JEREMÍAS 25:10 - Dios Rimashcata Quillcashcami

¹⁰ Paicunapurapica cushicushpa asinapish, cantanapish, cushicuihuan caparinapish, noviocuna, noviacuna cushicushpa cantanapish mana tiyangachu. Cutana rumi huacashcapish mana uyaringachu. Luzpish mana tiyangachu.

JEREMÍAS 25:10 Referans Kwoze

JEREMÍAS 7:34

Judá llactapi tiyac llactacunapipish, Jerusalén ñancunapipish cushicushpa yallita asinapish mana tiyangachu. Shinallatac noviocuna, noviacuna cushicushpa asinapish mana tiyangachu. Tucui llactacunami llaquinayaita tucuchishca canga» ninmi.

EZEQUIEL 26:13

Chashnami cantaccunatapish, arpapi tocaccunatapish tucuchisha. Chaicunaca jaicapi mana uyaringachu.

JEREMÍAS 16:9

Israelcunapac tucuita Mandac Dios ñucaca: Cai llactapica cushicushpa yallita asinapish mana tiyangachu. Shinallatac noviocuna, noviacuna cushicushpa cantanapish mana tiyangachu. Chashnami cancuna causacui punzhapi, cancunapac ñaupapi tucunga nini.

OSEAS 2:11

Paimanta cushicuita anchuchishpami, paipac fiesta punzhacunatapish, llullu quilla punzhacunatapish, samana punzhacunatapish tucuchisha.

ESTER 8:11

Chai quillcacunapimi jatun mandacca cada pueblopi causac Judá gentecunataca paicunata ama huañuchichunca tandanacushpa chaparaichic. Mai pueblocunamanta cashpapish huañuchingapac muyunacushpa shamucpica tucui huañuchishpa chingachinguichic. Paicunataca huahuacunatapish, huarmicunatapish mana llaquishpa huañuchishpa, paicuna ima charishcatapish japinguichiclla nishpami mandashca carca.

ESTER 7:4

Ñucatapish, ñuca llacta gentecunatapish huañuchishpa tucui tucuchichun catushcami canchic. Servic caricuna, huarmicuna cachun catushca cacpica, mana imata nishpa upallami caiman carcani. Ashtahuanpish tucui ñucanchicta huañuchicpica, can jatun mandacmanca yalli llaquimi canga— nirca.

ESTER 3:13

Chai quillcacunataca jatun mandac mandacuc tucui llactacunamanmi quillcata apaccunaman cushpa cacharca. Chai quillcapica cunan huiñaicunata, yuyaccunata, huahuacunata, huarmicunatapish shuc punzhallapi tucuita huañuchishpa, paicunapac charishcata apamuchunmi mandashca carca. Chaitaca Adar nishca chunga ishcai quilla chunga quimsa punzhapi chashna ruhuachunmi mandashca carca.

ISAÍAS 47:2

Cutana rumita japishpa, harinata cutaiyari. Umata tapashca pañotapish anchuchiyari. Churanata llucchishpa, lluchu changa tucushpa, jatun yacuta pasaiyari.

JEREMÍAS 48:33

Moabitacunapac alli pucuc pambacunapi cushicushpa caparinaca tucuringami. Vinota ruhuana tanquecunapipish, vinoca mana tiyanchu. Cantashpa uvasta sarunapish tucuringami. Cushicushpa caparinaca ña mana tiyangachu.

LAMENTACIONES 5:15

Ñucanchic shungupica cushicuica ña mana tiyanchu. Ñucanchic danzaccunaca bailanapac randica, duelopi shinami, llaquilla tucushca.