JEREMÍAS 27:21 - Dios Rimashcata Quillcashcami

²¹ Mandac Diospac huasipi, Judá llactata jatun mandacpac huasipi, Jerusalenpi ima charishcacuna puchushcamantaca israelcunapac tucuita Mandac Diosca:

JEREMÍAS 27:21 Referans Kwoze

JEREMÍAS 20:5

Shinallatac cai llactapi causaccuna trabajashpa tucui imata charishcatapish, ima sumaccunatapish, Judá llactata jatun mandaccunapac ima valishcacunatapish, tucui charishcacunatapishmi paicunata piñaccunaman cusha. Chashna cucpimi, paicunaca Babilonia llactaman apanga.

JEREMÍAS 27:20

Babilonia llactata jatun mandac Nabucodonosorca Joacimpac churi Judá llactata jatun mandac Joaquintapish, Judá llactapi, Jerusalenpi causac mandaccunatapish Babiloniaman prezu apacushpaca, caicunataca mana aparcachu.

JEREMÍAS 27:22

Babilonia llactamanmi apashca canga. Ñucallatac ricungapac rishpa, cutichimuna punzhacamanmi chaipi canga. Chai quipaca ñucallatacmi cai pushtullapitac churasha. Chaitaca Mandac Dios ñucami nini» ninmi.

2 REYES 20:17

Mandac Diosca: “Cambac huasipi ima tiyashcacunata, cambac taitacuna cunan punzhacaman ima huacaichishcacunata Babilonia llactaman apana punzhacunami shamun. Chaipica imatapish mana saquishpami apanga.

2 CRÓNICAS 36:18

Shinallatac Mandac Diospac huasipi tucui ima tiyashcacunataca uchillacunatapish, jatuncunatapish, chaipi sumac tiyashcatapish aparcami. Shinallatac jatun mandacpac huasipi, caishuc mandaccunapac huasipi ima sumac charishcacunatapish tucuimi Babiloniaman aparca.

ESDRAS 1:7

Shinallatac jatun mandac Ciropish Nabuconodosor Jerusalenpi cac Mandac Diospac huasimanta aparishcacunatapish cutichircami. Chaicunataca paicunapac dioscunapac ñaupapimi charicurca.

ESDRAS 1:11

Tucui curimanta, cullquimanta ruhuashca imalla charinacunaca pichca huaranga chuscu patsacmi carca. Tucui chaicunataca Sesbasarmi Babiloniapi prezu caccunata Jerusalenman apachirca.

ISAÍAS 39:6

“Riqui, cambac huasipi tucui ima tiyashcacunatapish, cambac ñaupa taitacuna cancunaman tucui ima huacaichishcacunatapish Babilonia llactaman apana punzhacunami chayamucun. Imata mana saquishpami apanga.

LAMENTACIONES 1:10

Sumac charishcacunataca paita piñaccunami quichu rirca. Shuctac llacta gentecuna Diospac huasiman yaicuctapish ricurcami. Diosca chai tandanacuna huasiman ama yaicuchunmi mandarca.