JEREMÍAS 22:15 - Dios Rimashcata Quillcashcami

¹⁵ ¿Cedro caspicunamanta huasita ruhuashpallachu, jatun mandacmi cani nishpa yuyangui? Cambac taitaca, ¿manachu allita, cashcata ruhuashpa mandashpaca alli micushpa, ubiashpa causarca? ¿Manachu paica alli causarca?

JEREMÍAS 22:15 Referans Kwoze

2 REYES 23:25

Moisés mandashcacunapi nishca shina tucui shunguhuan, tucui almahuan, tucui fuerzahuan Mandac Diosman cutirishpa pai causashca shinaca ñaupa jatun mandaccunapish, paipac quipaman tiyac jatun mandaccunapish mana tiyarcachu.

ISAÍAS 3:10

Cashcata ruhuaccunataca “allitami causangui” nichic. Paipac maquihuan imatapish ruhuashpami micunata japinga.

ECLESIASTÉS 10:17

Alli nishcacunapac churi jatun mandac mandacuc llactalla, ¡yallita cushicuiyari! Chai mandaccunaca machanapac randica, ashtahuan sinchi cangapacmi micuna horaspi micuncuna.

PROVERBIOS 25:5

Diosta mana manchac runata jatun mandacpac ñaupamanta anchuchingui. Shina anchuchicpimi, jatun mandacca cashcata ruhuashpa sinchiyanga.

PROVERBIOS 29:4

Jatun mandacca cashcata ruhuashpa mandashpami, llactata sinchiyachin. Ashtahuanpish yallita impuestohuan gentecunata llaquichic mandacca llactatami tucuchin.

2 REYES 22:2

Mandac Diospac ñaupapica allita ruhuashpami causarca. Paipac ñaupa taita David causashca shinallatacmi alli ladomanpish, lluqui ladomanpish mana ladoyashpa allita causarca.

JEREMÍAS 42:6

Mandac Dios imatapish ruhuachun nishcataca alli canatapish, mana alli canatapish ruhuashunllami. Cantaca mañachunmi cachanchic. Chashna alli ruhuashpami alli causashun— nirca.

JEREMÍAS 21:12

Davidpac huasi ucupurataca: Ima llaquicunataca tucui tutamanta allichichic. Llaquichishca runataca llaquichic runapac maquimanta cacharichishpa, allita ruhuaichic. Cancuna mana allita ruhuashcamanta nina japiric shina, ñuca ama piñarichunmi chashna ruhuana canguichic. Chai ninataca pipish mana huañuchi pudingachu.

PROVERBIOS 21:3

Mandac Diosmanca cashcata ruhuana, alli ruhuanami animalcunata cushpa huañuchishcatapish yalli alli ricurin.

1 REYES 10:9

Canta Mandac Diosca alli nishca cachun. Paica canta alli nishpami, israelcunata mandashpa tiyarinapi churashca. Mandac Diosca israelcunata cuyashpami, cantaca jatun mandac cachun churarca. Tucuipac allita, imatapish cashcata ruhuashpa mandachunmi churarca» nirca.

2 SAMUEL 8:15

Davidca tucui israelcunatami mandacurca. Paica allita ruhuashpami, imatapish cashcata ruhuashpa mandacurca.

1 CORINTIOS 10:31

Chaimanta imata micushpapish, imata ubiashpapish, imata ruhuashpapish, Dios alli nishca cachun ruhuaichic.

HECHOS 2:46

Punzhantami Diosta mañana huasipi tandanacuc carca. Shinallatac paicunapac huasicunapipish tandanacushpa, Jesús huañushcata yuyarishpa, cuyai shunguhuanmi micuc carca.

SAN LUCAS 11:41

Cancunaca imalla charishcata huacchacunaman caraichic. Chashna cushpami jahuashca shina chuyanlla canguichic.

JEREMÍAS 23:5

Shamuc punzhacunapica Davidpac huahua huahuapuramantami cashcata ruhuac mandacta churasha. Paica Jatun Mandacmi. Allita mandashpami, cai pachapica imatapish alli ricushpa, cashcata ruhuashpa mandanga.

JEREMÍAS 22:18

Chaimanta Mandac Dios Josiaspac churi Judá llactata jatun mandac Joacimmanta rimashpaca: «Pai huañucpica, pipish: “¡Aij, ñuca huauquilla, ñuca panilla!” nishpaca, mana huacangachu. Shinallatac: “¡Aij, ñuca amolla, aij, ñuca jatun mandaclla!” nishpapish, mana llaquiringachu.

JEREMÍAS 22:3

Mandac Diosca: Imatapish allita, cashcata ruhuachic. Llaquihuan causac runata llaquichic runapac maquimanta cacharichichic. Shuctac llacta runacunatapish, taita mama illac huahuacunatapish, viudacunatapish ama llaquichichicchu. Mana faltayuc runata huañuchishpa, ama yahuarta jichaichicchu.

ISAÍAS 33:16

mana manchashpa causanga. Paita jarcac rumica jatun torrecunami canga. Paimanca micunapish, yacupish mana illangachu.

ISAÍAS 9:7

Jatun mandac Davidpac tiyarinapi tiyarishpami, huiñaita cushi causaita cushpa, cashcata ruhuashpa, cunanmanta huiñaicaman mandanga. Pai mandanaca mana tucuringachu. Tucuita Mandac Diosca pai yallita cuyashcamantami chaitaca pactachinga.

ECLESIASTÉS 2:24

Runamanca micuna, ubiana shinallatac paipac trabajomanta paipac shungu munashcata ruhuashpa cushicunami ashtahuan alli. Chashna cushicunatapish, Diosllatac cuc cashcatami ricurcani.

PROVERBIOS 31:9

Cambac shimihuan rimarishpa cashcata ruhuashpa taripaiyari. Huacchacunatapish, imata mana chariccunatapish misaiyari.

PROVERBIOS 20:28

Jatun mandacca llaquic cashcamanta, cashcata nic cashcamantami cuidashca causan. Cuyac cashpami pai mandashpa tiyarinataca mana chingachin.

2 CRÓNICAS 34:2

Paica ñaupa taita David shinallatacmi Mandac Diospac ñaupapica alli ladomanpish lluqui ladomanpish, mana ladoyashpa allita ruhuashpa causarca.

1 CRÓNICAS 3:15

Josiaspac punta churica Johanán, ishcainiqui churica Joacim, quimsaniqui churica Sedequías, chuscuniqui churica Salummi carca.

DEUTERONOMIO 4:40

Cancunapish, cancunapac huahuacunapish, cancunapac quipa huiñaicunapish alli cangapac, shinallatac Mandac Dios cushca llactapi unaita causangapacca cai ñuca cunan yachachishpa mandashcacunata, pactachinacunata cazunguichic» nirca.

JEREMÍAS 7:5

Ashtahuanpish cancunapac causaita allichishpa, allita ruhuashpa, cancunapurapipish, shuctac runacunapurapipish cashcata ruhuanguichic.

2 CRÓNICAS 35:22

Necaoca Mandac Dios nishcatami huillarca. Ashtahuanpish Josiasca chai nishcata mana cazushpami shuc churanata churarishpa, paihuan macanacungapac rirca. Josiasca Meguido pambapimi macanacungapac rirca.

2 CRÓNICAS 35:26

Josías ashtahuan imata ruhuashcapish, Mandac Dios mandashcapi nishca shina shuccunata llaquishcapish,