JEREMÍAS 31:12 - Dios Rimashcata Quillcashcami

¹² Paicunaca Sión urcuman rishpami, yallita cushicushpa cantanga. Ñuca bendiciashca micunata, vinota, aceiteta, ovejacunata japingapacmi callpamunga. Paicunaca parcurishca huerta shinami cushilla causanga. Jaicapi ima llaqui mana tucungachu.

JEREMÍAS 31:12 Referans Kwoze

ISAÍAS 35:10

Mandac Dios quishpichishcacunaca cushicushpami, Sión llactaman cantashpa yaicunga. Paicunaca huiñai huiñaitami cushicunga. Paicuna yallita cushicuihuan cacpica, ima llaquipish mana japingachu.

JOEL 3:18

Chai punzhapica urcucunamantami mishqui vino llucshinga. Lomacunamantaca lechemi talliringa. Judá llactataca achca toma yacumi callpanga. Mandac Dios ñucapac huasimanta yacu llucshishpami, Sitim pugru pambata parcunga.

ISAÍAS 58:11

Mandac Dios ñucami tucui causaipi michishpa, chaquishca pambapipish, cancuna mañashcata carasha. Cancunapac tullucunatapish sinchiyachishami. Alli parcushca huerta shina, huiñaita tucyacuc yacu shinami canguichic.

SAN JUAN 16:22

Shinallatacmi cancunaca llaquiringuichic. Shina cashpapish, ñuca cutimucpica, cancunapac shungupi yallitami cushicunguichic. Chai cushicuitaca pi mana quichungachu.

EZEQUIEL 17:23

Chai ramataca Israel llacta jatun urcupimi tarpusha. Chai ramacuna huiñashpaca granota pucushpami, sumac cedro yura tucunga. Tucuilaya zhutacuna shamushpami chai rama ucupi llanduringa.

ISAÍAS 65:19

Ñucapish Jerusalenmantami cushicusha. Ñuca acllashcacunahuanmi yallita cushicusha. Jerusalenpica llaquihuan huacashcaca jaicapi mana uyaringachu.

ISAÍAS 60:20

Intica mana tutayangachu, quillapish mana amsayangachu. Mandac Dios ñucami huiñaita cantaca achicyachisha. Llaqui punzhacunapish tucuringami.

APOCALIPSIS 21:4

Paica tucui huiquitami ñahuicunamantaca pichanga. Huañuipish, llaquilla canapish, huacaicunapish, nanaicunapish ña mana tiyangachu. Ñaupaman ima tiyashcapish cunanca ña mana tiyangachu» nirca.

APOCALIPSIS 7:17

Ashtahuanpish mandashpa tiyarina chaupipi cac Pactalla Ovejami michinga. Paillatacmi huiñai causaita cuc yacumanpish pushanga. Shinallatac paicunapac ñahuicunamantaca Diosmi tucui huiquita pichanga» nirca.

ROMANOS 2:4

¿Dios cuyac cashcata, llaquic cashcataca yangalla cashcatachu yuyangui? ¿Dios llaquishpa, paiman cuti richun shuyacushcatapish yangapichu churangui?

OSEAS 3:5

Chai quipami, israelcunaca cutishpa, paicunata Mandac Diostapish, jatun mandac Davidtapish yuyaringa. Tucuri punzhacunami allita japingapac Mandac Diospacman chucchushpa cuchuyanga.

SALMOS 130:4

Ashtahuanpish cambac ñaupapi cumurichunmi, ñucanchic juchacunata perdonashcangui.

EZEQUIEL 20:40

Israel llactapi cac ñucapaclla chicanyachishca jatun urcupimi israelcunaca ñucata servinga. Chaipimi paicunataca chasquishpa, ñucaman ofrendatapish, punta pucushca granotapish, ñucapaclla cachun tucui chicanyachishcatapish chasquisha.

ISAÍAS 51:11

Mandac Dios quishpichishcacunaca cutinllatacmi Sión llactaman cantashpa yaicunga. Paicunaca huiñaitami cushicunga. Paicunaca yallita cushicuihuanmi canga. Nanaipish, llaquipish, huacaipish illangami.

ISAÍAS 1:30

Cancunaca panga chaquishpa, urmashca encina yura shina, yacu illac huerta shinami tucunguichic.

JEREMÍAS 31:4

Carihuan manarac chayarishca soltera shina Israel llactalla, cambac llactata cutin shayachishami. Cutin allichirishpami panderohuan cushicushpa, danzashpa llucshingui.

JEREMÍAS 3:14

Mana cazuc huahuacuna ñucapacman cutimuichicyari. Cancunaca ñucapacmi canguichic. Ñucaca cancunataca cada llactamanta shucta, ishcaitami Sionpi causachun churasha.

JEREMÍAS 31:6

Cuidaccuna Efraín urcupi: ‘¡Mandac Diospacman jacuchic! ¡Sión urcuman huichai rishunchic!’ nishpa, caparina punzhacuna chayamungami” nircani» ninmi.

JEREMÍAS 31:7

Mandac Diosca: «Jacobomanta cushicushpa caparichicyari. Llactacunapac uma shina llactata alli nichicyari. Sinchita caparishpa: “¡Mandac Dioslla, can acllashcapuramanta saquirishca israelcunata quishpichiyari!” nichicyari.

JEREMÍAS 31:24

Chaipimi Judá llactapish, tucui llactacunapish, tarpuccunapish, michiccunapish causanga.

JEREMÍAS 31:25

Shaicushcapac shungutaca sinchiyachishami. Llaquilla causaccunapac almatapish cushichishami» ninmi.

JEREMÍAS 32:15

Cai llactapica huasicunatapish, allpacunatapish, uvas chagracunatapish randinaracmi cangui’ ninmi” nircani.

JEREMÍAS 33:12

Cutinllatac tucuita Mandac Diosca: “Runacunapish, animalcunapish mana tiyac, cai shitashca llactapica cutinllatacmi michinapish, chucllacunapish tucui llactacunapi tiyanga.

JEREMÍAS 33:13

Cutinllatacmi urcupi tiyac llactacunapi, Sefela llactacunapi, Neguev pueblocunapi, Benjamín llactacunapi, Jerusalén muyundi pambapi, shinallatac Judá llactacunapi michiccunaca paicunapac corral ovejacunata yupangacuna” ninmi.

EZEQUIEL 34:14

Alli quihuapimi michisha. Israelpi tiyac jatun urcu sumac quihuapimi puringa. Chaipimi sumac michina pambapi samaringa, sumac quihuatami micunga.

HAGEO 2:19

¿Cancunapac tarpuna muyucunaca tiyanchu? Uvaspish, higopish, granadillapish, olivos yurapish manarac sisanchu. Ashtahuanpish cunan punzhamanta pachami bendiciasha» ninmi.

ISAÍAS 52:8

¡Uyaichicyari! Torre jahuapi chapac runacunaca yallita cushicushpami, tandanacushpa caparinga. Sionman Mandac Dios cutin pushamucuctaca quiquin ñahuihuanmi ricunga.

EZEQUIEL 36:30

Shuctac llacta gentecuna cancuna yarcaihuan cacpi, jaicapi ama rimachunmi yuracunapi pucuc, allpa ucupi pucuc granocunatapish achcata pucuchisha.

ZACARÍAS 8:12

Ashtahuanpish paicunapacca cushi causaica muyuta tarpushca shinami canga. Uvaspish achcami pucunga, allpapipish achca granomi pucunga, jahua pachaca tamyatami cachanga. Chai tucui allicunataca maijan saquirishcacunamanmi cusha.