JEREMÍAS 23:19 - Dios Rimashcata Quillcashcami

¹⁹ Mandac Dios piñarishcaca mancharina acapana huaira shinami shamun. Paica acapana huairahuan shinami, mana allita ruhuaccunata llaquichinga.

JEREMÍAS 23:19 Referans Kwoze

JEREMÍAS 30:23

Mandac Diosca sinchi huaira jatarishca shinami piñarishca. Chashna sinchi huaira shina piñarishpami paita mana manchaccunataca llaquichinga.

JEREMÍAS 25:32

Tucuita Mandac Diosca: «Llaquica llacta llactami ringa. Cai pacha tucurimantami acapana huaira jataringa» ninmi.

AMÓS 1:14

Chaimantami Rabá llacta muyundi pircapica ninata churasha. Chai ninami jatun macanacui punzhapi, acapana huaira punzhapi mandashpa tiyana huasicunatapish tucui rupachinga.

ISAÍAS 21:1

Mama cucha patapi tiyac shitashca pamba llaqui tucunamanta huillashcami: Shitashca pamba Neguevmanta acapana huaira shamuc shinami, manchana llactamanta shitashca pambata shamunga.

PROVERBIOS 10:25

Huaira tamya shamushpa chingaric shinami, Diosta mana manchacca chingaringa. Ashtahuanpish cashcata ruhuac runaca maita mana cuyuchipac huiñaita causacunllami.

ZACARÍAS 9:14

Mandac Diosmi paicunapac jahuapi ricuringa. Paipac flechaca relampa shinami llucshinga. Mandac Diosmi cornetapi tocashpa, ura lado acapana huaira chaupipi shamunga.

JEREMÍAS 4:11

Chai punzhacunapica Judá llactapi, Jerusalenpi causaccunataca: «Ñuca llactapi causaccunapacmanca shitashca urcumantami chaquishca huaira shamurca. Chai huairaca mana granota chuyayachic huairachu.

ISAÍAS 40:24

Cunanlla plantashca yurata shina, cunanlla tarpushca yurata shina, cunanlla huiñashpa, sapita mana charic yurata huaira huactashpa chaquichic shinami, utca chaquichin. Chaquicpica, acapana huaira shamushpami ucshata shina apan.

PROVERBIOS 1:27

Cancuna manchana jatun llaquicunaca tucuchic shinami shamunga. Jatun acapana huaira shina shamushpami, cancunataca yallita llaquichinga.

SALMOS 58:9

Chaquishca cashacuna manga yacuta manarac cunuchishpa tucuric shina chingarichun. Verdinlla quihuata acapana huaira apac shina chingarichun.

JEREMÍAS 51:1

Mandac Diosca: «Babilonia llactatapish, caldeocunatapish llaquichingapacmi jatun huairata cachasha.

EZEQUIEL 1:4

Ñucaca jahua ladomanta acapana huaira shamucucta, achca puyu jahuata nina pillurishca shamucuctami ricurcani. Cutin chai chaupipica sumaimana achiclla bronceman riccha jagan nicuctami ricurcani.

ZACARÍAS 7:14

Ashtahuanpish paicunataca jatun acapana huairahuanmi paicuna mana ricsishca llactacunaman shic-huashpa cacharcani. Paicuna rishca quipaca, paicunapac llactaca shitashca pambami saquirirca. Chai llactaman yaicunataca pipish mana munangachu. Paicuna munashca llactataca shitashca pambatami saquirirca» nirca.

JEREMÍAS 25:31

Pai piñarishpa culun nishcaca cai pacha tucuricamanmi uyaringa. Mandac Diosca tucui cai pachapi causaccunapac Juez cashpami, tucui llactapi causaccuna imata ruhuashca shinallatac llaquichinga. Paita mana manchaccunataca huañuchiccunamanmi cusha. Chaitaca Mandac Dios ñucami nini” ninmi ningui» nirca.

JEREMÍAS 30:24

Mandac Dios yallita piñarishcaca paipac shungupi yuyarishcata pactachingacaman mana pasangachu. Tucuri punzhacunapimi chaitaca entendinguichic» ninmi.

EZEQUIEL 13:13

Chaimantami Mandac Dios ñucaca: “Yallita piñarishpami, chai pircataca acapana huairahuan urmachisha. Chashna piñarishpami manchana tamyatapish, rumi shina rundutapish cachasha.