JEREMÍAS 3:16 - Dios Rimashcata Quillcashcami

¹⁶ Chai punzhacunapi cancuna mirarishpa, cai llactapi achca tucucpica pipish: ‘¡Mandac Dios-huan ari nishca cajón!’ nishpa, mana rimangachu. Chai cajontaca mana yuyaringallapishchu. Mana minishtiringachu. Shuc mushuctapish mana ruhuangachu.

JEREMÍAS 3:16 Referans Kwoze

EZEQUIEL 37:26

Huiñaita cushilla causangapacmi paicunahuanca ari ninacusha. Paicunata chaipi causachun churashpaca, achcatami mirachisha. Ñucapaclla huasitapish huiñaipacmi, paicunapac chaupipi shayachisha.

ISAÍAS 65:17

Ñucami jahua pachatapish, cai pachatapish mushucta ruhuasha. Utcapi ima tucushcataca cungaringami. Shungullapipish mana yuyaringachu.

SAN MATEO 3:9

Ama cancunapac shungupi: “Ñucanchicca Abrahampac huahua huahuacuna cashcamantaca quishpirishunllami” nishpa, ama yuyacuichicchu. Ashtahuanpish ñucaca: Diosca cai rumicunatapish Abrahampac huahua huahuacunata ruhuanmanllami.

JEREMÍAS 31:8

Ñucaca jahua lado llactamanta, shinallatac tucui cai pacha tucuri llactamantami tandachisha. Chashna tandachicpimi, ñahui mana ricuccunapish, suchucunapish, huicsayuc huarmicunapish, llullu huahuayuc huarmicunapish caiman cutin tandanacumunga.

JEREMÍAS 30:19

Ñucata pagui nishpa cantashcapish, cushicushpa asishcapish uyaringami. Paimantaca achcatami mirachisha. Mana tucuchishachu. Paitaca alli nishami. Paica mana yanga nishcachu canga.

ISAÍAS 61:4

Ñaupa huatacunapi tigrachishca pircacunatami cutinllatac allichinga. Tauca huatacunata tigrashpa, llaquinayaita siricuc huasicunatami cutin allichinga.

ISAÍAS 60:22

Paicunamanta yalli uchillami huaranga huaranga tucunga. Ashallamantami yallita sinchi llactacuna tucunga. Mandac Dios ñucallatacmi chashna tucuna punzhataca utca pactachisha» ninmi.

SAN MATEO 1:11

Josiasca Jeconías shinallatac shuctac churicunatami charirca. Chai punzhacunami, israelcunataca Babilonia llactaman prezu apashca carca.

SOFONÍAS 3:11

Chai punzhapica ñucata mana cazushpa, jatun tucuc runacunataca cancunapac chaupimantaca anchuchishami. Chaimantami ñucata mana cazushpa, mana allita ruhuashcacunamantaca mana pingai tucunguichic.

AMÓS 9:9

Israelcunataca tucui llactacunapi, harneropi shushuc shina ruhuachunmi mandasha. Chashna ruhuacpica, shuc granollapish mana allpaman urmangachu.

JEREMÍAS 31:27

Mandac Diosca: «Israel llactapipish, Judá llactapipish, gentecunata, animalcunata achcata mirachina punzhacunami shamugrin.

JEREMÍAS 7:4

Maijancuna: ‘¡Caica, Mandac Diospac huasimi! ¡Mandac Diospac huasimi! ¡Caica, Mandac Diospac huasimi!’ nicpipish, ama cringuichicchu.

JEREMÍAS 3:17

Chai punzhacunapica Jerusalentaca ‘Mandac Dios mandashpa tiyarinami’ ningami. Tucui llactacunamantami Jerusalenman shamushpa, Mandac Diospac shutipi mañanga. Ña mana ashtahuan paicunapac shungu munashcata ruhuangachu.

EZEQUIEL 15:5

Manarac rupashpapish imapac mana valircachu. Ninapi rupashpa, tucurishcacarin, ¿imapactac valingayari?