JEREMÍAS 31:9 - Dios Rimashcata Quillcashcami

⁹ Paicunaca huacashpami cutimunga. Ñucaca sumac yacu pugru pambata, maita mana mitcaripac sumac ñantami cushichishpa pushamusha. Ñucami israelcunapac taita cani. Efrainca ñuca punta churimi.

JEREMÍAS 31:9 Referans Kwoze

SAN MATEO 5:4

Shungupi llaquilla caccuna, ¡cushicuichic! Diosmi cancunataca cushichinga.

JEREMÍAS 3:4

Cunanllami canca: “Ñuca taitalla, huambrarac cacpica, canmi ñucata pushashpa purircangui.

ÉXODO 4:22

Chaimanta Faraontaca: “Mandac Diosca: ‘Israelca ñuca punta churimi.

JEREMÍAS 50:4

Mandac Diosca: «Chai punzhacunaca israelcunapish, Judá runacunapish tandanacushpami cutinga. Ñucata mashcashpami, quiquin chaquihuan purishpa, huacashpa ñucapacman shamunga.

JEREMÍAS 31:20

¿Manachu Efrainca ñuca cuyashca huahua? ¿Manachu ñuca cushicuna huahua? Punzhantami paita yuyaricunilla. Ñuca paita yuyarishpaca shungumantami llaquirini. Paitaca llaquishatacmi» nini. Chaitaca Mandac Dios ñucami nini.

ISAÍAS 63:13

Paimi shitashca pambata caballo apamuc shina, manchana yacu chaupita mana mitcachishpa pushamurca.

SALMOS 23:2

Llullu quihua pambacunapimi ñucataca samachinga. Casilla tiyacuc yacu cuchupimi michinga.

APOCALIPSIS 7:17

Ashtahuanpish mandashpa tiyarina chaupipi cac Pactalla Ovejami michinga. Paillatacmi huiñai causaita cuc yacumanpish pushanga. Shinallatac paicunapac ñahuicunamantaca Diosmi tucui huiquita pichanga» nirca.

SAN LUCAS 6:21

¡Cunan yarcaihuan caccunaca cushicuichic! Mana nictami micunguichic. ¡Cunan huacaccunaca cushicuichic! Cushicushpa asinguichicmi.

SAN MATEO 6:9

Cancuna mañashpaca: “Jahua pacha ñucanchic Taitalla, cambac shutitaca, tucuilla alli nishca cachun.

ZACARÍAS 12:10

Davidpac huahuapuramanpish, Jerusalenpi causaccunamanpish cuyac shunguta, shinallatac ñucata mañana yuyaitami yallita cusha. Shina cucpimi, paicunaca ñucata chugrichic shina llaquichishcata ricunga. Chaimantami shuclla churi huañushcamanta shina, punta churi huañushcamanta shina, yallita llaquirishpa huacanga.

JEREMÍAS 3:19

Ñucaca: Tucui cai pachapi tiyac llactacunamanta ashtahuan sumac, tucuipac munana llactata cungapac, ¿ima shinatac cancunataca ñuca huahuacunata ruhuashayari? Ñucataca ñuca taitalla ningacunami, mana cungaringacunachu yuyarcanimi.

ISAÍAS 64:8

Mandac Dioslla, cunanca canmi ñucanchic Taita cangui. Ñucanchicca allpa turullami canchic. Canmi ñucanchictaca ruhuarcangui. Ñucanchicca can ruhuashcami canchic.

ISAÍAS 57:14

Mandac Diosca: «¡Ñanta pugrullata ruhuashpa pichaichicyari! ¡Ñuca acllashcacunapac ñanmanta imapi mitcarinacunata anchuchichicyari!» ningami.

HEBREOS 12:23

jahua pacha libropi quillcashca, Diospac punta huahuacuna tandanacushcaman chayarcanguichic. Shinallatac tucuita taripashpa ricuchic Diospacman, cashcata ruhuaccunata Dios allita ruhuashca almacunapacmanmi chayarcanguichic.

HEBREOS 12:13

Huishtu chaquicuna alliyashpa, ama ashtahuan anchayachun, recto chaqui ñancunata ruhuaichic.

