JEREMÍAS 32:2 - Dios Rimashcata Quillcashcami

² Chai punzhacunapica Babilonia llactata jatun mandacpac soldadocunami Jerusalentaca muyunacushpa chapacurca. Chai punzhapica Dios ima nishcata huillac Jeremiasca Judá llactata jatun mandacpac huasi canzhapimi prezu carca.

JEREMÍAS 32:2 Referans Kwoze

JEREMÍAS 37:21

Shina nicpimi, jatun mandac Sedequiasca Jeremiasta cárcel canzha pambapi churashpa cuidachun, shinallatac chai llactapi tucui tanda tucuringacaman callepi ruhuashca tandata apamushpa punzhanta carachun mandarca. Shinami Jeremiasca cárcel canzha pambapi tiyacurca.

NEHEMÍAS 3:25

Paipac ladopica Uzaipac churi Palalmi chai tucuri pircatapish, jatun mandacpac huasi ladopi tiyac jatun torretapish allichirca. Chai torreca prezushpa churana huasi ñaupapimi carca. Paipac ladopica Farospac churi Pedaiasmi allichirca.

JEREMÍAS 38:6

Shina nicpimi, Jeremiasta japishpa, Hamelecpac churi Malquiaspac yacuta jundachina jutcupi huascacunahuan urai cacharca. Chaica cárcel pungupimi carca. Ashtahuanpish chai jutcupica yacuca mana tiyarcachu. Turullami tiyarca. Jeremiasca chai turupimi pambarirca.

JEREMÍAS 33:1

Cárcel canzha pambapi Jeremías prezu cacpimi, cutinllatac Mandac Diosca:

JEREMÍAS 32:8

Mandac Dios huillashca shinallatacmi ñuca tiopac churi Hanameel cárcel punguman shamushpaca: “Benjamín llactapi tiyac Anatotpi cac ñuca allpata randi. Chai allpaca cambacmi cana can. Chaimanta canmi randina cangui” nirca. Shina nicpimi, chaita randichunca, Mandac Dios mandashcata yachac chayarcani.

SAN MATEO 5:12

Chashna llaquichicpipish, ¡cushicuichiclla! Diosca jahua pachapimi, cancuna japina cashcata yallita cunga. Ñaupa punzhapipish Dios ima nishcata huillaccunataca llaquichircacunami.

JEREMÍAS 36:5

Chai quipami Jeremiasca Baructaca: «Ñucaca Mandac Diospac huasiman mana yaicui pudinichu.

JEREMÍAS 32:3

Judá llactata jatun mandac Sedequías Jeremiastaca: «¿Ima nishpatac canca: “Mandac Diosca: Ñucami cai llactataca Babilonia llactata jatun mandacpac maquipi churani. Paimi cai llactataca japinga.

SALMOS 88:8

Ñuca ricsishcacunatapish tucuimi ñucamanta caruyachishcangui. Paicunapac ñaupapica piñanatami ruhuashcangui. Ñucaca prezushca shinami cani. Mana llucshi pudinichu.

JEREMÍAS 34:1

Babilonia llactata jatun mandac Nabucodonosor tucui paipac soldadocunahuan, cai pachapi tiyac pai mandacuc llactacunata mandaccunahuan shamushpa, Jerusalenpi causaccunahuan, chai llactacunapi causaccunahuan macanacucucpimi, Mandac Diosca Jeremiastaca:

JEREMÍAS 37:4

Jeremiastaca manarac prezurcachu. Chaimantami paica gentecunapac chaupipi llucshic yaicuc puricurca.

JEREMÍAS 38:13

Shinami Jeremiastaca chai yacuta jundachina jutcumanta huascahuan llucchirca. Chai quipaca Jeremiastaca cárcel pungupimi saquirca.

2 REYES 25:1

Sedequías Judá llactata iscun huata chunga quilla chunga punzhata mandacucpimi, jatun mandac Nabucodonosorca paipac tucui soldadocunahuan Jerusalenman shamurca. Chashna shamushpaca, tucui pueblo muyunditami torrecunata macanacungapac shayachirca.

JEREMÍAS 37:15

Mandaccunaca yallita piñarishpami, Jeremiastaca macashpa, quillcac Jonatanpac huasipi prezu churarca. Chai huasitaca carceltami ruhuarca.