JEREMÍAS 31:33 - Dios Rimashcata Quillcashcami

³³ Shamuc punzhacunapica israelcunahuan ari nishcaca cashnami canga: Ñuca mandashcataca paicunapac shungupi churashpami, paicunapac yuyaipi quillcasha. Ñucaca paicunapac Diosmi casha, paicunaca ñuca acllashcacunami canga.

JEREMÍAS 31:33 Referans Kwoze

2 CORINTIOS 3:3

Cancunataca Cristollatac quillcashca gentecuna ricuna quillca shina cashcatami ricunchic. Chaitaca ñucanchicllatacmi cancunamanca curcanchic. Chai quillcaca mana tintahuan quillcashcachu, ashtahuanpish causac Diospac Espirituhuan quillcashcami. Chai quillcaca mana rumipi quillcashcachu, ashtahuanpish cancunapac shungupimi quillcashca can.

HEBREOS 10:16

«Mandac Diosca: “Shamuc punzhacunapica, paicunahuan ari nishpami, ñuca mandashcacunata paicunapac shungupi churasha. Paicunapac yuyaipimi, quillcashca shinami churasha” ninmi.

HEBREOS 8:10

Quipa punzhacunapi israelcunahuan ari ninacushpaca, ñuca mandashcacunataca paicunapac yuyaipimi churasha. Paicunapac shungupimi, quillcashca shina churasha. Ñucaca paicunapac Diosmi casha, paicunaca ñuca huahuacunami canga.

JEREMÍAS 24:7

Ñucaca Mandac Dios cashcata ricsichunmi paicunamanca alli yuyaita cusha. Paicunaca ñuca acllashcacunami canga. Ñucaca paicunapac Diosmi casha. Chaica, paicunaca tucui shunguhuanmi ñucapacman cutinga.

JEREMÍAS 32:40

Paicunaman allita ruhuangapacmi paicunahuanca huiñai causaicaman ari ninacusha. Ñucamanta ama anchurichunmi, ñucata manchana yuyaita paicunapac shungupi churasha.

SALMOS 40:8

“Ñuca Dioslla, cambac munaita ruhuashpami cushicuni. Can mandashcataca ñuca shungupimi huacaichini” ninmi» nircani.

EZEQUIEL 37:27

Ñucapaclla carpa huasipish paicunapac chaupipimi canga. Ñucaca paicunapac Diosmi casha. Paicunaca ñuca acllashcacunami canga.

APOCALIPSIS 21:3

Mandashpa tiyarinamanta sinchita shuc rimashca uyarishpaca: «Cunanca Diospac carpa huasica gentecunapac chaupipimi causacun. Paicunahuanmi tucui causaipi causanga. Paicunaca Diospac huahuami canga. Diosllatacmi paicunahuanca causanga.

JEREMÍAS 32:38

Paicunaca ñuca acllashcacunami canga. Ñucaca paicunapac Diosmi casha.

DEUTERONOMIO 30:6

Mandac Diosllatacmi paita tucui almahuan, tucui shunguhuan cuyachun, cancunapac shungutapish, cancunapac huahuacunapac shungutapish pitic shina ruhuanga. Chai shina paita cuyashpa, chai llactapi causachunmi chashnaca ruhuanga.

ZACARÍAS 13:9

Chai quimsa partepi chicanyachishcataca ninapi churashpami ricusha. Cullquita yacuyachic shinami yacuyachisha. Ninapi churashpa alli curita ricuc shinami ricusha. Shina ruhuacpimi, paicunaca ñuca shutita mañanga. Paicuna mañashcata ñuca uyashpaca: “Ñuca acllashcacunami canguichic” nishami. Cutin paicunaca: “Ñucanchicta Mandac Diosmi cangui” ningami» ninmi.

SALMOS 37:31

Paipac shungupica paipac Dios mandashcata yuyashpallami causan. Chaimantami paipac chaquica mana lluchcaringa.

ROMANOS 7:22

Ñuca shungupica Diospac mandashcacunahuanmi yallita cushicuni.

