JEREMÍAS 31:14 - Dios Rimashcata Quillcashcami

¹⁴ Curacunatapish, ñuca acllashcacunatapish alli micunata cushpami cushichisha» ninmi.

JEREMÍAS 31:14 Referans Kwoze

JEREMÍAS 31:25

Shaicushcapac shungutaca sinchiyachishami. Llaquilla causaccunapac almatapish cushichishami» ninmi.

1 PEDRO 2:9

Ashtahuanpish cancunaca Dios acllashpa chicanyachishcacuna, Jatun Mandacpacta ruhuac curacuna, Diospaclla cac gentecuna, shinallatac Dios munashpa paipacllatac ruhuashcacunami canguichic. Amsamanta sumac achic luz shina causaiman llucchic Dios ruhuashca sumaimanacunata huillachunmi, chashnaca ruhuashca.

JEREMÍAS 33:9

Jerusalenpi ñuca allicunata ruhuashcata tucui llactacunapi uyashpami, ñucataca alli nishpa, sumaimanami cangui ningacuna. Chaimantami Jerusalenpi causaccunahuan yallita cushicusha nini” ninmi» nirca.

APOCALIPSIS 5:10

Chashnami ñucanchicta Mandac Diospacta ruhuaccuna, jatun mandaccuna, curacuna cachun ruhuashcangui. Shina cashpami cai pachataca mandashun» nircacuna.

EFESIOS 3:19

Cristopac cuyaica tucui yachaicunamantapish ashtahuan yallimi. Chai cuyaitami cancunataca ricsichun munani. Chai cuyaita ricsishpami, Dios cancunapac shungupi causacushcatatac yachac chayanguichic.

CANTARES 5:1

Ñuca panilla, ñuca huarmilla, ñuca huertamanmi shamurcani. Ñuca mirratapish, mishquilla ashnacuctapish ñami japini. Bunga mishquitapish ñami micuni. Vinotapish, lechetapish ñami ubiani. Ñuca ricsishcacunalla, ñuca cuyashcacunalla, cushicushpa achcata micuichiclla, ubiaichiclla.

SALMOS 107:9

Paica yacunayaihuan caccunamanca mana nictami ubiachin. Yarcaihuan caccunamanca micunataca achcatami caran.

EFESIOS 1:3

Cristohuan shuclla tucushcamantami, ñucanchicmanca paipac Espirituta cushpa, jahua pachapi tiyac tucuilaya allicunata Diosca curca. ¡Chaimantami ñucanchic Apunchic Jesucristopac Diostaca alli nicunalla canchic!

SAN MATEO 5:6

Yarcaihuan yacunayaihuan shina, cashcata ruhuanata munaccuna, ¡cushicuichic! Diosmi chaita pactachichun saquinga.

ISAÍAS 61:6

Cancunaca Mandac Diospac curacuna, ñucanchic Diosta serviccuna nishcami canguichic. Jatun llactacunapi causaccuna ima charishcacunatami micunguichic. Paicuna ima sumac charishcacunahuanmi alli nishca canguichic.

ISAÍAS 25:6

Tucuita Mandac Diosmi cai urcupi tucui gentecunaman jatun micuita ruhuanga. Chaipimi sumac mishqui micuita carashpa, sumac vinotapish ubiachinga. Sumac micuitapish carangami, imahuan mana chapushca sumac vinotapish ubiachingami.

SALMOS 132:16

Shinallatac curacunamanca quishpirishca churanatami churachisha. Diospaclla causaccunaca cushicushpami caparingacuna.

SALMOS 132:9

Cambac curacunaca cashcata ruhuanata churarishca shina cachun. Cambaclla caccunaca yallita cushicuchun.

SALMOS 65:4

Can acllashpa, cambac cuchuman apamushpa cambac huasi corredorpi causachun churashca runaca cushicuchun. Cambaclla huasipi tiyac sumac allicunata chasquishpami cushicushun.

SALMOS 63:5

Ñuca almaca huira aichata micushca shinami cushicunga. Jatun cushicuihuanmi ñuca shimihuan alabasha.

SALMOS 36:8

Cambac huasi ucupi tiyac micunatami huicsa pactata micungacuna. Cambac sumaccunataca yacuta ubiachic shinami cungui.

NEHEMÍAS 10:39

Chai huacaichina ucumanmi israelcunapish, levitacunapish cushca grano ofrendata, vinota, aceiteta apangacuna. Chai huasillapitacmi Diosta servic curacunapish, punguta cuidaccunapish, cantaccunapish causancuna. Chashna ruhuashpami, ñucanchic Diospac huasitaca mana saquishun nircanchic.

2 CRÓNICAS 6:41

Mandac Dioslla, cunanca canpish, chai Arcapish can samarina pushtupi causangapac shamuichic. Mandac Dioslla, cambacta ruhuac curacunapish quishpirishcata ricuchic churanata churarishca cachuncuna. Canhuan causaccunaca allicunahuan cushicushpa causachun.

SALMOS 17:15

Ashtahuanpish ñucaca cashcata ruhuac cashcamantami cambac ñahuita ricusha. Ñuca riccharishpaca cambac ñahuita ricushpami mai cushicusha.

SALMOS 90:14

Tutamantapi ñucanchicta yallita llaquiyari. Punzhantami ñucanchicca cushicushpa cantashun.

JEREMÍAS 50:19

Israelcunataca paicunapac llactamanmi cutichimusha. Chashna cutichimucpimi, ñuca ovejacunaca Carmelo, Basán, Efraín, Galaad urcucunapi alli micushpa huirayanga.

HAGEO 2:19

¿Cancunapac tarpuna muyucunaca tiyanchu? Uvaspish, higopish, granadillapish, olivos yurapish manarac sisanchu. Ashtahuanpish cunan punzhamanta pachami bendiciasha» ninmi.

DEUTERONOMIO 33:23

Neftalimanta nishpaca: «Neftalimanca Mandac Diosmi yallita allicunata cushca. Paimanca Mandac Diosmi bendiciashca. Paica inti yaicunamantaca uracamanmi allpata charin» nirca.

SALMOS 63:2

Cambaclla huasipi ricushca shinallatacmi, cambac yachaitapish, cambac cushicuitapish ricusha nini.

SALMOS 63:6

Ñuca camapi siricushpapish canta yuyarishami. Tuta riccharishca horaspimi cantaca yuyarini.

SALMOS 85:13

Cashcata ruhuanami paita ñaupashpa ringa. Pai sarushpami ñucanchic ñantaca allichinga.

EZEQUIEL 34:14

Alli quihuapimi michisha. Israelpi tiyac jatun urcu sumac quihuapimi puringa. Chaipimi sumac michina pambapi samaringa, sumac quihuatami micunga.