JEREMÍAS 26:9 - Dios Rimashcata Quillcashcami

⁹ ¿Ima nishpatac canca: “Cai huasica Silo llacta huasicuna shinami tucuchishca canga. Cai llactapish llaquinayaitami tucuchishca canga. Shucllapish mana saquiringachu” nishpa, Mandac Diospac shutipi huillangui?» nirca. Shina nishpami Jeremiasta llaquichingapac tucui mashna Mandac Diospac huasipi tandanacurca.

JEREMÍAS 26:9 Referans Kwoze

HECHOS 22:22

Pablo chaita ningacamanllami uyarcacuna. Quipata piñarishpaca: “¡Cai runaca mana causanachu can, ashtahuanpish huañunami can!” nishpa caparirca.

HECHOS 21:30

Tucui Jerusalenpi causaccunami Diosta mañana huasiman bullashpa yaicurca. Chashnami Pablota japishpa pambata aisashpa, ucumanta llucchishpa pungucunata huichcarca.

HECHOS 13:50

Ashtahuanpish israelcunaca chai runacunata catishpa cachashunmi, gentecunapac alli nishca, Diosta yuyaric huarmicunatapish, chai pueblota mandaccunatapish cunarca. Chaimantami Pablotapish, Bernabetapish llaquichishpa, chai llactamanta llucchishpa cacharcacuna.

HECHOS 6:14

Shinallatac Nazaret pueblomanta Jesusca, Diosta mañana huasitapish urmachingami. Moisés ñucanchicta yachachishcatapish chingachishpa, shuclayatami yachachinga nictami uyarcanchic— nirca.

HECHOS 5:28

—¿Manachu ñucanchicca chai runamanta ama cutin yachachun mandarcanchic? Chashna nishca jahuami tucui Jerusalenpi yachachishcanguichic. Jesús huañushcamantapish ñucanchictami juchanchinguichic— nirca.

SAN JUAN 8:59

Shina nicpimi, paicunaca rumihuan shitangapac rumicunata japircacuna. Ashtahuanpish Jesusca miticushpami, Diosta mañana huasimanta llucshishpa rirca.

SAN JUAN 8:20

Jesusca caicunataca Diosta mañana huasipi, ofrenda churana ladopimi yachachirca. Paita japina horas manarac chayamucpimi, paitaca pi mana japirca.

MARCOS 15:11

Ashtahuanpish chai mandac curacunaca Jesusta cacharinapac randica, Barrabasta cacharichun mañachunmi chaipi caccunamanca yuyaita curca.

SAN MATEO 27:20

Utcamanmi curacunata mandac curacunapish, pushac yuyaccunapish gentecunataca: “Barrabasta cacharichun, Jesustaca chacatachun ninguichic” nishca carca.

SAN MATEO 21:23

Jesús Diosta mañana huasiman yaicushpa, yachachicucpimi, Israel curacunata mandac curacunapish, pushac yuyaccunapish cuchuyarca. Chashna cuchuyashpaca: —¿Ima poderhuantac chashna ruhuacungui? ¿Pitac cantaca chashna ruhuachun mandarca?— nishpa tapurca.

MIQUEAS 2:6

Paicunaca: “¡Ama huillaichicchu! ¡Chaicunamanta ama huillaichicchu! ¡Ima llaquipish mana japingachu!” nincunami.

AMÓS 5:10

Cancunaca llacta pungupi cunac runatapish, cashcata rimactapish mana ricusha nishpa millarcanguichicmi. ¡Aij imachari tucunguichic!

JEREMÍAS 9:11

Mandac Diosca: «Jerusalentaca rumi montón shinata ruhuashpami, chacal animalcuna causanata ruhuasha. Judá llacta llactacunataca llaquinayaita tucuchishami. Shuc runallapish chaipica mana saquiringachu» nirca.

ISAÍAS 29:21

shuccunata juchallichiccunapish, llacta pungupi cancunata rimaccunata urmachingapac tucllata churaccunapish, cashcata ruhuac runata yanga juchanchishpa, llaquichiccunapish tucuringami.

2 CRÓNICAS 25:16

Dios ima nishcata huillac shina nicpica, jatun mandacca: —Jatun mandacman alli yuyaita cuchunca, ¿pitac cantaca churarcayari? Canta ama huañuchichunca upalla cai— nirca. Shina nicpimi, cutinllatac Dios ima nishcata huillac runaca: —Alli yuyaita ñuca cushcata mana uyashpa mana allita ruhuashcamantami, Mandac Diosca canta tucuchinata yuyarirca— nirca.

HECHOS 3:11

Pedropish, Juanpish ñaupa mandac Salomonpac corredorpi shayacucpimi, chai alliyashca runaca paicunamanta mana raquirisha nishpa shayacurca. Chaimantami tucui gentecuna mancharishpa, paicunapacman tandanacumurca.

HECHOS 5:12

Apostolcunaca israelcunapurapica milagrocunatapish, mancharinacunatapish taucatami ruhuarca. Tucui criccunami Salomonpac corredorpi shuc yuyailla tandanacuc carca.

JOSUÉ 18:1

Tucui tandanacushca israelcuna chai llactacunata japishca quipaca, Silo pueblopimi tandanacushpa, Dios-huan tupana huasita shayachirca.

JEREMÍAS 32:3

Judá llactata jatun mandac Sedequías Jeremiastaca: «¿Ima nishpatac canca: “Mandac Diosca: Ñucami cai llactataca Babilonia llactata jatun mandacpac maquipi churani. Paimi cai llactataca japinga.

JEREMÍAS 33:10

Mandac Diosca: «Cancuna: “Cai llactapica ima gentecunapish, ima animalcunapish mana tiyanchu. Judá llacta llactacunapi, Jerusalén ñancunapica runacunapish, animalcunapish illanmi, shitashcami siricun” nina llactapica,

JEREMÍAS 36:29

Chai quipaca Judá llactata jatun mandac Joacimtaca: “Mandac Diosca: Punta quillcata can rupachishpaca: ‘Cai carapica, ¿imamantatac Babilonia llactata jatun mandac shamushpa, cai llactatapish, gentecunatapish, animalcunatapish tucui tucuchinga’ nircangui?

LAMENTACIONES 4:13

Paicunaman huillaccuna juchallishcamanta, curacuna mana allita ruhuashpa, cashcata ruhuac runacunata huañuchishpa, Jerusalén chaupipi yahuarta jichashcamantami chashnaca tucurca.