JEREMÍAS 31:8 - Dios Rimashcata Quillcashcami

⁸ Ñucaca jahua lado llactamanta, shinallatac tucui cai pacha tucuri llactamantami tandachisha. Chashna tandachicpimi, ñahui mana ricuccunapish, suchucunapish, huicsayuc huarmicunapish, llullu huahuayuc huarmicunapish caiman cutin tandanacumunga.

JEREMÍAS 31:8 Referans Kwoze

EZEQUIEL 34:16

Caita, chaita rishcacunatapish, chingarishca ovejacunatapish ñucallatacmi mashcashpa corralman cutichimusha. Chaqui paquicunataca huatachishami, irquiyashcacunataca sinchiyachishami. Ashtahuanpish huira ovejacunataca tucuchishami. Ñucaca cashcata ruhuashpami michisha.

JEREMÍAS 23:8

Ashtahuanpish: “¡Israelcunapac huahua huahuacunata jahuamanta, tucui llucchishpa cachashca llactacunamanta cutichimuc Mandac Diospac shutipimi ari nini!” ningacuna. Shina cutichimucpimi, paicunapac llactallapitac causanga» ninmi.

ISAÍAS 42:16

Ñahui mana ricuccunataca paicuna mana ricsishca ñantami pushasha. Paicuna mana ricsishca chaqui ñantami allita pushasha. Paicunapac ñaupapica pura tutataca achictami ruhuasha. Mana puripac ñancunata sumac pamballata ruhuashpami, paicunataca mana saquisha.

MIQUEAS 4:6

Mandac Diosca: «Chai punzhapica suchu ovejacunatapish, ñuca llaquichishca ovejacunatapish tandachishami.

HEBREOS 12:12

Chaimanta shaicushca rigracunatapish, mucucunatapish cuyuchic shina sinchiyaichic.

EZEQUIEL 34:13

Shuctac llactamanta tandachimushpami paicunapac quiquin llactaman pushamusha. Chashna pushamushpami Israel urcucunapi, jatun yacu patacunapi, gentecuna causana pambacunapi michisha.

ISAÍAS 40:11

Shuc michic shinami, paipac ovejacunataca michinga. Huahua ovejacunataca rigra jahuapimi apanga. Cunanlla huachashca ovejacunataca alli cuidashpami huiñachinga.

1 TESALONICENSES 5:14

Shinallatac cuyashca criccuna, chai quilla runacunatapish rimaichic, llaquilla caccunataca cushichichic, manarac sinchi criccunatapish yachachichic. Shinallatac tucuihuan sumacta caichic.

SAN MATEO 12:20

Cashcata ruhuashpa taripangacaman huishtuyashca cañatapish mana paquingachu, ashalla japiricuc mechatapish mana huañuchingachu.

JEREMÍAS 3:18

Chai punzhacunapica Judá ailluca Israel ailluhuanmi jahua lado llactamanta cancunapac ñaupa taitacunaman ñuca cushca llactaman shamunga.

ISAÍAS 52:10

Mandac Diosmi tucui llactacunapac ñaupapi paipac poderta ricuchirca. Mandac Dios quishpichic cashcataca tucui cai pacha llactacunami ricunga.

ISAÍAS 43:6

Jahua lado llactataca: «¡Paicunata cutichichic!» nishami. Ura lado llactataca: «¡Paicunata ama jarcaichicchu! Ñuca churicunataca carumanta, ñuca ushicunataca cai pacha tucurimanta pushamuichic.

DEUTERONOMIO 30:4

Cai pachapi tiyac ashtahuan caru llactamantapish Mandac Diosca mashcashpa tandachimungami.

HEBREOS 4:15

Ñucanchic mana catinata pudicucpi, llaquishpa ayudac jatun mandac curatami charinchic. Paipish ñucanchic shinallatacmi llaquita aparca. Shina cashpapish jaicapi mana juchallircachu.

1 CORINTIOS 8:10

Caicunata yachashca jahua, ruhuashcalla diosta adorana huasipi chai diosman cushca aichata can micucta maijan manarac sinchi cric ricushpaca, ¿manachu paipish chai shina ruhuasha ninga?

