JEREMÍAS 30:7 - Dios Rimashcata Quillcashcami

⁷ ¡Aij, chai punzhaca yalli llaquimi cagrin! Chashna llaquica jaicapi mana tiyashcachu. Jacobopac huahua huahuacunamanca yalli llaqui punzhami canga. Shina cacpipish, paicunataca quishpichishami» ninmi.

JEREMÍAS 30:7 Referans Kwoze

DANIEL 12:1

Chai punzhacunaca cambac llactapi causaccunata ayudangapacca mandac Miguelmi shamunga. Chai punzhacunapica cai jatun llactacuna callarishcamanta pacha jaicapi mana tiyashca jatun llaquicunami tiyanga. Shina cacpipish, chai punzhacunapica tucui shuticunata libropi quillcachishca cambac llactamanta caccunaca quishpiringami.

MALAQUÍAS 4:1

Mandac Diosca: «Rupacuc horno shina punzhami ña chayamucun. Chai punzhapica jatun tucushpa puriccunapish, mana allita ruhuaccunapish chaquishca ucsha shinami rupanga. Chai rupacuc punzha chayamushpami rupachishpa, sapillatapish, shuc ramallatapish mana saquishpa rupachinga.

DANIEL 9:12

Canca cambac shimihuan ñucanchictapish, ñucanchicta mandaccunatapish llaquichishami nishcataca pactachishcanguimi. Jerusalenta llaquichishca shinaca, cai pachapica jaicapi mana tiyashcachu.

JOEL 2:11

Mandac Diosca paipac soldadocunapac ñaupapimi mandacun. Paipac soldadocunaca achcami. Pai mandashcacunaca llaquimi. Mandac Dios shamuna punzhapica, jatun llaquimi tiyanga. Chai jatun llaquitaca, ¿pitac apai pudingayari?

ROMANOS 11:26

Chai quipaca, tucui israelcunami quishpiringa. Dios quillcachishcapica: «Sión pueblomantami Quishpichic shamunga. Jacobopac huahua huahuacunapac juchacunatami anchuchinga.

MARCOS 13:19

Chai punzhacunaca mancharina llaquimi canga. Chashna llaquicunaca Dios cai pachata ruhuashca punzhamanta cunancaman mana tiyashcachu. Quipa punzhapipish mana tiyangachu.

OSEAS 1:11

Judapac huahua huahuacunapish, israelcunapish tandanacushpami, shuclla mandacta acllanga. Chaica, Jezreelpac punzhaca jatun punzhami canga.

LAMENTACIONES 1:12

Caita pasac maijancunaca, ¿manachu ñucata llaquinguichic? Mandac Dios nina japiric shina piñarishca punzhapi, ¿ñucata llaquichishca shina, llaquita ricushcanguichicchu?

JEREMÍAS 30:10

Mandac Dios ñucaca: «Ñucata servic Jacobolla, ama manchaichu. Israelcunalla, ama chucchuichicchu. Ñucami canpish, cambac huahuacunatapish caru llactapi prezu causacucpi, chaimanta llucchishpa quishpichisha. Jacobopac huahua huahuacunaca mana manchashpami cushilla causanga. Pipish mana ashtahuan manchachingachu.

SALMOS 34:19

Cashcata ruhuactaca achca llaquimi japin. Shina cacpipish, Mandac Diosmi tucui llaquimanta llucchinga.

APOCALIPSIS 6:17

Paicuna yallita piñarishpa llaquichina punzhami shamushca. ¿Chai llaquita apanataca pitac pudingayari?» nircacuna.

HECHOS 2:20

Ñuca taripana jatun punzha manarac chayamucpimi, intica amsayanga, quillaca yahuar shina puca tucunga.

JOEL 2:31

Mandac Dios ñuca cachashca jatun mancharina punzha manarac chayamucpimi, intica amsayanga, quillaca yahuar shina tucunga.

LAMENTACIONES 4:6

Ñuca llactapi causaccunaca Sodomapi causaccunamanta yalli juchatami ruhuashca. Chai puebloca manapish pi llaquichicpimi, cungailla chingarirca. Chai pueblotaca pipish mana ayudarcachu.

LAMENTACIONES 2:13

Jerusalenpi causaccunalla, ¿canmantaca imatatac nishayari? ¿Pihuantac cancunataca chimbapurashayari? Carihuan manarac chayarishca soltera shina, Sionpi causaccunalla, cancunata cushichingapacca, ¿imatatac ruhuashayari? Llaquica mama cucha shina jatunmi. Chaitaca, ¿pitac allichingayari?

SALMOS 25:22

Ñuca Dioslla, israelcunata tucui llaquicunamanta llucchiyari.

GÉNESIS 32:7

Chaita uyashpami, Jacoboca munai manchaihuan llaquirishpa, paipac runacunataca vacacunandi, ovejacunandi, camellocunandi ishcaipi chicanyachirca.

ISAÍAS 20:6

Chai punzhacunapimi mama cucha patapi causaccunaca: “¡Riquichic, ñucanchicca paicunapimi shunguta churarcanchic! ¡Asiria llactata jatun mandacpacmanmi ñucanchicta quishpichichun ric carcanchic! ¿Cunanca ima shinatac ñucanchicca quishpirishun?” ninacunga» nirca.

JEREMÍAS 2:27

Shuc yurata: “Canmi ñuca taita cangui” niccunapish, shuc rumita: “Canmi ñuca mama cangui” niccunapish, pingai tucungami. Paicunaca ñucaman ñahuita ricuchina shinaca, huashatami ricuchin. Cutin llaqui japicpica: “¡Quishpichingapac jatariyari!” nicuncunami.

JEREMÍAS 2:28

Judá llactapi causaccunalla, cancunaca achca dioscunatami charinguichic. ¿Chai dioscunaca maipitacyari? ¡Llaqui punzhacunapi, quishpichingapac jatarichun!

JEREMÍAS 14:8

Llaqui punzhacunapi quishpichichun israelcuna shuyana, quishpichic Dioslla, ¿ima nishpatac cai llactapica caru llacta runa shina tucungui? ¿Ima nishpatac puric runa pacaringapac carpata shayachic shina tucungui?

JOEL 1:2

Pushac yuyaccunapish, tucui cai llactapi causaccunapish, caita alli uyaichic. ¿Cancuna causacui punzhacunapi, mana cashpaca cancunapac ñaupa taitacuna causacui punzhacunapi cashna llaquicuna tucushcachu?

JOEL 1:15

Mandac Dios llaquichina punzhami ña pactamun. ¡Tucuita ruhuac Dios yallita llaquichishpami tucuita tucuchinga! ¡Aij, chai punzhaca yalli llaqui punzhami canga!

ZACARÍAS 14:7

Chai punzhaca Mandac Diospac ricsishca punzhami canga. Chaipica tutapish, punzhapish mana tiyangachu. Ashtahuanpish punzha shinami tutaca canga.

MIQUEAS 4:9

Cunanca, ¿ima nishpatac yallita caparinguichic? ¿Manachu jatun Mandacta charinguichic? ¿Cancunata cunac runachu huañurca? ¿Shuc huarmita sajuarina nanai japic shinachu, cancunatapish nanai japirca?

HABACUC 3:16

Chaita uyashpaca, ñuca shungu mancharcami. Rimacta uyashpaca, ñuca shimipish chucchurcami. Ñuca tullucunapish ismucuc shinami tucurca. Ñuca changacunapish chucchucurcami. Chashna cashpapish ñucanchicta llaquichiccunata llaquichi punzhatami ñucaca casilla shuyacuni.