JEREMÍAS 21:12 - Dios Rimashcata Quillcashcami

¹² Davidpac huasi ucupurataca: Ima llaquicunataca tucui tutamanta allichichic. Llaquichishca runataca llaquichic runapac maquimanta cacharichishpa, allita ruhuaichic. Cancuna mana allita ruhuashcamanta nina japiric shina, ñuca ama piñarichunmi chashna ruhuana canguichic. Chai ninataca pipish mana huañuchi pudingachu.

JEREMÍAS 21:12 Referans Kwoze

ISAÍAS 1:17

allita ruhuanata yachacuichic. Allita mandanata munaichic. Llaquichic runata rimaichic. Taita mama illac huahuacunatapish, viuda huarmitapish ayudaichic» ninmi.

JEREMÍAS 4:4

Judá llactapi causaccunalla, Jerusalenpi causaccunalla, circuncisionta ruhuashpa, cancunapac shungumanta asha carata pitic shina, ñucapacman cuichic. Cancuna mana allita ruhuashcamantaca pacta nina japiric shina piñariman. Chai piñarishca nina shinataca pi mana huañuchi pudingachu nini» ninmi.

ISAÍAS 1:31

Sinchi runapish tamo shinami tucunga. Pai imata ruhuashcaca uchupa shinami tucunga. Ishcaitatacmi rupachishca canga. Chai ninataca pi mana huañuchi pudingachu» ninmi.

SOFONÍAS 3:5

Mandac Diosca paicunapac chaupipica cashcata ruhuacmi, ima millaitaca mana ruhuangachu. Paica cada tutamantami cashcata ruhuashpa taripan. Chaita ruhuanataca jaicapi mana cungaringachu. Ashtahuanpish mana allita ruhuac runaca mana pinganchu.

NAHÚM 1:6

Pai piñaricpica, ¿pitac paipac ñaupapi shayaringayari? Nina japiric shina pai piñaricpica, ¿pitac paipac ñaupapi cai pudingayari? Nina talliricuc shinami paica yallita piñarin. Jatun rumicunapish chaupirinmi.

JEREMÍAS 36:7

Paicuna mañashcata Mandac Dios uyaringapishchari. Shinallatac mana alli ruhuanata saquishpa, Mandac Diospac cuchuman chayaringapishchari. Mandac Diosca cai gentecunahuan yallita piñarishcami» nirca.

JEREMÍAS 17:4

Ñuca cushca llactatapish shitashpa, cancuna mana ricsishca llactacunapi cancunata piñaccunata servishpa causachunmi saquisha. Cancuna yallita piñachishcamantami nina japiric shina piñarishca cani. Chai ninaca huiñaitami rupacungalla.

JEREMÍAS 7:20

Ñucaca yallita piñarishpami, cai llactata llaquichigrini. Runacunatapish, animalcunatapish, pambapi shayacuc yuracunatapish, allpapi pucushca granocunatapish mana huañuc ninahuami llaquichigrini» ninmi.

JEREMÍAS 5:28

Chashnami huirayashpa puca ñahuicuna tucurca. Paicunaca yalli mana allitami ruhuarca. Taita mama illac huahuacunamanpish ima allita mana ruhuancunachu. Huacchacunata llaquichicucpipish, mana misancunachu.

ROMANOS 13:4

Mandaccunaca Diosta servic cashpami, cambac allipac can. Mana yanga churashcachu, ashtahuanpish mana allita ruhuac runata llaquichingapacmi. Paicunaca Diospacta ruhuac cashpami, maijanpish llaquichina cacpica, cashcata ruhuashpa llaquichin. Chaimanta mana allita ruhuashpaca manchanami cangui.

SAN LUCAS 1:69

Diosta servic Davidpac huahua huahuapuramanta, imatapish ruhuaclla Quishpichicta cachashca.

EZEQUIEL 22:31

Chaimantami ñucaca nina japiric shina yallita piñarishpa, paicunataca tucuchisha. Chashnami paicuna mana allita ruhuashca shinallatac llaquichisha. Chaitaca Mandac Dios ñucami nini” ninmi ningui» nirca.

