JEREMÍAS 23:32 - Dios Rimashcata Quillcashcami

³² Muscushcata llullashpa huillaccunahuanca piñarishcami cani. Paicunaca uyanalla shimicunata parlashpami, ñuca acllashcacunataca pandachin. Ñucaca paicunataca mana huillachun cacharcanichu. Cai gentecunamanca ima allitapish mana ruhuancunachu. Chaitaca Mandac Dios ñucami nini.

JEREMÍAS 23:32 Referans Kwoze

SOFONÍAS 3:4

Dios ima nishcata huillaccunaca jatun tucushca, llullashpa umaccunami. Curacunapish Diospac huasita mapayachiccunami, mandashcatapish mana cazunchu.

LAMENTACIONES 2:14

Huillaccunaca llullashpami, muscuipi shina ricushcata huillarca. Ama prezu apachunmi, juchata ruhuashcataca mana huillarca. Chaipac randica llullashpami, muscuipi shina ricunchic nishpa huillarca.

JEREMÍAS 7:8

Cancunaca yanga llulla parlocunapimi shunguta churashpa causacunguichic.

APOCALIPSIS 19:20

Chai manchana animaltapish, llullashpa huillactapish prezumi japircacuna. Chai llullashpa huillacca chai manchana animalpac ñaupapimi pi mana ruhuaipaccunata ruhuashpa ricuchic carca. Cai ruhuashcacunahuanmi chai llullashpa huillacca manchana animalpac shutita frentepi chariccunatapish, shinallatac chai animalman ricchata alli niccunatapish umashca carca. Chai ishcaicunataca causactami azufrehuan rupacuc nina cuchapi shitashca carca.

SAN MATEO 15:14

Ñahui mana ricuc shina pushaccunataca saquichiclla. Ñahui mana ricucpura pushanacushpaca, ishcaitacmi jutcupi urmanga— nirca.

JEREMÍAS 29:31

«Mandac Dios Nehelam llactamanta Semaiasta ima nishcata tucui chaiman prezu apashcacunaman quillcai. Mandac Diosca: “Semaiasca manapish ñuca cachacpimi, llullashpa ñuca shutimi huillashpa, cancunata crichishca.

JEREMÍAS 23:25

Ñucaca chai huillaccunataca: “Muscurcanimi, muscurcanimi” nishpa llullashpa ñuca shutipi huillacuctami uyarcani.

JEREMÍAS 23:16

Tucuita Mandac Diosca: «Chai huillaccuna huillashcataca ama uyanguichicchu. Paicunaca yangallata huillashpami crichincuna. Paicunaca Mandac Dios ñuca muscuipi shina ricuchishcataca mana huillancunachu. Ashtahuanpish paicunapac yuyashcallatami huillan.

ISAÍAS 3:12

Ñuca acllashca llactalla, paitaca huambracunami llaquichicun. Paicunami mandacun. Ñuca acllashca llactalla, cantaca mandaccunami pandata yachachishpa, mana alli pushacun.

DEUTERONOMIO 18:20

Maijan huillac ñuca shutipi manapish ñuca huillachicpi, mana cashpaca shuctac yanga dioscunapac shutipi huillacpica, chai huillactaca huañuchinguichic” nirca.

2 CORINTIOS 1:17

Chaita yuyarishpaca, ¿manachu alli yuyarishpa ruhuarcani? Ñuca imata ruhuasha nishpapish, ¿chai ratollatac «ari» nishpa, «mana» nishpa ishcai yuyaihuan ruhuacchu cani?

JOB 13:4

Cancunaca llullashpa pandachiccunami canguichic. Cancunaca jambiccuna mana jambinata yachac shinami canguichic.

ISAÍAS 9:15

Umaca pushac yuyaccuna, alli nishca runacunami. Chupaca llullashpa yachachiccunami.

JEREMÍAS 23:13

Samaria llacta huillaccunataca mana allita huillacuctami ricurcani. Paicunaca Baal diospac shutipi huillashpami, ñuca acllashca israelcunataca pandachirca.

JEREMÍAS 23:31

Chaica: “¡Diosmi huillachun cachan” nishpa huillaccunataca ñucami llaquichigrini! Chaitaca Mandac Dios ñucami nini.

LAMENTACIONES 3:37

Mandac Dios mana mandacpica, ¿pitac imata huillanga?

ZACARÍAS 10:2

Yanga dioscunaca llullaccunami. Adivinocunaca llullallatami muscun. Muscushcata huillashpapish, yangallami cushichin. Chaimantami gentecunaca ovejacuna shina, purin. Paicunaca michic illac cashpami, llaquilla causan.