JEREMÍAS 30:14 - Dios Rimashcata Quillcashcami

¹⁴ Canta tucui cuyaccunapish ña mana yuyarinchu. Cantaca pipish mana mashcanchu. Cantaca ñucata piñac runata shinami chugrichircani. Canllatac yalli mana allita ruhuashcamanta, yalli juchayuc cashcamantami mana llaquishpa chugrichircani.

JEREMÍAS 30:14 Referans Kwoze

LAMENTACIONES 1:2

Tuta yallita huacacpimi, ñahui quingraita huiqui urmacunlla. Tucui paita cuyaccunamantaca pipish mana cushichinchu. Tucui paipac ricsishcacunaca cunanca piñanmi.

JEREMÍAS 5:6

Chaimantami paicunataca sachapi causac leoncuna huañuchinga. Shitashca pambapi causac atuc shamushpami tucuchinga. Leopardomi paicunapac llacta muyundipi shayacunga. Maijanpish chaimanta llucshictaca japishpami micunga. Paicunaca yallitami Diosta mana cazushpa, juchata ruhuashca» nircani.

JOB 30:21

Canca yallita llaquichicmari ñucapacca tucushcangui. Cambac sinchi maquihuanmi catinta llaquichingui.

JEREMÍAS 22:20

Cambac tucui cuyashcacunaca tucurishcami. Chaimanta cunanca Líbano urcuman, Basán urcuman huichai rishpa, Abarim urcucunamanta sinchita capari.

JEREMÍAS 30:15

Canllatac yalli mana allita ruhuashcamanta, yalli juchayuc cashcamantami llaquichircani. Cambac nanaica mana jambipacchu. ¿Ima nishpatac yallita caparicungui?

JEREMÍAS 22:22

Cambac michiccunataca huairami apanga. Cambac cuyashcacunataca prezumi apanga. Shina tucucpica, can mana allita ruhuashpa causashcamantaca yallita pingaichishca, llaquichishcami cangui.

JEREMÍAS 4:30

Can chai llaquihuan cashpaca, ¿imatatac ruhuangui? Sumac pucanlla churanata churarishcapish, sumac coronata churarishcapish, cambac ñahui millmacunata yananllata ruhuashca cashpapish imata mana ruhuai pudinguichu. Yangami sumacta allichiringui. Canta cuyaccunaca canta piñashpami, huañuchingapac mashcancuna.

JEREMÍAS 2:36

¿Ima nishpatac ñanpi caiman chaiman callpacunguiyari? Asiria llactata jatun mandac pingaichishca shinallatacmi Egipto llactata jatun mandacpish cantaca pingaichinga.

JOB 19:11

Pai piñarishpaca, nina japiric shinami llaquichirca. Paita piñaccunata shinami ñucataca ruhuarca.

OSEAS 5:14

Ñucaca Efraín aillutaca león shinami llaquichisha. Judá llactapi causaccunataca huahua león shinami apasha. Ñucallatacmi paicunataca apa risha. Ñuca maquimanta cacharichicca pi mana tiyangachu.

OSEAS 2:5

Paicunapac mamaca huainayarcami. Paicunata sajuaricca pingaitami ruhuarca. Paica: “Ñuca cuyashcacunatami catisha. Paicunaca micunatapish, yacutapish, millmatapish, linotapish, aceitetapish, ima ubianacunatapish cunmi” nircami.

EZEQUIEL 23:22

Chaimantami Mandac Dios ñucaca Oholibataca: “Riqui, can millanayachingacaman huainayashca gentecunallatatacmi tucui ladomanta canta llaquichichun cachasha.

EZEQUIEL 23:9

Chaimantami Oholataca pai yallita munashca asiriocunapac maquipi churarcani.

LAMENTACIONES 1:19

Ñuca cuyashcacunata ayudachun cayacpica, paicunaca ñucallatami saquirca. Curacunapish, pushac yuyaccunapish, llactallapitacmi huañurca. Yarcaihuan mana huañungapac micunata mashcacushpapish huañurcami.

JEREMÍAS 38:22

Judá llactata jatun mandacpac huasipi saquirishca tucui huarmicunatami Babilonia llactata jatun mandac churashca mandaccunapacman apanga. Chai huarmicunallatacmi: “Canhuan alli apanacuccunallatacmi cantaca umashpa mishashca. Paicunaca cambac chaquita turupi pambachishpaca shitashpa rircallami” ninga.

JEREMÍAS 6:23

Paicunaca flechacunahuan, lanzacunahuanmi shayaringa. Paicunaca mana llaquic, yalli millai gentecunami. Mama cucha manchanayaita jataric shinami, tulun nishpa shamun. Sión llactapi causaccunalla, cancunahuan macanacungapacca caballocunapimi shamun» ninmi.

JOB 16:9

Pai yallita piñarishpami ñucataca pitinacuc shina ruhuashca. Quirucunapish canirishpami ñucataca piñarca. Ñucata piñac runaca nanachic shinami ricucurca.

SALMOS 107:17

Yuyai illaccunaca paicunallatac mana cazushpa mana allita ruhuashcamantami llaquita aparcacuna.

ISAÍAS 57:13

¡Can mañacpica, ruhuashcalla dioscuna quishpichichun! Tucui chaicunatami huaira shamushpa apanga. Ashtahuanpish ñucapi miticurishpa causacca llactata japingami. Ñucapaclla urcupimi causanga.

JEREMÍAS 14:17

Canca gentecunataca: “Carihuan manarac chayarishca soltera shina, ñuca llactapi causaccunataca yallita llaqui japishcamanta, paicunapac nanai yalli sinchi cashcamantami ñuca ñahuimantaca tutapish, punzhapish huiquica shutucungalla.

JEREMÍAS 32:30

Israelcunapish, Judá gentecunapish huambramanta pachami ñucapac ñaupapica allita ruhuana randica, millaita ruhuashpa causarca. Israelcunaca paicunapac maquihuan mana allita ruhuashpami, ñucata piñachishpa causarca.

JEREMÍAS 44:22

Mandac Diosca cancuna yalli mana allicunata, millana mapacunata ruhuashpa causacucpimi, ña mana ashtahuan ricusha nirca. Chaimantami cancunapac llactaca tucuipac mancharina, mana alli nishca, shuc runallapish mana tiyac saquirishca. Cunan punzhacamanmi chashna shitashca saquirishca.

JEREMÍAS 50:42

Babilonia llactapi causaccunalla, sinchi gentecunami arcohuanpish lanzahuanpish shamun. Paicunaca mana llaquishpami huañuchinga. Mama cucha yacu jatarishpa huacac nic shinami manchanayaita shamunga. Cancunahuan macanacungapac allichirishpami caballocunapi shamunga.

ABDÍAS 1:7

Canhuan alli apanacuccunallatacmi cantaca shuctac llacta linderocunaman apashpa shitarca. Canhuan sumacta causacllatacmi cantaca piñachirca. Canhuan micuccunallatacmi tucllata churashpa urmachirca. ¡Edom llactapica alli yuyaita charicca mana tiyanchu!

JEREMÍAS 5:5

Cunanca yachaccunapacman rishpa, paicunahuan parlasha. Paicunaca Mandac Dios mandashcatapish, pai taripashpa llaquichinatapish yachancunami. Ashtahuanpish paicunapish yugota paquishpami, coyundatapish pitirca.

JEREMÍAS 32:29

Cai llactata llaquichic caldeocuna shamushpami, ninata japichishpa, tucui huasicunata rupachinga. Shinallatac ñucata piñachishpa, chai huasi jahuapi Baal diosman inciensota rupachina pushtutapish, shuctac dioscunaman vinota cushpa tallina pushtutapish tucui rupachinga.

JEREMÍAS 32:34

Chaipac randica, ñucata mañana huasipimi paicuna ruhuashca millana dioscunata churashpa mapayachirca.

JEREMÍAS 32:35

Paicunapac churicunata, ushicunata Moloc diosman cushpa rupachingapacmi Henonpac pambapi Baal diosman altarcunata ruhuashpa, Judá gentecunataca juchata ruhuachirca. Chaicunata ruhuachichunca mana mandarcanichu, chaita mandana yuyaillapish mana tiyarcachu nini» nirca.

LAMENTACIONES 2:1

¡Mandac Dios yallita piñarishpami Siontaca amsayachirca! Sumac israelcunataca jahua pachamantami cai pachaman urmachirca. Pai piñarishca punzhapica paipac chaqui saruna Siontaca mana yuyarircachu.

DANIEL 9:5

Ñucanchicca juchallishcanchicmi, millaita ruhuashcanchicmi, canta mana cazushpa cariyashcanchicmi. Mandashcacunatapish, mandashpa quillcashcacunatapish saquishcanchicmi.

DANIEL 9:11

Tucui israelcunami can mandashcata mana cazushcanchicchu, cambac rimashcata mana uyashcanchicchu, juchallishcanchicmi. Chaimantami cai llaquicunapish, canta servic Moisés mandashpa ari nishcapish ñucanchicta llaquichicun.

DANIEL 9:13

Moisés mandashpa quillcachishca shinaca, cai tucui llaquicuna ñucanchicta japicpipish Mandac Diosta mana mañashcanchicchu. Cashcata nic rimashcatapish mana uyashcanchicchu. Millaita ruhuanatapish mana saquishcanchicchu.