JEREMÍAS 2:30 - Dios Rimashcata Quillcashcami

³⁰ Ñuca llaquichicpipish, cancunapac huahuacunaca manatac entendishcacunachu. Yangami llaquichishcani. Ñuca ima nishcata huillaccunataca espadahuanmi millai león shina tucuchishcanguichic.

JEREMÍAS 2:30 Referans Kwoze

NEHEMÍAS 9:26

Ashtahuanpish paicunaca, cantaca mana cazurcacunachu, can mandashcatapish, yangata ruhuashpami, yallita piñachircacuna. Canman cuti richun nishpa, can ima nishcata huillaccunatapish huañuchircacunami, yallitami llaquichircacuna.

1 TESALONICENSES 2:15

Diosmanta ñaupa huillaccunatapish, Apunchic Jesustapish, israelcunaca huañuchircacunami. Cutin ñucanchictaca piñashpami llucchishpa cacharca. Chashnaca Diostapish piñancunami.

HECHOS 7:52

Ñaupa taitacunaca, Dios ima nishcata huillaccunata mana ricushun nishpami llaquichirca. Paicunami shamuna cashca Jucha illac, imatapish cashcata ruhuacmanta huillaccunata huañuchircacuna. Chai Jucha illac shamucpica, millai runacunaman cushpami huañuchircanguichic.

JEREMÍAS 5:3

Mandac Dioslla, canca mana llullac cachunmi munangui. Paicunaca can macacpipish, llaquichishpa tucuchicpipish, mana entendircachu. Rumitapish yalli sinchi shungu tucushpami, cambacman cutinataca manatac munarca.

ISAÍAS 1:5

¿Ima nishpatac ashtahuan llaquichishca canata munanguichic? Umapish tucui chugrishca, shungupish tucui nanaihuanmi canguichic.

SAN MATEO 23:29

¡Mishqui shimi, jayac shungu fariseocunalla, mandashcacunata yachachiccunalla, imachari tucunguichic! Cancunaca Dios ima nishcata huillaccunata enterrashca bovedata allichiccunami canguichic. Cashcata ruhuaccuna huañushcata yuyaringapacmi sumacta pircacunata ruhuanguichic.

JEREMÍAS 7:28

Chaimantami canca: “Cai llactapi causaccunaca paicunata Mandac Diostaca mana cazurcacunachu. Allita ruhuachun yachachishcatapish mana uyarcacunachu. Paicunaca cashcata ninataca saquishcami” ningui» nirca.

ISAÍAS 9:13

Shina llaquichicpipish, paicunaca llaquichicpacmanca mana cutirircachu. Tucuita Mandac Diostaca mana mashcarcachu.

APOCALIPSIS 16:9

Chaipica, tucui gentecunami ruparca. Shina cacpipish, Diosman cutirishpa, paita alli ninataca mana munarcacunachu, ashtahuanpish chai llaquicunatapish anchuchiclla Diostaca camishpami rimarcacuna.

SOFONÍAS 3:2

Mandac Dios rimashcatapish mana uyanchu, alli tucuchun nishpa llaquichicpipish, mana cazunchu. Diospacman mana cuchuyanchu, Mandac Diospica mana shunguta churanchu.

EZEQUIEL 24:13

Canca millaita ruhuashpami mapayarcangui. Ñuca cambac mapata pichasha nicpipish, canca manatac munarcanguichu. Canta llaquichishpa, ñuca yallita piñarishcata pasachingacaman manatac chuyayanguichu.

JEREMÍAS 31:18

Efraín llactataca: “Canmi ñucata macashpa llaquichircangui. Piña huagrata shinami llaquichichun cacharcangui. Cambacman ñucaca cutisha ninimi. Canmi ñuca Mandac Dios cangui.

2 CRÓNICAS 36:16

Ashtahuanpish paicunaca Mandac Dios cachashca huillaccuna huillashcata mana cazushpami asircacuna. Dios huillachishca shimita yangapi churashpami, Dios ima nishcata huillaccunata burlarcacuna. Pai acllashcacuna chashna yallita llaquichicpimi, Mandac Diosca yallita piñarishpa, ima shina mana jarcari pudishpa llaquichirca.

2 CRÓNICAS 28:22

Ashtahuanpish jatun mandac Acazca chai huatacunapi yallita llaqui tucucushpapish, Mandac Diosta llaquichishpami ashtahuan juchata ruhuarca.

2 CRÓNICAS 24:21

Ashtahuanpish paitaca pacalla llaquichinatami yuyarinacurca. Paicunaca jatun mandac mandacpimi, Mandac Diospac huasi pungu pambapi Zacariastaca rumicunahuan shitashpa huañuchirca.

1 REYES 19:14

Chashna nicpimi paica: —Ñucaca Mandac Diosta yallita cuyashcamantami llaquirini. Israelcunaca canhuan ari nishcatapish, cambac altarcunatapish shitashpami rishca. Canmanta huillaccunataca espadahuanmi huañuchishca. Chai huillaccunamantaca ñucallami saquirishcani. Cunanca ñucatapish huañuchingapacmi mashcacuncuna— nirca.

1 REYES 19:10

Shina nicpimi paica: —Ñucaca Mandac Diosta yallita cuyashcamantami llaquirini. Israelcunaca canhuan ari nishcatapish, cambac altarcunatapish shitashpami rishca. Canmanta huillaccunataca espadahuanmi huañuchishca. Chai huillaccunamantaca ñucallami saquirishcani. Cunanca, ñucatapish huañuchingapacmi mashcacuncuna— nirca.

ISAÍAS 59:3

Cancunapac maquica huañuchishca yahuarpi cahuirishcami. Cancunapac dedocunaca millaita ruhuashpami mapayashca. Cancunapac shimica llullallatami riman. Cancunapac calluca mana allillatami parlan.

JEREMÍAS 46:14

«Egipto llactapi huillaichic. Migdol, Menfis, Tafnes llactacunapi huillashpa: “¡Allichirishpa shayarichic. Cancuna causacuc muyunditaca espadahuanmi tucuchinga!” nichic.

LAMENTACIONES 4:13

Paicunaman huillaccuna juchallishcamanta, curacuna mana allita ruhuashpa, cashcata ruhuac runacunata huañuchishpa, Jerusalén chaupipi yahuarta jichashcamantami chashnaca tucurca.

EZEQUIEL 22:24

«Huañunalla runa, Israel llactataca: “Canca yallita piñarishpa llaquichi punzhapica mana tamyashca, mana chuyayachishca llactami tucungui.

DANIEL 9:13

Moisés mandashpa quillcachishca shinaca, cai tucui llaquicuna ñucanchicta japicpipish Mandac Diosta mana mañashcanchicchu. Cashcata nic rimashcatapish mana uyashcanchicchu. Millaita ruhuanatapish mana saquishcanchicchu.