JEREMÍAS 30:11 - Dios Rimashcata Quillcashcami

¹¹ Canta quishpichingapacca canhuanmi casha. Ñucami canta caita chaita cacharcani. Tucui chai llactacunatami tucuchisha. Ashtahuanpish cantaca mana tucuchishachu. Chaipac randica, cashcata ruhuashpami taripasha. Canta llaquichinataca manatac saquishachu. Chaitaca Mandac Dios ñucami nini» ninmi.

JEREMÍAS 30:11 Referans Kwoze

JEREMÍAS 10:24

Mandac Dioslla, cashcata ruhuashpa llaquichiyari. Ashtahuanpish mana tucui chingachingapacca, ama yallita piñarishpa llaquichinguichu.

JEREMÍAS 1:19

Canhuan macanacushpapish cantaca manatac mishangachu. Canta quishpichingapacca ñucami canhuanca casha. Chaitaca Mandac Dios ñucami nini» nirca.

JEREMÍAS 4:27

Mandac Diosca: «Tucui llactata tucuchishpapish, mana tucuita tucuchishachu.

JEREMÍAS 1:8

Ñucami ima llaquimantapish quishpichingapac canhuan casha. Ama manchanguichu» nirca.

ISAÍAS 8:10

Diosca ñucanchic-huanmi. Chaimanta imata yuyarishcaca yangallami canga. Imata ruhuasha nishcapish mana pactangachu» nirca.

2 TIMOTEO 4:22

Apunchic Jesucristo canhuan cachun. Shinallatac Diosca paipac sumaimana cuyaita tucui cancunaman cushca cachun ninimi.

HECHOS 18:10

Ñucaca canhuanmi cani. Chaimanta pi cantaca imata mana ruhuangachu. Cai pueblopica achca criccunami tiyan» nirca.

SAN MATEO 28:20

Ñuca cancunaman mandashpa yachachishcacunata paicunapish cazuchun yachachinguichic. Ñucaca cai pacha tucuringacamanmi, cancunahuanca casha» nirca.

JEREMÍAS 15:20

Cantaca gentecunapac ñaupapi jatun bronce pirca shina cachunmi churasha. Canhuan macanacungapac shamushpapish mana mishai pudingachu. Mandac Dios ñucami, canta cuidashpa quishpichingapac canhuan casha.

JEREMÍAS 5:18

Mandac Diosca: «Shina cacpipish, chai punzhacunapica, mana tucuitachu tucuchisha.

JEREMÍAS 5:10

Pircacunata huichicushpa uvas chagrata polvoichic. Shina polvoshpapish ama tucuchichicchu. Chai ramacunata tucui anchuchichic. Chaica mana ñucapacchu.

SALMOS 6:1

Mandac Dioslla, ama piñarishpa rimaichuyari. Ama piñarishpa yallita llaquichichuyari.

SAN MATEO 1:23

Chai huillaccunaca: «Manarac carihuan chayarinacushca shuc solterami, huicsayuc tucushpa, shuc cari huahuata charinga. Chai huahuaca Emanuel shutimi canga» nishcami. (Emanuel nishpaca: «Dios ñucanchic-huan» nisha ninmi).

EZEQUIEL 11:13

Chashna tucunata ñuca huillacucpimi, Benaiaspac churi Pelatiasca huañurca. Chaimantami ñucaca pambacaman cumurishpa: «¡Mandac Dioslla! ¿maijan saquirishca israelcunatapish tucuchigringuichu?» nishpa mañarcani.

ISAÍAS 43:25

Chaica, ñucami, ñucallatac munashcamanta cancuna mana cazushpa, juchacunata ruhuashcata pichashpa, mana cutin yuyarisha.

LEVÍTICO 26:44

Paicuna piñaccunapac llactapi cacpipish, mana saquishachu. Mana jichushachu, mana chingachishachu. Paicunapac taitacunahuan ari nishcatapish mana yangata ruhuashachu. Ñucaca cancunata Mandac Diosmi cani.

DEUTERONOMIO 4:31

Mandac Diosca llaquic Diosmi. Paica mana saquingachu, mana tucuchingachu, shinallatac cancunapac ñaupa taitacunahuan ari nishcatapish mana cungaringachu.

LAMENTACIONES 3:22

Mandac Dios llaquic cacpimi, mana tucurishcanchic. Paica ñucanchicta llaquicunllami.

EZEQUIEL 6:8

Jatun macanacuipi mana huañushpa, saquiriccunaca caita chaita rishpami, tucui llactacunapi causanga.

OSEAS 11:9

Ñucaca mana runachu cani, ashtahuanpish Mandac Diosmi cani. Ñucaca cancunapac chaupipi causac jucha illac Diosmi cani. Chaimanta mana Efraín aillutaca nina japiric shina piñarishpa llaquichishachu. Mana llaquichingapac yaicushachu.

ÉXODO 34:7

Huaranga huaranga huahua huahuacunacaman cuyac, mana cazushpa juchata ruhuacpipish, perdonacmi cani. Shina cacpipish, mana allita ruhuaccunataca manatac perdonashachu. Taitacuna millaita ruhuashcamantaca quimsa huahua huahuacaman, mana cashpa chuscu huahua huahuacaman llaquichicmi cani— nirca.

2 SAMUEL 24:12

«Mandac Diosca: Davidpacman rishpa: “Quimsa llaquicunatami canman acllachun cuni. Chaicunamanta maijan shucta acllai” ninmi ningui» nirca.