JEREMÍAS 31:25 - Dios Rimashcata Quillcashcami

²⁵ Shaicushcapac shungutaca sinchiyachishami. Llaquilla causaccunapac almatapish cushichishami» ninmi.

JEREMÍAS 31:25 Referans Kwoze

SAN MATEO 5:6

Yarcaihuan yacunayaihuan shina, cashcata ruhuanata munaccuna, ¡cushicuichic! Diosmi chaita pactachichun saquinga.

SAN JUAN 4:14

Ashtahuanpish maijanpish ñuca cushca yacuta ubiacca, jaicapi mana yacunayachingachu. Ñuca cushca yacuca paipica huiñai causaita cuc, tucyacuc yacu shinami canga— nirca.

SAN MATEO 11:28

Aparishca, shaicushca shina causaccuna, tucuilla ñucapacman shamuichic. Ñucami cancunataca samachisha.

SALMOS 107:9

Paica yacunayaihuan caccunamanca mana nictami ubiachin. Yarcaihuan caccunamanca micunataca achcatami caran.

JEREMÍAS 31:14

Curacunatapish, ñuca acllashcacunatapish alli micunata cushpami cushichisha» ninmi.

2 CORINTIOS 7:6

Shina cacpipish llaquilla caccunata cushichic Diosca Tito chayamucpimi, yallita cushichirca.

ISAÍAS 50:4

Mandac Diosmi ñucataca shaicushca causaccunata samachichun yachachirca. Tucui tutamantami pai yachachishcata tucui shunguhuan uyachun ricchachin.

SAN LUCAS 1:53

Yarcaihuan caccunamanca, allicunatami achcata carashca. Chayuccunataca, chushac maquitami cachashca.

ISAÍAS 32:2

Chai jatun mandacca sinchi huairamanta, acapana huairamanta jarcac shinami canga. Chaquishca pambapi yacu llucshicuc shina, yallita rupai llandurina rumi shinami canga.

ISAÍAS 40:29

Shaicushcacunamanpish paimi fuerzata cun. Fuerza illaccunataca sinchiyachinmi.

JEREMÍAS 31:12

Paicunaca Sión urcuman rishpami, yallita cushicushpa cantanga. Ñuca bendiciashca micunata, vinota, aceiteta, ovejacunata japingapacmi callpamunga. Paicunaca parcurishca huerta shinami cushilla causanga. Jaicapi ima llaqui mana tucungachu.

EZEQUIEL 34:14

Alli quihuapimi michisha. Israelpi tiyac jatun urcu sumac quihuapimi puringa. Chaipimi sumac michina pambapi samaringa, sumac quihuatami micunga.

SALMOS 23:3

Paimi ñuca almataca sinchiyachinga. Paipac shuti alli nishca cachunmi alli ñanta ñucataca pushanga.

ISAÍAS 41:17

Huacchacunapish, imata mana chariccunapish yacuta mashcashpaca mana tarinchu. Shinami yacunayaihuan paicunapac calluca chaquishca. Ñucami paicuna mañashcata uyasha. Israelcunapac Dios ñucaca, manatac saquishachu.