JEREMÍAS 26:4 - Dios Rimashcata Quillcashcami

⁴ Paicunataca: “Mandac Diosca: Ñuca rimashcata mana uyashpa, cancunapac ñaupapi ñuca churashca mandashcacunata mana cazucpi,

JEREMÍAS 26:4 Referans Kwoze

1 REYES 9:6

Ashtahuanpish cancunapish, cancunapac huahuacunapish sinchi shungu tucushpa, ñuca mandashcacunata, ñuca quillcachishca shimicunata mana cazushpa, shuctac dioscunata servishpa, alli nishpa causacpica,

JEREMÍAS 44:10

Cunan punzhacamanmi cancunaca mana llaquirishcanguichic, mana manchanguichic. Ñuca mandashcacunata, pactachichun rimashcacunataca, cancunapac taitacunapish, cancunapish mana cazushcanguichicchu.

ISAÍAS 1:20

Ashtahuanpish cariyashpa, mana uyasha nishpaca jatun macanacuipimi tucuringuichic. Chaitaca Mandac Dios ñucami nini» ninmi.

HEBREOS 6:18

Dios paipac shutipi cusha nishcamanta, cashcata nic cashcamantaca, cushicushpa shuyashpa, pai huacaichichun munaccunaca cushicuitami japishcanchic.

DEUTERONOMIO 31:20

Lechepish, mishquipish yacu shina tiyac allpata ñaupa taitacunaman cungapac ari nishca llactaman chayashpa, mana nicta micushpa huirayashpaca, shuctac dioscunapacman rishpami adoranga. Chashna causashpami ñuca mandashcacunata mana valichishpa, ñuca ari nishcatapish yangapi churanga.

DEUTERONOMIO 11:32

Chaipica cunan cancunaman yachachishca mandashcacunatapish, pactachinacunatapish tucuita cazushpa causanguichic.

DEUTERONOMIO 4:44

Cai mandashcacunatami Moisesca israelcunamanca huillarca.

DEUTERONOMIO 4:8

¿Maijan jatun llactatac cashna cancunaman yachachishca pactachinacunata, cashcata yachachic mandashcacunataca charinga?

JEREMÍAS 17:27

Ashtahuanpish samana punzhata ñucapaclla cachun mana chicanyachisha nicpi, ñuca mandashcata mana uyacpi, chai samana punzhapi ama imata apashpa Jerusalén pungucunata yaicuchun nishcata mana cazucpica, chai pungucunataca ninata churashpami rupachisha. Chai ninaca Jerusalenpi tiyac mandana huasicamanmi rupachinga. Chai ninaca rupacungallami” ninmi ningui» nirca.

JEREMÍAS 22:5

Ashtahuanpish cai mandashcacunata mana cazucpica, cai huasitaca shitashca pamba shinatami saquisha. Chaitaca Mandac Diosca ñucami ari nini” ninmi ningui» nirca.

JEREMÍAS 32:23

Paicunaca chai llactaman yaicumushpa, chai allpata japishpapish can rimashcataca mana uyashun nircachu. Can mandashcacunatapish mana pactachircachu. Shinallatac imata ruhuachun nishcatapish mana ruhuarcachu. Chaimantami cai tucui llaquicunahuan paicunata llaquichishcangui.

JEREMÍAS 44:23

Cancunallatacmi Mandac Diosta cungarishpa, shuctac dioscunaman inciensota rupachishpa, juchata ruhuarcanguichic. Mandac Dios mandashcacunatapish, pactachichun rimashcatapish, ima shina causanata yachachishcacunatapish mana cazurcanguichicchu. Chaimantami cai tucui llaquicunahuan cunan punzhacaman causacunguichic» nirca.

JEREMÍAS 7:14

Chaimantami cancuna shunguta churashpa, ñuca shutita mañana huasitaca Silo llactata shinallatac ruhuagrini. Cai huasitaca cancunamanpish, cancunapac ñaupa taitacunamanpishmi curcani.