JEREMÍAS 2:23 - Dios Rimashcata Quillcashcami

²³ ¿Ima nishpatac canca: “Mana mapayashcachu cani, Baal dioscunatapish mana catishcanichu” ningui? Pambacunapi can imata ruhuashcatapish ricuiyari. Alli yuyariyari. Ñanman llucshishpa, maitapish callpac huarmi shinami cangui.

JEREMÍAS 2:23 Referans Kwoze

JEREMÍAS 7:31

Bet-hinom pambapi tiyac Tofet urcupipish altarcunata ruhuashpami, paicunapac churicunata, ushicunata cushpa rupachirca. Chaitaca mana mandarcanichu, mana yuyarircanipishchu.

PROVERBIOS 30:12

Maijan huahua huahuacunaca juchacunata manarac saquishca cashpapish paicunapac yuyaillapi jucha illaccunami canchic nincunami.

ROMANOS 3:19

Dios taripana punzhapi tucui mashna imata mana nishpa upalla saquirichunmi, tucui Moisés mandashcacunaca chai mandashcacunata chasquiccunaman huillacun. Chaitaca yachanchicmi.

SAN LUCAS 10:29

Chashna nicpipish, chai yachachicca mana upalla saquirircachu. Chaimantami: —¿Pi shuctatac cuyana cani?— nirca.

JEREMÍAS 31:22

Mana cazuc soltera shina Israel-lla, ¿ima horascamantac caita chaita puricunguilla? Mandac Dios ñucami cai llactapica mushucta ruhuasha. Huarmica cusapac ladomanmi shamunga» ninmi.

JEREMÍAS 9:14

Chaipac randica, paicunapac taitacuna yachachishca shinallatacmi Baal dioscunata catishpa, shungu munashcata ruhuashpa causarca.

JEREMÍAS 3:2

Urcucunata huichai ricuiyari. ¿Mai pambapitac mana chayarinacurcangui? Cambac cuyashcacunahuan tupangapacmi shitashca pambapi árabe runa chapacuc shina, ñancunapi tiyacurcangui. Chashna chayarinacushpa, yalli mana allita ruhuashpami, tucui llactata mapayachircangui.

PROVERBIOS 30:20

Huainayac huarmica micushpa, shimita picharishpaca: «Ima mana allita mana ruhuashcanichu» ninmi.

PROVERBIOS 28:13

Maijanpish paipac juchata pacacca, mana alli causai pudingachu. Ashtahuanpish juchacunata huillashpa, tucuita saquicpica Diosca llaquingami.

SALMOS 50:21

Chai tucuita ruhuacucpipish upalla saquircanillami. Ñucataca can shina cashcatami yuyangui. Ashtahuanpish can chai millaita ruhuashcata ricuchishpami llaquichigrini.

SALMOS 36:2

Chaimantami pai chashna mana allita ruhuashpaca alli cashcata yuyan. Paipac juchataca mana millanayachinchu.

ESTER 8:16

Judá gentecunaca achicman llucshishca shinami yallita cushicushpa, alli nishca carcacuna.

JEREMÍAS 2:36

¿Ima nishpatac ñanpi caiman chaiman callpacunguiyari? Asiria llactata jatun mandac pingaichishca shinallatacmi Egipto llactata jatun mandacpish cantaca pingaichinga.

JEREMÍAS 14:10

Mandac Dios chai llactamanta rimashpaca: «Paicunaca mana shaicushpa juchata ruhuanallata, caiman chaiman puricunallatami munan. Chaimantami paicunataca mana chasquini. Cunanmi paicuna juchacunata ruhuashcata yuyarishpa llaquichigrini» ninmi.

JEREMÍAS 16:10

Cai gentecunaman cai tucuita huillacpica paicunaca: “¿Ima nishpatac Mandac Diosca ñucanchictaca yallita llaquichisha nishpa huillachicunyari? Ñucanchicca, ¿ima mana allitatac ruhuashcanchicyari? Mana cashpaca, ¿ima juchata ruhuashpatac ñucanchic Mandac Diostaca piñachishcanchicyari?” ningami.

OSEAS 1:2

Mandac Dios Oseasman huillai callarishpaca: «Israel llactapi causaccunaca huainayac huarmi shinami ñucata saquishcacuna. Chaimanta huainayac huarmihuan cazarashpa, chai huarmipi huahuacunata charigri» nirca.