JEREMÍAS 18:15 - Dios Rimashcata Quillcashcami

¹⁵ Ashtahuanpish ñuca acllashcacunaca ñucata cungarishpami ruhuashcalla dioscunaman inciensota rupachin. Chashnami ñanta chingachishpa mitcaric shina pandarin. Shinallatac ancho ñancunata saquishpami mana ricsishca ñancunallata purin.

JEREMÍAS 18:15 Referans Kwoze

JEREMÍAS 6:16

Mandac Diosca: «Ñancunapi shayarishpa ricuichicyari. Ñaupa ñancunata tapushpa, maijan ñan alli cashcata acllashpa purichicyari. Chashna ruhuacpica, cancunapac alma samaringami» nirca. Shina nicpipish cancunaca: «Chai ñantaca mana purishunchu» nircanguichicmi.

OSEAS 11:2

Shina llaquishpa cayacucpipish, ñucamantaca ashtahuanmi caruyarca. Baal dioscunamanmi animalta cushpa huañuchirca. Yanga dioscunamanmi inciensota rupachirca.

JEREMÍAS 2:32

Carihuan manarac chayarishca solteraca, ¿sumac churanata cungarinchu? Cazarangapac ari nishca solteraca, ¿sumacta allichirinataca cungarinchu? Ashtahuanpish ñuca acllashcacunaca mana yupaipac punzhacunatami ñucata cungarishpa causan.

ISAÍAS 57:14

Mandac Diosca: «¡Ñanta pugrullata ruhuashpa pichaichicyari! ¡Ñuca acllashcacunapac ñanmanta imapi mitcarinacunata anchuchichicyari!» ningami.

MALAQUÍAS 2:8

Ashtahuanpish cancunaca alli ñanmanta anchurishpami, ñuca mandashcacunata pandata yachachishpa, tauca runacunata mitcachic shina urmachircanguichic. Chashna ruhuashpami, levitacunahuan ari nishcatapish yangapi churarcanguichic.

JEREMÍAS 2:13

Ñuca acllashcacunaca cai ishcai mana allitami ruhuarca. Puntaca tucyacuc yacu shina, causaita cuc ñucatami saquirca. Chai quipaca yacu mana jundaric chictarishca jutcucunatami yacu tandarichun ruhuarca.

JEREMÍAS 17:13

Israelcuna shunguta churana Mandac Dioslla, tucui canta cungariccunaca pingaichishcami canga. Yacu llucshicuc shina, causaita cuc Mandac Diosmanta anchuriccunaca ñuto allpapi quillcashca shinami canga.

JEREMÍAS 10:15

Chaicunaca imapacpish mana vali burlanami. Dios llaquichicui punzhapica tucuringami.

ISAÍAS 41:29

Riquichic, tucui paicunaca yangallami. Paicuna maipi imata ruhuashcapish mana ricurinchu. Imatapish yacuyachishpa ruhuashca dioscunaca huaira shina yangallami.

SAN MATEO 15:6

Chashnami taita mamata mana ayudashpa, Dios mandashcata mana cazushpa, yanga yachachishcallata catinguichic.

OSEAS 2:13

Baal diosman fiestata ruhuashpa, inciensota rupachishpa, alli ricuringapac zarcillocunata, sumac huallcacunata churarishpa, paipac cuyaccunata catishpa, ñucata cungarishcamantami chashna llaquichisha. Chaitaca Mandac Dios ñucami nini.

JEREMÍAS 16:19

Mandac Dioslla, canca ñucapac sinchi torre shinami cangui. Ñucaman fuerzata cushpa, llaqui punzhacunapi ñucata cuidacmi cangui. Tucui cai pachamanta cambacman shamushpaca: «Ñucanchic taitacunaca imapacpish mana valic, llulla yanga dioscunatami charishca.

JEREMÍAS 13:25

Mandac Dios ñucami canta llaquichigrini. Ñucata cungarishpa llullata crishpa, causashcamantami can mana allita ruhuashca shinallatac llaquichigrini.

JEREMÍAS 3:21

Israelcunaca alli ñanmanta anchurishpami, ñucata cungarirca. Chaimantami urcucunapi llaquilla huacashpa mañashca uyaricun. Chaitaca Mandac Dios Ñucami nini.

ROMANOS 14:21

Shuctac criccunata pandachinapac randica, aichatapish mana micuna, vinotapish mana ubiana, ima shuctaccunatapish mana ruhuanami ashtahuan alli.

