JEREMÍAS 21:2 - Dios Rimashcata Quillcashcami

² «Babilonia llactata jatun mandac Nabuconodosormi ñucanchic-huan macanacungapac shamushca. Chaimanta cunan, Mandac Diosta ñucanchicmanta tapuiyari. Chai jatun mandac ñucanchicmanta anchurichun, Diosca jatun poderta charishcamanta imapish mancharinacunata ruhuangapishchari» nirca. Chashna cachacpimi, Mandac Diosca Jeremiasta rimarca.

JEREMÍAS 21:2 Referans Kwoze

JEREMÍAS 37:3

Jatun mandac Sedequías Selemiaspac churi Jucalta, Maasiaspac churi Sofonías curata Dios ima nishcata huillac Jeremiaspacman cachashpaca: «Ñucanchicmanta ñucanchicta Mandac Diosta mañaiyari» nichunmi cacharca.

JEREMÍAS 37:7

«Israelcunata Mandac Dios ñucaca cancunata ñucaman tapuchun cachac Judá llactata jatun mandactaca: “Cancunata ayudangapac shamuc Faraonpac soldadocunaca Egiptollamantac cuti rigrinmi.

1 SAMUEL 28:15

Chaipimi Samuelca Saultaca: —¿Imapactac ñucata huichai cayashpa piñachingui?— nirca. Shina nicpimi Saulca: —Filisteocunami ñucata piñashpa macanacungapac shamushca. Diospish ñucamantaca anchurishcami. Chaimantami ñucaca yalli llaquiricuni. Ñuca tapushcataca Diosca muscuipipish, pai ima nishcata huillaccunamanpish imata mana huillanchu. Chaimantami ñuca ima ruhuanata huillachun cantaca cayarcani— nirca.

1 SAMUEL 28:6

Chaimantami Saulca Mandac Diosta tapurca. Shina tapucpipish, Mandac Diosca muscuipipish, Urim nishcapi suerteta ruhuacpipish, Dios ima nishcata huillaccunamanpish, imata mana nircachu.

JEREMÍAS 32:24

Riquichic, caldeocunaca cai llactata japingapacmi ariete nishcacunahuan shamushca. Cai llactaca yarcaihuan, ungüihuan llaquipi cashcamantami paicunahuan macanacuc shamuc caldeocunapac maquipi yaicugrin. Cai huillashcacunaca ñami pactacun. Chaitaca can Diosllatacmi ricucungui.

JEREMÍAS 32:17

“¡Jatun Mandac Dioslla, jahua pachatapish, cai pachatapish cambac rigrata chutashpami, cambac jatun poderhuan ruhuashcangui! Can Diospacca ima ruhuanapish mana sinchichu.

2 CRÓNICAS 32:21

Shina mañacpimi, Mandac Diosca shuc angelta cachashpa Asiria llactata jatun mandacpac carpapi cac yallita sinchi imatapish mana manchac soldadocunatapish, mandaccunatapish, chai soldadocunata mandaccunatapish huañuchirca. Chaimantami chai jatun mandacca yallita pingai tucushpa, paipac llactaman cutishpa, paipac diospac huasiman yaicurca. Chai ucuman yaicucpimi, paipac churicunallatac espadahuan huañuchirca.

2 REYES 1:3

Chaimantami Mandac Diospac ángel tisbitapuramanta Eliastaca: «Samaria pueblota jatun mandacpac huillaccunata tupangapac huichai ri. Paicunataca: “Ecrón pueblo Baal-zebub diosman tapungapac richunca Israel llactapica, ¿manachu Dios tiyan?” ningui.

1 SAMUEL 10:22

Chaimantami Saúl chayamushcata yachangapac Mandac Diostaca: —¿Chai runaca ñachu caiman shamurca?— nishpa tapurca. Shina nicpimi, Mandac Diosca: —Riquichic, paica macanacungapac tucui apamushca chaupipimi miticushca can— nirca.

JUECES 20:27

Chaipimi israelcunaca Mandac Diosta tapurca. (Chai punzhacunaca Dios ari nishca quillcata huacaichina Arcaca chaipimi carca.

GÉNESIS 10:10

Callaripica Nimrodca Sinar llacta Babel, Erec, Acad, Calne llactacunatami mandacurca.

ÉXODO 9:28

Dios cachashca relampapish, rundupish anchurichun, Mandac Diosta mañaichic. Ñucaca ña mana ashtahuan jarcashachu, cancunaca ringuichicllami— nirca.

2 REYES 17:24

Asiria llactata jatun mandacca Babilonia, Cuta, Ava, Hamat shinallatac Sefarvaim pueblocunamantami gentecunata apamushpa, Samaria llacta pueblocunapi israelcunapac randi causachun churarca. Paicunaca Samaria llactata japishpami, chaipi tiyac pueblocunapi causarcacuna.

ISAÍAS 48:2

Shina cashpapish: “Jucha illac llactamantami canchic. Israelcunapac Diosta yuyarishpami causanchic. Paipac shutica tucuita Mandac Diosmi” ninguichicmi.

JEREMÍAS 15:11

Mandac Dioslla, ñuca mana allita servishca cacpi, ñucata piñaccuna llaquihuan cacpi, paicunamanta mana mañashca cacpica, paicuna mana alli nishcaca pactachunlla.

JEREMÍAS 21:3

Chaimantami Jeremiasca paicunataca: «Jatun mandac Sedequiastaca:

JEREMÍAS 37:17

Jatun mandac Sedequías Jeremiasta carcelmanta llucchimushpa, paipac huasipi pacalla tapushpaca: —¿Mandac Dios ima nishcata chasquircanguichu?— nirca. Shina tapucpimi Jeremiasca: —Ari, chasquircanimi. Babilonia llactata jatun mandacpac maquipimi churashca cagringui— nirca.

EZEQUIEL 7:26

Jatun llaquicunaca catipi, catipimi shamunga. Llaqui huillaccunapish catipi catipimi uyaringa. Ñuca ima nishcata huillactapish yangami mashcanga. Curacunapish mandashcacunata ña mana yachachingachu. Pushac yuyaccunapish mana cunangachu.

JEREMÍAS 34:1

Babilonia llactata jatun mandac Nabucodonosor tucui paipac soldadocunahuan, cai pachapi tiyac pai mandacuc llactacunata mandaccunahuan shamushpa, Jerusalenpi causaccunahuan, chai llactacunapi causaccunahuan macanacucucpimi, Mandac Diosca Jeremiastaca: