JEREMÍAS 23:1 - Dios Rimashcata Quillcashcami

¹ Mandac Diosca: «¡Aij, ñuca ovejacunata caita chaita cachashpa chingachic michiccunalla!» ninmi.

JEREMÍAS 23:1 Referans Kwoze

JEREMÍAS 10:21

Ñucaca: «Michiccunapish yuyai illac tucushpami, Mandac Diostaca mana servin. Chaimantami ima allita ruhuanatapish mana pudin. Paicunapac animalcunapish tucuimi caita chaita rishca.

EZEQUIEL 13:3

Mandac Diosca: ¡Aij, imatapish mana ricushpa, quiquin yuyaimanta llullashpa huillac, juizhu illac huillaccunalla!

SAN MATEO 9:36

Jesusca tauca gentecuna shitashca, michic illaclla ovejacuna shina, caita chaita puricucta ricushpami, yalli llaquirirca.

JEREMÍAS 22:22

Cambac michiccunataca huairami apanga. Cambac cuyashcacunataca prezumi apanga. Shina tucucpica, can mana allita ruhuashpa causashcamantaca yallita pingaichishca, llaquichishcami cangui.

JEREMÍAS 12:10

Achca michiccunami ñuca uvas chagrata tucuchishpa, ñuca allpatapish sarunacurca. Ñucapac sumac allpacunataca tucuchishpami, shitashca pambata shina saquirca.

JEREMÍAS 50:6

Ñuca acllashcacunaca chingarishca ovejacuna shinami carca. Michiccunami chingachirca. Chaimantami urcucunapi, lomacunapi purishpa, corraltapish cungarishpa mana cutirca.

JEREMÍAS 2:8

Curacunaca: “¿Mandac Diosca maipitacyari?” mana nircachu. Ñuca mandashcata ricuccunapish mana ricsircachu. Michiccunapish ñucataca piñarcami. Ñucamanta huillaccunapish Baal diospac shutipimi huillarca. Chashnami imatapish mana ayudac dioscunatarac catirca.

SAN JUAN 10:12

Ashtahuanpish cullquillamanta michicca mana alli michicchu. Mana paipac ovejacuna cashcamantaca atuc shamucpica, shitashpa rinllami. Atucca ovejacunata manchachishpa, maitapish shic-huashpa cachanllami.

SAN JUAN 10:10

Shuhuacca shuhuangapac, huañuchingapac, chingachingapacmi yaicun. Ñucaca causaita cungapac, yalli causaita cungapacmi shamurcani.

JEREMÍAS 23:2

Chaimantami israelcunata Mandac Diosca ñuca llactamanta gentecunata michiccunataca: «Cancunaca, ñuca ovejacunata cuidanapac randica, manchachishpami caita chaita cachanguichic. Uyaichic, cancuna mana allita ruhuashcamantami llaquichigrini,

SAN MATEO 15:14

Ñahui mana ricuc shina pushaccunataca saquichiclla. Ñahui mana ricucpura pushanacushpaca, ishcaitacmi jutcupi urmanga— nirca.

EZEQUIEL 34:31

Cancunaca ñuca quihuapi micuc, ñuca ovejacunami canguichic. Ñucaca cancunapac Mandac Diosmi cani” ninmi ningui» nirca.

EZEQUIEL 34:21

Cancunaca tullu ovejacunataca huicsahuan, rigrahuan, gachucunahuanmi tangashpa, caita chaita cacharcanguichic.

JEREMÍAS 2:26

Shuhuac japi tucushpa, pingai tucuc shinami, israelcunaca juchata ruhuashcamanta pingai tucunga. Paicunapish, jatun mandaccunapish, paicuna churashca mandaccunapish, curacunapish, huillaccunapishmi pingai tucunga.

SAN JUAN 10:8

Manarac ñuca shamucpi, tucui shamuccunaca shuhuaccunami, huañuchiccunami carca, ashtahuanpish ovejacunaca mana catircacunachu.

JEREMÍAS 13:17

Ashtahuanpish cancuna caita mana uyashpa, jatun tucucpica, ñuca shungullapimi pacalla huacasha. Mandac Diospac ovejacunata prezu apashcamantami yallita llaquirishpa, ñuca ñahuimanta huiquita jichasha.

EZEQUIEL 36:38

Jatun fiesta punzhacunapica Jerusalenman apamushca ñucapaclla ovejacuna shinami, israelcunaca shitashca llactacunapi jundanga. Chaita ricushpami, ñucataca Mandac Dios cashcata yachangacuna nini” ninmi ningui» nirca.

EZEQUIEL 34:1

Mandac Dios ñucata rimashpaca:

ZACARÍAS 10:3

Chaimantami Mandac Diosca: «Michiccunahuanca nina japiric shinami, piñarishca cani. Pushaccunata llaquichishami. Ashtahuanpish tucuita Mandac Dios ñucami Judá llactapi causac ñuca acllashcacunataca ricugrisha. Paicunataca ñucapac sinchi caballocunata shinami macanacuipi churasha.