JEREMÍAS 25:31 - Dios Rimashcata Quillcashcami

³¹ Pai piñarishpa culun nishcaca cai pacha tucuricamanmi uyaringa. Mandac Diosca tucui cai pachapi causaccunapac Juez cashpami, tucui llactapi causaccuna imata ruhuashca shinallatac llaquichinga. Paita mana manchaccunataca huañuchiccunamanmi cusha. Chaitaca Mandac Dios ñucami nini” ninmi ningui» nirca.

JEREMÍAS 25:31 Referans Kwoze

OSEAS 4:1

Israelcunalla, Mandac Dios rimashcata uyaichic. Paica cai llactapi causaccunahuan piñarishcami. Cai llactapica cashcata nicpish, Diosta manchacpish, paimanta yachanata munacpish mana tiyanchu.

JOEL 3:2

tandachishpami, Josafat pambaman cachasha. Chaipimi ñuca acllashca israelcunata llaquichiccunataca ñucapish taripashpa llaquichisha. Paicunami ñuca acllashcacunataca shuctac llactacunaman caita chaita cachashpa, ñuca allpatapish chaupinacurca.

MIQUEAS 6:2

Urcucunapish, cai pacha callari rumicunapish Mandac Dios ñuca juchanchishpa rimashcata uyaichicyari. Ñucami acllashcacunata juchanchishpa llaquichisha. Israelcunahuan piñarishpami juchanchisha.

ISAÍAS 66:16

Mandac Diosca tucui gentecunatami ninahuan, espadahuan llaquichishpa taripanga. Mandac Dios huañuchishcacunaca achcami canga.

OSEAS 12:2

Mandac Diosca Judá llactapi causaccunahuanmi piñarishca. Jacobopac huahuacunataca paicuna mana alli ruhuashca shinallatacmi llaquichinga.

ISAÍAS 34:8

Mandac Dios llaquichina punzhami chayamushca. Sionpi causaccunata llaquichishcamantami Edom llactapi causaccunata llaquichinga.

EZEQUIEL 38:22

Jatun mandac Gogtaca ungüihuan huañuchishpami, yallita llaquichisha. Paipac soldadocunatapish, paihuan cac gentecunatapish manchana tamya runduhuan, nina azufrehuanmi yallita llaquichisha.

JEREMÍAS 45:5

¿Canca alli canatachu munangui? Chaitaca ama munaichu. Chaica, jatun llaquihuanmi tucui gentecunata llaquichigrini. Shina cacpipish, canmanca maipi cacpipish, causaita cushami. Chaitaca Mandac Dios ñucami nini” ninmi» nirca.

ISAÍAS 33:3

Can rimashca culun nishpa uyaricpica, gentecunaca miticuncunami. Can jataricpica, llactacunapi causaccunaca caita chaitami callpan.

JEREMÍAS 2:35

canca: “Ñucaca ima mana allitapish mana ruhuacchu cani. Diosca ñucahuanca mana piñarishcachu” ninguimi. Shina can: “Ima juchata mana ruhuashpami causarcani” nicucpipish, ñucami can imata ruhuashcataca ricuchigrini.

ISAÍAS 34:2

Mandac Diosca tucui llactapi causaccunahuan, chai llacta soldadocunahuanmi yallita piñarishca. Paicunataca huañuchiccunapac maquipi churashpami tucuchinga.

JEREMÍAS 23:19

Mandac Dios piñarishcaca mancharina acapana huaira shinami shamun. Paica acapana huairahuan shinami, mana allita ruhuaccunata llaquichinga.

EZEQUIEL 30:3

Ñuca llaquichina punzhaca caillapimi, ñami chayamucun. Chai llaquichicui punzhaca puyu tapashcami canga.