JEREMÍAS 25:33 - Dios Rimashcata Quillcashcami

³³ Chai punzhapica Mandac Dios huañuchishcacunaca tucui cai pachapimi shuc ladomanta caishuc ladocaman shitashca siricunga. Chai huañushcacunamantaca pipish mana huacangachu, mana tandachingachu, mana enterrangachu. Chai huañushcacunaca cai allpapica huanumi tucunga.

JEREMÍAS 25:33 Referans Kwoze

ISAÍAS 66:16

Mandac Diosca tucui gentecunatami ninahuan, espadahuan llaquichishpa taripanga. Mandac Dios huañuchishcacunaca achcami canga.

JEREMÍAS 8:2

Chaicunataca jahua pachapi tiyac inti, quilla, lucerocuna ucupimi tendishpa churanga. Paicuna causacushpaca chaicunatami cuyashpa, alli nishpa causarca. Shinallatac chaicunamanmi tapuc carca. Tullucunataca pi mana tandashpa enterrangachu. Ashtahuanpish allpapimi huanu tucunga.

SALMOS 79:3

Paicunapac yahuartaca Jerusalén pueblo muyundipimi yacuta shina jicharca. Pipish paicunata enterrangapacca mana tiyarcachu.

ISAÍAS 5:25

Mandac Diosca nina japiric shina piñarishpami pai acllashcacunata llaquichirca. Urcucunapish chucchungami. Huañushcacunaca imapish mapa shinami chaupi ñancunapi shitashca canga. Chashna ruhuashpapish pai yallita piñarishcataca mana pasachingachu. Ashtahuanpish llaquichingatacmi.

APOCALIPSIS 11:9

Chai huañushcacunataca tucui aillucunapish, tucuilaya rimaita rimaccunapish, tucuilaya gentecunapish, shinallatac tucui llactacunamanta caccunami quimsa punzha chaupicaman siricucta ricungacuna. Chashna ricushpapish, enterrachunca mana saquingacunachu.

SOFONÍAS 2:12

Etiopía llactapi causac cancunapish Mandac Diospac jatun macanacuipimi huañunguichic.

SALMOS 83:10

Paicunaca Endor pueblopi huañushpami, allpapi shitana huanu shina tucurcacuna.

2 REYES 9:37

Jezabelpac cuerpoca chai pambapi yanga shinami Jezreel pambapica siricunga. Chaimantami paitaca pipish: ‘Caica Jezabel huarmipac cuerpomi mana ningacuna’ nishca canga” ninmi— nirca.

EZEQUIEL 29:5

Shina llucchishpami cantapish, cambac yacupi tiyac challuacunatapish shitashca pambapi shitasha. Chai pambamantaca pipish mana japingachu, pipish mana enterrangachu. Sacha animalcuna, jahuata volac animalcuna micuchunmi saquisha.

EZEQUIEL 21:11

Chai espadataca huañuchicpac maquipi churangapacmi alli mulashpa, jagan nicucta ruhuarca” ninmi ningui.

EZEQUIEL 29:4

Chaimantami ñucaca ganchota cambac jazhapi churashpa, challuacunata cambac escamapi llutachishpa jatun yacumanta tauca challuacunandi llucchisha.