JEREMÍAS 30:22

Cancunaca ñuca acllashcacunami canguichic. Ñucaca cancunapac Diosmi casha. Chaitaca Mandac Diosmi nini.

ISAÍAS 51:7

Cashcata ruhuanata yachaccunapish, ñuca mandashcata shungupi chariccunapish uyaichicyari. Shuccuna pingaichinata ama manchaichicchu. Paicuna mana alli nishpa rimacpipish, ama irquiyaichicchu.

JEREMÍAS 31:1

Mandac Diosca: «Chai huatacunapica ñucaca tucui Israel aillucunapac Diosmi casha. Paicunaca ñuca acllashcacunami canga» ninmi.

APOCALIPSIS 21:7

Maijanpish millaita mishacca pai japina cashcatami japinga. Ñucaca paipac Diosmi casha, shinallatac paipish ñucapac huahuami canga.

SAN JUAN 20:17

Shina nicpimi Jesusca: —Ñucaca manarac ñuca Taitapacman huichai rinichu. Chaimanta ama ashtahuan tuparichu. Shina cacpipish ri, ñuca yachacuccunamanca: ‘Ñucaca ñucapacpish, cancunapacpish Taitapacman, shinallatac ñucapacpish, cancunapacpish Diospacmanmi huichai rigrini’ ninmi, nishpa huillagri— nirca.

ROMANOS 11:27

Diosca: “Paicunapac juchacunata anchuchingapacmi, ari nircani” nin» ninmi.

1 TESALONICENSES 4:9

Diosllatacmi caishuc-huan chaishuc-huan cuyanacunataca ña yachachishca, chaimantami ña mana ashtahuan cuyanacunamantaca quillcana canchic.

1 REYES 8:58

Ñucanchic shungupica paillatac cazuna yuyaita ashtahuan churachun. Ñucanchic taitacunaman cushca mandashcacunata, imata ruhuachun mandashcacunata, quillcachishca shimicunatapish cazuna yuyaita cuchun.

JEREMÍAS 32:39

Shinallatac huiñaita ñucata manchashpa causachunmi, paicunamanca shuc yuyaita, shuctac causaita cusha. Paicunapish, paicunapac quipa huahua huahuacunapish alli causaita charichunmi chashna ruhuasha.

OSEAS 2:20

Tucuita pactachingapacmi canhuan cazarasha. Shina ruhuacpimi, Mandac Dios ñucata ricsingui.

SOFONÍAS 3:13

Saquirishca israelcunaca ima mana allita mana ruhuangachu, mana llullangachu. Llullashpa pita mana umangachu. Paicunata allita michicpimi, imatapish mana manchashpa, cushilla causanga» ninmi.

ÉXODO 6:7

Ñucapaclla acllashca llactata ruhuashpami, cancunapac Dios casha. Chaimantami Egiptopi sinchi trabajacushcamanta llucchic, shinallatac cancunata Mandac Dios cashcata yachac chayanguichic.

2 SAMUEL 7:24

Can acllashca israelcunataca huiñaita cambaclla causachunmi churashcangui. Mandac Dios chashna ruhuashpami, paicunapac Dios tucurcangui.

SALMOS 40:9

Cashcata can ruhuac cashcataca jatun tandanacuipimi huillarcani. Mandac Dioslla, ñuca mana upalla saquirishcataca canllatacmi yachangui.

PROVERBIOS 7:3

Chai yachachishcataca maqui dedopi huatashca shina, tablapi quillcashca shina shungupi charingui.

ISAÍAS 59:21

Mandac Diosca: «Cancunahuanmi ari nini. Ñuca Espiritupish, cancunapac shimipi ñuca churashca rimaicunapish cunanmanta pachami cancunamanta, cancunapac huahuacunamanta, cancunapac nietocunamanta huiñai huiñaita mana caruyan» ninmi.

JEREMÍAS 17:1

Judá llactapi causaccunapac juchacunaca cincel fierrohuanmi quillcashca. Shinallatac diamante rumi puntahuanmi tablapi quillcashca shina, cancunapac shungupipish, cancunapac altar gachucunapipish quillcashca tiyacun.