LAMENTACIONES 4:11

Mandac Diosca nina japiric shina yallita piñarishpami yallita llaquichishpa pai munashcata ruhuarca. Sionpi ninata japichishpami, callari rumicunacaman tucuchirca.

JEREMÍAS 23:19

Mandac Dios piñarishcaca mancharina acapana huaira shinami shamun. Paica acapana huairahuan shinami, mana allita ruhuaccunata llaquichinga.

JEREMÍAS 5:14

Chaimantami tucuita Mandac Diosca: «Paicuna chashna nishcamantami cunanca ñuca rimashcataca ninata shina cambac shimipi churani. Chai gentecunaca yanta shinami tucunga. Cai rimashcacunami paicunataca tucuchinga.

ISAÍAS 7:13

Shina nicpimi Isaiasca: —Davidpac huahuacuna uyaichic. ¿Cancunaca runata piñachina ashalla cacpichu, ñuca Diostapish piñachicunguichic?

ISAÍAS 7:2

Chaita Davidpac huahua huahuapura Acazman huillangapac shamushpaca: «Siria llactapi causaccunaca Efrainpac llactahuan tandanacushpami canhuan macanacungapac shamushca» nirca. Chashna nicpimi, jatun mandac Acazpac shungupish, Jerusalenpi causaccunapac shungupish huairahuan sachacuna caiman chaiman cuyuric shina chucchurca.

SALMOS 101:8

Diosta mana manchac cai pachapi causaccunataca tutamantami tucuchisha. Mana allita ruhuaccunataca tucuitami Mandac Diospac pueblomantaca chingachisha.

SOFONÍAS 1:18

Mandac Dios piñarishpa llaquichi punzhapica paicunapac cullquipish, curipish mana quishpichingachu. Tucui cai pachataca nina japiric shinami tucuchinga. Cai pachapi causaccunataca cungaillami tucuchinga.

JEREMÍAS 23:5

Shamuc punzhacunapica Davidpac huahua huahuapuramantami cashcata ruhuac mandacta churasha. Paica Jatun Mandacmi. Allita mandashpami, cai pachapica imatapish alli ricushpa, cashcata ruhuashpa mandanga.

JEREMÍAS 21:5

Ñucaca nina japiric shina piñarishpami, poderyuc ñuca maquita alzashpa, cancunahuanca macanacusha.

JOB 29:17

Millaicunataca jazhatami paquic carcani. Imata quichushca cacpica, quirumantami cacharichic carcani.

2 SAMUEL 8:15

Davidca tucui israelcunatami mandacurca. Paica allita ruhuashpami, imatapish cashcata ruhuashpa mandacurca.

DEUTERONOMIO 32:22

Nina japiric shinami, yallita piñarishca cani. Chashna piñarishpami ucu pacha seolcaman rupachinga. Cai allpataca chaipi pucushcandimi rupachinga. Urcucunatapish sapicamanmi rupachinga.

LEVÍTICO 26:28

ñucapish piñarishpami canchis cutin yallihuan cancunapac juchamantaca llaquichisha.

ÉXODO 18:13

Cayandi punzhaca Moisesca israelcunapac llaquicunata allichingapacmi tiyarirca. Israelcunaca tutamantamanta chishicaman Moisespac ñaupapi shayacurca.

JEREMÍAS 7:5

Ashtahuanpish cancunapac causaita allichishpa, allita ruhuashpa, cancunapurapipish, shuctac runacunapurapipish cashcata ruhuanguichic.

JEREMÍAS 23:2

Chaimantami israelcunata Mandac Diosca ñuca llactamanta gentecunata michiccunataca: «Cancunaca, ñuca ovejacunata cuidanapac randica, manchachishpami caita chaita cachanguichic. Uyaichic, cancuna mana allita ruhuashcamantami llaquichigrini,

JEREMÍAS 44:22

Mandac Diosca cancuna yalli mana allicunata, millana mapacunata ruhuashpa causacucpimi, ña mana ashtahuan ricusha nirca. Chaimantami cancunapac llactaca tucuipac mancharina, mana alli nishca, shuc runallapish mana tiyac saquirishca. Cunan punzhacamanmi chashna shitashca saquirishca.