JEREMÍAS 23:30 - Dios Rimashcata Quillcashcami

³⁰ Chaimantami shuhuashpa, llullashpa huillaccunataca llaquichigrini. Chaitaca Mandac Dios ñucami nini.

JEREMÍAS 23:30 Referans Kwoze

DEUTERONOMIO 18:20

Maijan huillac ñuca shutipi manapish ñuca huillachicpi, mana cashpaca shuctac yanga dioscunapac shutipi huillacpica, chai huillactaca huañuchinguichic” nirca.

EZEQUIEL 13:8

Chaimantami Mandac Dios ñucaca: “Cancuna yangata rimashcamanta, llullashcamantami llaquichisha.

EZEQUIEL 13:20

Chaimantami Mandac Dios ñucaca: “Brujocuna maquipi huatarina cintacunataca tucuchishami. Chaicunahuanmi gentecunataca zhutacunata japic shina urmachinguichic. Cancuna urmachishca ñuca acllashcacunataca cancunapac maquimantami cacharichisha. Chashna ruhuacpica, zhutacuna shinami volanga.

SALMOS 34:16

Mandac Diosca millaita ruhuaccunataca piñanmi. Paicunapac shuticunata pipish ama yuyarichunmi cai pachamanta chingachin.

EZEQUIEL 15:7

Paicunata llaquichingapacmi shayarisha. Ninamanta quishpirishca cacpipish, ninallatacmi tucuchinga. Paicunata chashna piñarishpa llaquichicpimi ñucataca Mandac Dios cashcata yachanguichic.

1 PEDRO 3:12

Mandac Diosca cashcata ruhuaccunataca cuidanmi, shinallatac mañashcata uyangapacpish shuyaracunmi. Ashtahuanpish mana allita ruhuaccunataca piñanmi» ninmi.

JEREMÍAS 44:29

Mandac Dios ñuca cancunata llaquichishami nishcata, pactachic cashcata yachachunmi, cancunataca cai llactallapitac llaquichigrini. Cai ruhuashcaca shuc señalmi canga.

JEREMÍAS 44:11

Chaimantami israelcunapac tucuita Mandac Diosca: Cancunata yallita llaquichinata, Judá llactapi causaccunata tucuchinatami yuyarircani.

DEUTERONOMIO 29:20

Mandac Diosca chashna mana alli ruhuactaca mana perdonangachu. Ashtahuanpish nina rupashpa cushnicuc shina piñarishpa, paipaclla cachun munashpa, cai libropi sinchita nicushca shinami llaquichinga. Chashnami cai pachamanta chai runapac shutitaca chingachinga.

LEVÍTICO 26:17

Ñucaca cancunata piñashami. Shina piñacpimi, cancunata piñaccunaca atishpa chugrichinga. Cancunata mana ricunayachiccunami manchachishpa changa. Manapish pi ima nicucpimi, miticushpa puringuichic.

LEVÍTICO 20:3

Moloc diosman paipac huahuata cushpa, jucha illac ñuca shutita yangata ruhuashcamanta, ñucapaclla chicanyachishca huasitapish mapayachishcamantaca piñashpami chai runataca israelpuramanta anchuchisha.

JEREMÍAS 21:13

Pugru pamba chaupipi tiyac jatun rumi jahuapi causaccunalla, ñucallatacmi cancunataca llaquichingapac shayarini. Cancunaca: ‘¿Pitac ñucanchic-huan macanacungapac shamui pudinga? Ñucanchic causacuc pushtumanca, ¿pitac yaicui pudinga?’ ninguichicmi.

JEREMÍAS 23:31

Chaica: “¡Diosmi huillachun cachan” nishpa huillaccunataca ñucami llaquichigrini! Chaitaca Mandac Dios ñucami nini.