JEREMÍAS 29:21 - Dios Rimashcata Quillcashcami

²¹ Israelcunapac tucuita Mandac Diosca llullashpa, ñuca shutipi huillac Coliaspac churi Acabmanta, Maasiaspac churi Sedequismanta rimashpaca: Babilonia llactata jatun mandac Nabucodonosorpac maquipimi churani. Paicunataca cancunapac ñaupallapitacmi huañuchinga.

JEREMÍAS 29:21 Referans Kwoze

LAMENTACIONES 2:14

Huillaccunaca llullashpami, muscuipi shina ricushcata huillarca. Ama prezu apachunmi, juchata ruhuashcataca mana huillarca. Chaipac randica llullashpami, muscuipi shina ricunchic nishpa huillarca.

2 PEDRO 2:1

Israelcunapurapica Diosmanta huillaccunami canchic nishpa, llulla huillaccunami tiyarca. Chashnallatacmi cancunapurapipish llullashpa yachachiccuna, Quishpichic Apunchic Jesusta mana ricsinichu nishpa, allita yachachicuc shinalla llaquiman apac yuyaicunata yachachinga. Chashna yachachishpaca, paicunallatacmi utca llaqui tucugricuncuna.

JEREMÍAS 20:4

Mandac Diosca: “Riqui, cantapish, canhuan tucui apanacuccunatapish jatun mancharinatami ruhuagrini. Paicunata piñaccunami espadahuan huañuchinga. Chaitaca cambac ñahuihuanmi ricungui. Judá llactapi causaccunataca Babilonia llactata jatun mandacpac maquipimi churagrini. Paimi Babilonia llactaman prezu apashpa, espadahuan huañuchinga.

JEREMÍAS 20:6

Can Pasurpish, cambac huasipi tucui causaccunapish Babilonia llactamanmi prezu ringuichic. Chaipimi canpish, can llullashpa huillashcata uyac, canhuan apanacuccunapish huañunguichic. Chaillapitacmi enterrashca canguichic” ninmi ningui» nirca.

JEREMÍAS 29:15

Ashtahuanpish cancunaca: “Mandac Diosca Babilonia llactapipish pai ima nishcata huillaccunata ñucanchicman cushcami” nircanguichicmi.

JEREMÍAS 23:14

Shinallatac Jerusalenmanta huillaccunataca mana ricuipaccunata ruhuacuctami ricurcani. Paicunaca huainayashpa juchacunata ruhuashpa, llullashpallami purincuna. Shinallatac mana allita ruhuaccunatami cushichin. Chaimantami ñucapacmanca pipish mana cutin. Ñuca ñaupapica tucui paicunami Sodoma pueblopi causaccuna shina. Cutin Jerusalenpi causaccunaca Gomorrapi causaccuna shinami.