

Abraham tucui paipac causaipi huahuacunamanpish, huahuapac huahuacunamanpish ñuca yachachishcata yachachigricucta, imapish alli cashcallata ruhuanata yachachigricuctami yachani. Shina cacpica, ñuca imallata Abrahamman cusha nishcataca pactachishcami canga» nishpa yuyarca.

GÉNESIS 17:7

Canhuanpish, cambac huahua huahuacunahuanpishmi ari nishcata callarichisha. Cambacpish, cambac huahua huahuacunapacpish Dios cangapacmi, huiñaipac ari nisha.

DEUTERONOMIO 6:24

Mandac Diosmi cai mandashcacunata pactachichun, paita manchashpa causachun, Egipto llactamanta llucchimurca. Shina ruhuashpaca, tucui ñucanchic causaipi alli cachun, shinallatac cunancaman causacushca shina causachunmi mandarca.

SALMOS 86:11

Mandac Dioslla, can munashca shina causanata yachachiyari. Cashcata nic ñanpimi causasha. Ñuca shungupipish canta manchana yuyaita churaiyari.

ISAÍAS 65:23

Mana yanga trabajangachu. Huahuacunapish mana llaqui tucungapacchu huacharinga. Paicunapish, paicunapac huahua huahuacunapish Mandac Dios bendiciashcami canga.

JEREMÍAS 31:33

Shamuc punzhacunapica israelcunahuan ari nishcaca cashnami canga: Ñuca mandashcataca paicunapac shungupi churashpami, paicunapac yuyaipi quillcasha. Ñucaca paicunapac Diosmi casha, paicunaca ñuca acllashcacunami canga.

DEUTERONOMIO 6:2

Canpish, cambac huahuacunapish, nietocunapish canta Mandac Diosta manchachunmi yachachini. Unaita causangapacca tucui punzhacunami cai mandashcacunata yuyarashpa, cazuna canguichic.

JEREMÍAS 24:7

Ñucaca Mandac Dios cashcata ricsichunmi paicunamanca alli yuyaita cusha. Paicunaca ñuca acllashcacunami canga. Ñucaca paicunapac Diosmi casha. Chaica, paicunaca tucui shunguhuanmi ñucapacman cutinga.

EZEQUIEL 37:24

Ñucata servic Davidmi paicunapac jatun mandac canga. Shuclla michicmi tiyanga. Paicunaca ñuca yachachishcacunatapish, mandashcacunatapish, rimashcacunatapish pactachishpami causanga.