JEREMÍAS 26:15 - Dios Rimashcata Quillcashcami

¹⁵ Ashtahuanpish cancunaca caitami yachana canguichic. Cancuna, ñuca manapish faltayuc cacpi, huañuchishpa yahuarta jichashpaca cancunapish, cai gentecunapish, caipi causaccunapishmi juchallinguichic. Ñucataca Mandac Diosllatacmi caita allita cancunaman huillachun cacharca» nirca.

JEREMÍAS 26:15 Referans Kwoze

PROVERBIOS 6:17

Jatun tucushpa puricta, llulla calluta, mana faltayuc runata huañuchishpa yahuarta jichacta,

NÚMEROS 35:33

Cancuna causacushca llactataca ama mapayachinguichicchu. Maijanta huañuchishpa, yahuarta jichashcamantami chai llactaca mapayashca canga. Chashna mapayashcaca chai huañuchic runata huañuchicpimi, mapa illac saquiringa.

APOCALIPSIS 16:6

Paicunami cambaclla caccunatapish, canmanta huillaccunatapish yahuarta jichashpa huañuchircacuna. Paicunaca chashna chasquina cashcamantami, canpish chashnallatac paicunamanca yahuarta ubiachishcangui» nishcatami uyarcani.

HECHOS 7:60

Esteban cungurishpaca: «¡Apunchic Jesús, paicuna cai mana allita ruhuashcamanta ama juchanchinguichu!» nishpami caparirca. Chashna nishpaca huañurcallami.

SAN MATEO 26:25

Chashna nicpimi, japichic Judasca Jesustaca: —Yachachic, ¿japichicca ñucachu cani?— nishpa, tapurca. Chashna tapucpimi Jesusca: —Ari, canmi cangui— nirca.

JEREMÍAS 22:3

Mandac Diosca: Imatapish allita, cashcata ruhuachic. Llaquihuan causac runata llaquichic runapac maquimanta cacharichichic. Shuctac llacta runacunatapish, taita mama illac huahuacunatapish, viudacunatapish ama llaquichichicchu. Mana faltayuc runata huañuchishpa, ama yahuarta jichaichicchu.

JEREMÍAS 7:6

Shuctac llacta runatapish, taita mama illac huahuatapish, viudatapish ama llaquichinguichicchu. Cai llactapi causac mana faltayuc runapac yahuarta ama jichaichicchu. Cancunapac allipacllata ama shuctac dioscunata catinguichicchu.

SAN MATEO 26:4

Jesusta umashpa pacalla japishpa huañuchinata yuyarinacurca.

JEREMÍAS 22:17

Shina cacpipish, cambac ñahuipish, cambac shungupish shuccunata llaquichishpa, yallita chayucyanallatami munan. Shinallatac mana faltayuc runata yahuarta jichanallata, llaquichinallata, millaita ruhuanallatami munan. Chaitaca Mandac Dios ñucami nini» ninmi.

JEREMÍAS 2:34

Cambac churanaca huacchacunapac yahuarhuan, mana faltayuccunapac yahuarhuanmi cahuirishca. Paicuna mana allita ruhuashcataca mana tarircanguichu. Shina cashpapish,

JEREMÍAS 2:30

Ñuca llaquichicpipish, cancunapac huahuacunaca manatac entendishcacunachu. Yangami llaquichishcani. Ñuca ima nishcata huillaccunataca espadahuanmi millai león shina tucuchishcanguichic.

2 REYES 24:4

Shinallatac mana faltayuc gentecunata huañuchishcamantapishmi, chashnaca ruhuarca. Mana faltayuc gentecunapac yahuarca Jerusalenpimi jundarca. Chaimantami Mandac Diosca mana perdonasha nirca.

DEUTERONOMIO 19:10

Chashna causashpami Mandac Dios cushca llactapica manapish faltayuc runapac yahuarta mana jichanguichic. Shinallatac cancunapish chai yahuarmanta mana juchanchishcachu canguichic.

GÉNESIS 42:22

Shina nicpimi Rubenca: —¿Manachu ñucaca, huambrata ama imata ruhuaichicchu nircani? Shina nicpipish, mana uyarcanguichicchu. Paita huañuchishcamantami llaquipi canchic— nirca.

GÉNESIS 4:10

Mandac Diosca Caintaca: —¿Imamantatac chaitaca ruhuarcangui? Ashtahuanpish cambac huauquipac yahuarca pambamanta pachami ñucata caparicun.

PROVERBIOS 6:16

Mandac Diosca cai sucta juchatami piñan. Canchisniqui juchatacarin yallitami millanayachin:

JEREMÍAS 26:12

Shina nicpi, Jeremías chai mandaccunata, tucui gentecunata rimashpaca: «Mandac Diosmi cai huasita, cai gentecunata llaquichinata huillachun cacharca. Pai huillachun cachashcatami cancunaman huillarcani.

2 CRÓNICAS 24:22

Jatun mandac Joasca Zacariaspac taita Joiada cura paiman allita ruhuashcata mana yuyarishpami, paipac churitaca huañuchirca. Zacarías ña huañugricushpaca: «Chashna ruhuashcamantaca Mandac Diosllatac ricushpa llaquichichun» nirca.

JEREMÍAS 30:1

Mandac Diosca Jeremiasta rimashpaca: