JEREMÍAS 22:17 - Dios Rimashcata Quillcashcami

¹⁷ Shina cacpipish, cambac ñahuipish, cambac shungupish shuccunata llaquichishpa, yallita chayucyanallatami munan. Shinallatac mana faltayuc runata yahuarta jichanallata, llaquichinallata, millaita ruhuanallatami munan. Chaitaca Mandac Dios ñucami nini» ninmi.

JEREMÍAS 22:17 Referans Kwoze

2 PEDRO 2:14

Maijan huarmita ricushpaca, huainayana yuyaillami cancuna. Juchallinataca manatac shaicuncunachu. Manarac sinchi criccunataca pandachincunami. Paicunaca tucuita atishpa imatapish charinallata munaccuna, shinallatac Dios mana ricunayachishca gentecunami can.

EZEQUIEL 19:6

Paica jatun leoncunapac chaupipi cashpami animalcunata japinata yachacushpa, gentecunatapish micurca.

JEREMÍAS 22:3

Mandac Diosca: Imatapish allita, cashcata ruhuachic. Llaquihuan causac runata llaquichic runapac maquimanta cacharichichic. Shuctac llacta runacunatapish, taita mama illac huahuacunatapish, viudacunatapish ama llaquichichicchu. Mana faltayuc runata huañuchishpa, ama yahuarta jichaichicchu.

2 REYES 24:4

Shinallatac mana faltayuc gentecunata huañuchishcamantapishmi, chashnaca ruhuarca. Mana faltayuc gentecunapac yahuarca Jerusalenpimi jundarca. Chaimantami Mandac Diosca mana perdonasha nirca.

EZEQUIEL 33:31

Paicunapish ñuca acllashca gentecuna shinami, can rimashcata uyangapac cambac ñaupaman shamun. Shina cashpapish mana pactachincunachu. Chai gentecunaca shimillahuanmi alli nincuna, ashtahuanpish shungupica chayucyana manaihuanmi purin.

SALMOS 10:3

Millaita ruhuacca paipac shungu munashcata ruhuashpami cushicun. Charinallata munactaca alli ninmi, Mandac Diostaca mana ricunayachinchu.

2 PEDRO 2:3

Paicunaca cullquita japingaraicumi, cancunamanca yachachishpa chayucyangacuna. Paicunataca ña utcamanta pachami, llaquimanmi ringuichic nishca can. Chai llaquimantaca manatac quishpiringacunachu.

COLOSENSES 3:5

Cai pachapi imapish jucha munashcata ruhuangapacca, huañushca shinami cana canguichic. Chaimanta ama huainayaichicchu, imapish mapacunata, imapish mana canacunata ama ruhuaichicchu, ama millaita ruhuana yuyailla caichicchu, shinallatac ama imatapish charina yuyailla caichicchu. Chai yuyailla cashpaca, ruhuashcalla diosta alli nic shinami canguichic.

1 CORINTIOS 6:10

shuhuaccunapish, charinallata munaccunapish, machaccunapish, llaqui tucuchun niccunapish, crichishpa shuhuaccunapish, Dios mandacucpica mana yaicungacunachu.

ROMANOS 1:29

Chaimantami millaita ruhuana yuyailla cancuna. Mapacunallata ruhuancuna, envidiancuna, huañuchincuna, piñanacuncuna, llullancuna, huashalla rimanacuncuna, tucui imapish millaita ruhuancuna.

SOFONÍAS 3:3

Paicunata mandaccunaca leoncuna shinami huacacun. Juezcunaca tuta animalta japishpa, tutamantapac shuc tullullatapish mana puchuchic shinami cancuna.

JOB 31:7

Alli ñanmanta caruyashca cacpi, ñuca ñahui ricushcata shungupi yuyarishca cacpi, ñuca maquihuan mapayashca cacpica,

2 CRÓNICAS 36:8

Joacim ashtahuan imata ruhuashcapish, yalli millana juchacunata ruhuashcapish, pai ima shina llaquita apashcapish, Israel llactata, Judá llactata jatun mandaccuna imata ruhuashcacunata quillcashcapimi tiyacun. Joacim huañucpica, paipac randica paipac churi Joaquinmi mandai callarirca.

1 REYES 21:19

Paita rimashpaca: “Mandac Diosca: ‘¿Nabotta huañuchishca jahuachu allpatapish japicungui? Maipimi Nabotpac yahuarta allcucuna lambirca, chaillapitacmi cambac yahuartapish allcucuna lambinga’ ninmi” nigri» nirca.