SAN JUAN 21:15

Micushca quipami, Jesusca Simón Pedroman tapushpaca: —Juanpac churi Simón, ¿caishuccunata atishpachu ñucata cuyangui?— nishpa tapurca. Chashna tapucpi Pedroca: —Ari, Apunchic Jesús, canta cuyac cashcataca canllatac yachanguimi— nirca. Chashna nicpimi Jesusca: —Shinashpaca ñuca pactalla ovejacunata cuidangui— nirca.

ZACARÍAS 2:6

Mandac Diosca: «¡Uyaichic, jahua lado llactamanta llucshishpa callpaichicyari! Ñucami cancunataca cai pacha chuscu ladocunaman shic-huashpa cacharcani. Chaitaca Mandac Dios ñucami nini.

SOFONÍAS 3:19

Chai huatapica cancunata tucui llaquichiccunatami llaquichisha. Shinallatac suchucunataca quishpichishami. Chingarishca oveja shina puriccunatapish tandachishami. Cancunata pingaichishca llactacunapica tucuipac alli nishca, tucuipac ricsishcatami ruhuasha.

EZEQUIEL 20:41

Caita chaita rishpa, shuctac llactapi causacucpimi, chaimanta llucchishpa, mishquilla ashnacuc inciensota shina chasquisha. Chashna allita ruhuashcamantami shuctac llactapi causaccunaman ñucaca jucha illac cashcata ricurisha.

EZEQUIEL 20:34

Ñuca yallita piñarishpami, ñuca poderhuan caimanta, chaimanta llucchimusha. Mai llacta chaupimanta, shuctac gentecunapac chaupimantami llucchimusha.

JEREMÍAS 29:14

Cancunaca taringuichicmi. Prezumanta cutichimushpami, ñuca llucchishpa cachashcacunataca tucui llactacunamanta tandachisha. Maimanta ñuca llucchishpa cachashca pushtullamantacmi cutichimusha. Chaitaca Mandac Dios ñucami nini.

JEREMÍAS 3:12

Jahua lado llactata ricushpa: “Mandac Diosca: Mana cazuc Israel-lla, ñucapacman cutimuichic. Ñucaca llaquicmari cani. Mana ashtahuan piñarishachu. Mana huiñaita piñarishachu.

ISAÍAS 45:22

¡Tucui cai pachapi tiyac llactacunapi causaccuna ñucata catichicyari, quishpiringuichicmi! ¡Ñucami Diosca cani, ashtahuan shucca mana tiyanchu!

SALMOS 107:3

Paicunataca tucui llactamanta, inti llucshina ladomanta, inti tigrana ladomanta, jahua ladomanta, ura ladomantami tandachimurca.

SALMOS 98:3

Israelcunata llaquishcatapish, pai nishcata pactachic cashcatapish mana cungarishcachu. Tucui cai pacha muyundipi causaccunami ñucanchic Dios mishachic cashcataca ricushca.

SALMOS 65:5

Ñucanchicta quishpichic Dioslla, ñucanchic mañacpica, cashcata ruhuashpami cutichingui. Tucui llactacunapi causaccunapish, caru mama cucha llactapi causaccunapish canllatami shuyancuna.

JEREMÍAS 23:3

Shuctac llactaman ñucallatac cachashca ovejacunamanta saquirishca ovejacunataca ñucallatacmi cutin tandachisha. Shina tandachishpami, paicuna causacushca pushtullamantac cutichimusha. Chaipi causashpami achcata miranga.

EZEQUIEL 34:12

Ima shinami shuc michic caita, chaita rishca ovejacunata mashcan, chashnallatacmi ñucapish, ñuca ovejacunataca mashcasha. Puyu tapashca amsa punzhacunapimi ovejacunaca caita chaita rirca. Tucui chaicunataca llucchimushami.

JEREMÍAS 16:15

Ashtahuanpish cancunapac ñaupa taitacunaman cushca llactaman ñuca cutichimusha. Chaimantami: “Israelcunata jahua lado llactamantapish, shuctac llactaman cachashcacunatapish cutin cutichimuc Mandac Diospac shutipimi nini” ningami.