JEREMÍAS 3:5 - Dios Rimashcata Quillcashcami

⁵ ¿Huiñaitachu piñashca cangui? ¿Huiñaitachu shungupi yuyacunguilla?” nircanguimi. Chashna nicushpapish, mana allitami ruhuashpa causangui» nirca.

JEREMÍAS 3:5 Referans Kwoze

MIQUEAS 7:3

Paicunapac maquica ima mana allita ruhuangapac yachachishcami. Jatun mandaccunaca mana allita ruhuangapacmi imatapish cuchun mañacun. Juezcunaca imata pacalla japishpami mandan. Mandacpish, paipac shungu munashcatami riman. Chashnami allita ruhuanataca saquin.

MIQUEAS 2:1

¡Aij, millaillata yuyashpa causaccunalla! ¡Sueñushpa ima millaita ruhuanata yuyariccunalla! Ña pacarimucpica, paicuna yuyarishca shinallatacmi ruhuan. Paicunaca sinchi mandac cashpami chashna ruhuan.

EZEQUIEL 22:6

Riquichic, Israel llacta mandaccunaca ‘mandacmi cani’ nishpami huañuchishpa, yahuarta jichancuna.

JEREMÍAS 3:12

Jahua lado llactata ricushpa: “Mandac Diosca: Mana cazuc Israel-lla, ñucapacman cutimuichic. Ñucaca llaquicmari cani. Mana ashtahuan piñarishachu. Mana huiñaita piñarishachu.

ISAÍAS 57:16

Ñucaca mana huiñaita piñarishpa, llaquichicushallachu. Chashna cacpica, ñuca ruhuashca runacunaca shungu tutayashpa ñuca ñaupapi tucuringami.

ISAÍAS 64:9

Mandac Dioslla, ama yallita piñarichu. Ñucanchic yalli mana allita ruhuashcatapish ama huiñaita yuyarichu. ¡Riqui, tucui ñucanchicmi can acllashca canchic! ¡Chaimanta yuyariyari!

SALMOS 85:5

¿Ñucanchic-huanca huiñaitachu piñashca cagringui? ¿Ñucanchic huahua huahuacunahuanpish piñarishcachu cagringui?

2 CRÓNICAS 29:10

Cunanca, Mandac Dios israelcunahuan yallita piñarishcamanta alli tucuchunmi paihuan ari ninacungapac yuyarircani.

SALMOS 85:6

Can acllashca ñucanchic canmanta cushicuchun, ¿manachu cutin causaita cugringui?

JEREMÍAS 8:5

¿Ima nishpatac Jerusalenpi causac cancunaca tucui causaipi ñucata mana cazushpa causanguichic? ¿Ima nishpatac pandarishpalla causashpa, ñucapacman cutinataca mana munanguichic?

JEREMÍAS 8:6

Ñucaca tucuitami alli uyarcani. Allita rimacca mana tiyanchu. Pipish llaquirishpa: “¿Imamantatac ruhuarcaniyari?” nicca mana tiyanchu. Tucui paicunami macanacuiman caballocuna callpac ric shina cada quiquin rincuna.