HEBREOS 5:7

Apunchic Jesucristoca cai pachapi causacushpami, huañuimanta quishpichic Diosta caparishpa, huacashpa mañarca. Jesusca Diosta yallita cazushpami causarca. Chaimantami Diosca uyarca.

2 CORINTIOS 6:18

Ñucaca cancunapac Taitami casha, Cancunaca ñuca churicuna, ñuca ushicunami canguichic» ninmi.

ROMANOS 8:26

Ñucanchic irquiyashca cacpipish, Diospac Espiritumi ayudan. Ima shina Diosta mañanatapish mana yachanchicchu. Shina cacpipish, Diospac Espiritullatacmi llaquirishpa, ñucanchic mana rimaipac rimaicunahuan ñucanchicmanta mañacun.

SAN MATEO 3:3

Juanmanta Dios ima nishcata huillac Isaías huillashpaca: «Shitashca pambapi shuc runa caparishpaca: “Quishpichic shamuna ñanta allichichic, quingu ñancunatapish derechaichic” nicunmi» nirca.

OSEAS 12:4

Jacoboca angelhuan macanacushpa mishashpaca, yallita huacashpami mañarca. Jacoboca Bet-elpimi Dios-huan tuparca.

ISAÍAS 63:16

Abraham ñucanchicta mana yuyaricpipish, taita Israel ñucanchicta cungaricpipish canmi ñucanchic taita cangui. Mandac Dioslla, huiñaita ñucanchicta quishpichicmi cangui.

DEUTERONOMIO 32:6

Imatapish mana yachac, yuyai illac gentecunalla, ¿chashnachu Mandac Diostaca ruhuana carcanguichic? ¿Paica manachu cancunaman causaita cuc Taita? Paimari causaita cushpa callarichirca.

1 CRÓNICAS 29:10

David tucui tandanacushcapac ñaupapi Mandac Diosta alli nishpaca: «¡Ñucanchic ñaupa taita Israelpac Mandac Dioslla, cantaca huiñaita alli nishca cachun!

NÚMEROS 2:18

Efrainpac aillumanta soldadocunaca inti yaicuna ladopimi quiquin banderahuan carpacunata shayachishpa tiyaringa. Paicunataca Amihudpac churi Elisamami mandanga.

SALMOS 89:27

Ñucapish paitaca punta churi cachunmi churasha. Shinallatac cai pacha jatun mandaccunapac jahuapimi churasha.

SALMOS 107:7

Chashna puricucpimi, alli ñanta ricuchishpa, maipi causana puebloman pusharca.

ISAÍAS 42:16

Ñahui mana ricuccunataca paicuna mana ricsishca ñantami pushasha. Paicuna mana ricsishca chaqui ñantami allita pushasha. Paicunapac ñaupapica pura tutataca achictami ruhuasha. Mana puripac ñancunata sumac pamballata ruhuashpami, paicunataca mana saquisha.

ISAÍAS 43:20

Ñuca acllashcacuna ubiachun shitashca pambapi yacuta llucchicpi, chaquishca pambapi yacuta cucpimi, sacha animalcunapish, chacal animalcunapish, huahua avestruzcunapish ñucata alli ningacuna.

ISAÍAS 45:11

Israelcunata ruhuac jucha illac Mandac Diosca: «¿Quipa punzha ima tucunatachu tapunguichic? ¿Ñuca maquihuan ruhuashca huahuacunamantachu tapunguichic?

OSEAS 3:5

Chai quipami, israelcunaca cutishpa, paicunata Mandac Diostapish, jatun mandac Davidtapish yuyaringa. Tucuri punzhacunami allita japingapac Mandac Diospacman chucchushpa cuchuyanga.

MALAQUÍAS 2:10

¿Manachu tucui ñucanchicca shuclla taitata charinchic? ¿Manachu shuclla Dios ruhuashca canchic? Chashna cashpaca, ¿ima nishpatac ñucanchicca caishuc chaishuc mana cazunacushpa, ñaupa taitacunahuan ari nishcataca yangapi churanchic?

DEUTERONOMIO 14:1

Cancunaca Mandac Diospac huahuacunami canguichic. Chaimanta maijan huañucpica, mana chugririnachu canguichic. Acchatapish mana pitirinachu canguichic.