JEREMÍAS 25:18 - Dios Rimashcata Quillcashcami

¹⁸ Chashnami Jerusalenpipish, Judá llactacunapipish apashpa, jatun mandaccunaman, caishuc mandaccunaman ubiachun curcani. Chashna cucpimi, cunan shinallatac pipish mana cazushca, burlashca, mana alli nishca saquirirca.

JEREMÍAS 25:18 Referans Kwoze

JEREMÍAS 44:22

Mandac Diosca cancuna yalli mana allicunata, millana mapacunata ruhuashpa causacucpimi, ña mana ashtahuan ricusha nirca. Chaimantami cancunapac llactaca tucuipac mancharina, mana alli nishca, shuc runallapish mana tiyac saquirishca. Cunan punzhacamanmi chashna shitashca saquirishca.

JEREMÍAS 24:9

Paicunataca tucui llactacunapi causaccuna asichun, mancharishpa parlanacuchun, yuyarina parlocunata paicunamanta llucchishpa, burlachunmi saquisha. Chashnami mai llactaman ñuca cachacpipish, llaqui tucunga.

SALMOS 60:3

Can acllashcacunataca yallitami llaquichishcangui. Machachic vinotami ubiachishcangui.

1 PEDRO 4:17

Dios taripana punzhaca ñami chayamucun. Chaipica paipac huahuacunataracmi Diosca taripanga. Chashna ñucanchictarac taripai callaricpica, Diosmanta alli huillaita mana cazuccunacarin, ¿imachari tucunga?

AMÓS 3:2

«Cai pachapi causacpuramantaca cancunallatami ñucaca acllarcani. Chaimantami cancuna mana allita ruhuashcamantaca llaquichisha» ninmi.

AMÓS 2:5

Chaimantami Judá llactapica ninata japichisha. Chai ninami Jerusalenpi mandashpa tiyana huasicunatapish tucui rupachinga» ninmi.

DANIEL 9:12

Canca cambac shimihuan ñucanchictapish, ñucanchicta mandaccunatapish llaquichishami nishcataca pactachishcanguimi. Jerusalenta llaquichishca shinaca, cai pachapica jaicapi mana tiyashcachu.

JEREMÍAS 25:11

Tucui cai llactami manchaipac shitashca pamba canga. Cai llactapi causaccunaca canchis chunga huatatami Babilonia llactata jatun mandacta servinga.

JEREMÍAS 25:9

cai llactatapish, caipi tucui causaccunatapish, cai muyundi llactacunatapish llaquichichunmi jahua llactapi causaccunata, Babilonia llactata jatun mandac ñucata servic Nabucodonosorta cachasha. Chashna cachashpami tucuita tucuchisha. Paicunataca huiñaita tucuipac mancharina, burlanatami ruhuasha.

JEREMÍAS 1:10

Cunan punzhamanta pachami cantaca llactapi causaccunatapish, jatun mandaccunatapish, sapimanta llucchic shina tucui chingachichun, urmachishpa ñutuchichun, shinallatac cutin shayachishpa, tarpuc shina allichichun churani» nirca.

NEHEMÍAS 9:36

Chaimantami cunanca, serviccuna tucushcanchic. Allpapi pucushcacunatapish, imalla tiyashcacunatapish, micushpa causachun, ñucanchic ñaupa taitacunaman, cushca llactallapitacmi, serviccuna tucushpa causacunchic.

ESDRAS 9:7

Ñucanchic ñaupa taitacuna causai punzhamanta cunan punzhacamanmi yallita juchata ruhuashpa causashcanchic. Chashna mana allita ruhuashcamantami ñucanchicpish, jatun mandaccunapish, curacunapish shuctac llacta mandaccunapac maquipi causashcanchic. Prezu apashca, espadahuan llaquichishca, ima charishcacunatapish quichushca, pingaichishcami cunan punzhacaman causanchic.

2 REYES 22:19

Cai llactatapish, cai llactapi causaccunatapish llaquichisha nicushcata Mandac Dios ñucapac ñaupapi uyashpami, yallita cambac shungupi nanarishpa, llaquilla tucushcangui. Shina llaquirishpami, cambac churanatapish lliquirishpa, Mandac Dios ñuca ñaupapi huacarcangui. Can chashna llaquirishcataca Mandac Dios ñucaca uyarcani.

1 REYES 8:24

Canta servic ñuca taita Davidman cushami nishcataca pactachishcanguimi. Cambac shimihuan huillashcataca cambac maquihuan ruhuashpami cunan punzhapi ricushca shinallatac pactachishcangui

JOSUÉ 6:18

Ashtahuanpish, cunanca Dios tucuchingapac chicanyachishcataca, imatapish ama tuparinguichicchu, ama japinguichicchu pacta israelcunapac carpacuna Dios llaquichina tucunman.

2 CRÓNICAS 29:8

Chaimantami Mandac Dios yallita piñarishpa, Judá llactapi, Jerusalenpi causaccunaman llaquita cacharca. Chai llaqui shamucpimi, jatun mancharina tucushpa, burlashpa pingaichishca carcacuna. Chaitaca cancunapac ñahuihuantacmi ricucunguichic.

ISAÍAS 40:23

Paica jatun poderta chariccunataca yangallata ruhuan. Cai pachata mandaccunatapish yangapimi churan.

ISAÍAS 65:15

Ñucata serviccunataca mushuc shutipimi cayasha. Ashtahuanpish cancunapac shutitaca shuctac runacunata maldiciangapacmi cayangacuna. Mandac Dios ñucami cancunataca huañuchisha.

JEREMÍAS 26:6

ima shinami Silo llactata tucuchircani, chashnallatacmi ruhuasha. Shinallatac tucui cai pachapi causaccuna, mana alli nishpa rimachunmi churasha” ninmi ningui» nirca.

EZEQUIEL 30:7

Egipto llactataca tucui llactamanta yalli llaquinayaitami saquisha. Llactacunapish tucui pueblocunamanta yalli llaquinayaimi shitashca pamba saquiringa.

MIQUEAS 6:16

Jatun mandac Omri mandashcacunallatacmi pactachircangui. Acab aillucuna imata ruhuashpa causashcatami ruhuashpa purircangui. Chaimantami llaquinayaita tucuchisha. Cai llactapi causaccunatapish burlashpa asingacunami. Canmantami ñuca acllashcacunaca pingaichishca canga» ninmi.

JEREMÍAS 13:3

Mandac Dios cutinllatac rimashpaca:

JEREMÍAS 13:9

«Judá llactapi, Jerusalenpi causac yallita jatun tucushca gentecunatapish ismuchishca chumbita shinami tucuchigrini.