JOSUÉ 7:21

Tucui japishcapurapimi Babilonia llactamanta randishca jahualla sumac ishcai patsac kilo pezac cullquita, pichca chunga siclos pezac curi barrata munashpa pacalla japircani. Chaicunaca ñuca carpa huasi ucu chaupi allpapimi pambashca. Cullquipish, chai ucullapitacmi can— nirca.

ÉXODO 18:21

Israelcunapuramanta Diostapish manchac, cashcata ruhuac, cullquita japinata mana yalli munac runacunata acllai. Paicunamanta shuccunataca huaranga runata, shuccunataca patsac runata, shuccunataca pichca chunga runata, shuccunataca chunga runata ricuchun churai.

PROVERBIOS 24:2

Paicunapac shungupica macanacunallatami yuyacuncuna. Paicunapac shimica mapacunallatami rimancuna.

ISAÍAS 56:11

Paicunaca micushpapish mana sacsac allcucuna shinami can. Michiccuna cashpapish imata mana entendinchu. Quiquin munashcata ruhuashpa, quiquinpacllata mashcashpa, munashcallata ruhuancuna.

JEREMÍAS 6:6

Tucuita Mandac Diosca: «¡Jerusalenta llaquichingapac yuracunata pitichic! ¡Allpata montonaichic! Tucui cai llactapica llaquichina yuyaillami tiyan. Chaimantami caipi causaccunaca llaquichishca canga.

JEREMÍAS 6:13

Paicunapurapica uchilla huambracunapish, yuyaccunapish chayucyanallatami munan. Huillac runacunapish, curacunapish llullashpami umaccuna.

JEREMÍAS 8:10

Chaimantami paicunapac huarmicunatapish, chagracunatapish cai llactata shuctac runacunaman cugrini. Uchilla huambracunapish, yuyaccunapish quiquinlla ima shinapish chayucyanatami munan. Tucui huillac runacunapish, curacunapish llullashpa umaccunami.

JEREMÍAS 17:11

Cashcata mana ruhuashpa yallita chayucyac runaca sacha huallpa manapish paipac rurucunata ucllac shinami. Paica huambrarac cashpami charishcacunata saquishpa huañunga. Pai ruhuashcaca quipamanca yuyai illac runa ruhuashca shinami canga.

EZEQUIEL 18:12

huacchacunatapish, imata mana chariccunatapish llaquichic, shuhuac, debimanta prendashcatapish mana cutichic, ruhuashcalla dioscunata adorac,

MIQUEAS 2:2

Maijanpac allpacunatapish, huasicunatapish yallita munashpami quichun. Paicunaca shuc runata llaquichishpami, paipac familiatapish llaquichishpa, ima charishcacunatapish quichushpa llaquichin.

MIQUEAS 3:10

Cancunaca runata huañuchishpami Sión llactataca shayachinguichic. Jerusalentaca imatapish mana allita ruhuashcahuanmi allichinguichic.

1 SAMUEL 8:3

Ashtahuanpish churicunaca paicunapac taita shinaca mana causarcacunachu. Paicunaca charicyangaraicu cullquita pacalla japishpami cashcataca mana ruhuarcacuna.

2 REYES 23:37

Paica, paipac ñaupa taitacuna shinallatacmi Mandac Diospac ñaupapi mana allita ruhuarca.

JEREMÍAS 7:6

Shuctac llacta runatapish, taita mama illac huahuatapish, viudatapish ama llaquichinguichicchu. Cai llactapi causac mana faltayuc runapac yahuarta ama jichaichicchu. Cancunapac allipacllata ama shuctac dioscunata catinguichicchu.

JEREMÍAS 19:4

Paicunaca ñucamanta caruyashpami, cai llactatapish shuccunapac maquipi churarca. Chashnami paicunapish, paicunapac taitacunapish, Judá llactata jatun mandaccunapish mana ricsishca shuctac dioscunaman inciensota cushnichirca. Shinallatac mana faltayuc runata huañuchishpami, cai llactapi yahuarta jicharca.

EZEQUIEL 19:7

Pueblo muyundi pircacunatapish urmachishpa, shitashca pambatami saquirca. Yallita caparishpami llactata cuyuchishpa llaquinayaita shitashca pambata saquirirca. Imapish ña mana tiyarcachu.

EZEQUIEL 19:9

Cadenahuan huatashpa, jaulapi churashpami, Babilonia llactata jatun mandacpacman aparca. Israel llacta urcucunapi chai león huacashca ama ashtahuan uyarichunmi prezurca.

EZEQUIEL 22:6

Riquichic, Israel llacta mandaccunaca ‘mandacmi cani’ nishpami huañuchishpa, yahuarta jichancuna.