JEREMÍAS 44:25

Israelcunapac tucuita Mandac Diosca: “Cancunapish, cancunapac huarmicunapish quiquin shimihuan rimashcataca quiquin maquihuanmi pactachicunguichic. Cancunaca: ‘Jahua pacha jatun mandac huarmi diosmanmi inciensota rupachishun, vinotapish cushpa tallishun’ nishcatami pactachicunguichic. Paiman imata cusha nishcataca pactachicunguichictacmi.

JEREMÍAS 19:5

Baal diosman paicunapac churicunata cushpa tucuita rupachingapacmi altarcunata ruhuarca. Chaicunata ruhuachunca mana mandarcanichu, imatapish mana nircanichu. Shinallatac mana yuyarcanillapishchu.

ISAÍAS 62:10

¡Llacta punguta pasaichicyari! ¡Pasaichicyari! ¡Ñuca acllashcacuna pasachun, ñanta pichaichicyari! ¡Ñanmanta rumicunata anchuchishpa, pugrullata ruhuaichicyari! ¡Tucui gentecuna ricuchun banderata shayachichicyari!

ISAÍAS 9:16

Cai gentecunata mandaccunaca pandachiccunami. Cai mandaccunata caticcunaca pandarishpami chingaringa.

ISAÍAS 3:12

Ñuca acllashca llactalla, paitaca huambracunami llaquichicun. Paicunami mandacun. Ñuca acllashca llactalla, cantaca mandaccunami pandata yachachishpa, mana alli pushacun.

JEREMÍAS 2:19

Can quiquin mana allita ruhuashcallatacmi llaquichinga. Ñucata saquishpa juchallishcallatacmi llaquichinga. Mandac Dios ñucamanta anchurinapish, ñucata mana manchanapish mana alli cashcata, llaqui cashcataca alli yuyariyari. Chaita tucuita Mandac Dios ñucami nini.

ISAÍAS 65:7

paicuna mana allita ruhuashcamantapish, cancunapac taitacuna mana allita ruhuashcamantapish llaquichigrini. Paicunaca urcucunapi, lomacunapi inciensota cushnichishpami, ñucataca yallita piñachirca. Chaimantami ñaupa huatacuna imata ruhuashcamantapish paicuna imata ruhuashca shina llaquichisha» ninmi.

JEREMÍAS 7:9

Cancunaca huañuchishpa, shuhuashpa, huainayashpa, yanga ari nishpa, Baal dioscunaman inciensota cushnichishpa, mana ricsishca shuctac dioscunata catishpami causanguichic.

JEREMÍAS 18:14

Líbano urcu jahuamantaca, ¿rasu anchuringachu? ¿Caru llactamanta shamuc yacuca chaquingachu?

JEREMÍAS 51:18

Chai dioscunaca burlashpa asinami. Yalli llaqui punzhacunapica tucuchishcami canga.

EZEQUIEL 21:15

Shungupi yallita mancharichun, huañuicunapish ashtahuan mirachunmi, chai manchana espadataca tucui paicunapac pungucunapi churarcani. ¡Tucuchingapacmi jagan nicun, huañuchingapacmi allichishca tiyacun!

EZEQUIEL 36:15

Shuctac llactapi causaccunapish ña mana ashtahuan camishpa rimangachu, ña mana burlashpa asingachu. Huahuacunapish mana ashtahuan huañungachu. Chaitaca Mandac Dios ñucami nini” ninmi ningui» nirca.

OSEAS 2:6

Chaimantami pai purina ñanpica cashacunata churasha. Shinallatac maita mana llucshipacta ruhuashpami, muyundita jarcasha.

DEUTERONOMIO 32:21

Paicuna manapish dioscunata, yanga dioscunata adorashpami yallita piñachirca. Ñucapish shuctac gentecunahuanmi piñachisha. Mana cazuc gentecunahuanmi paicunataca yallita piñachisha.

NEHEMÍAS 9:17

Mana uyashun nircacunachu, paicunaman can sumaimanacunata ruhuashcatapish mana yuyarircachu. Mana cazushpa sinchi tucushpami, cutin huatashca shina causangapac Egiptoman cutingapac shuc mandacta acllarcacuna. Ashtahuanpish canca yallita cuyac, llaquic, mana utca piñaric, perdonac Dios cashpami, paicunataca mana saquircangui.

JEREMÍAS 1:16

Chaica, mana allita ruhuashcamantami llaquichigrini. Paicunaca ruhuashcalla dioscunata alli nishpami, inciensota cushnichirca.

JEREMÍAS 11:12

Judá llactacunapi causaccunapish, Jerusalenpi causaccunapish paicuna inciensota cushnichishpa adorana dioscunata caparishpa mañangapac ringacunami. Chai dioscunaca paicuna llaqui punzhapi cacpica, mana quishpichi pudingachu.

JEREMÍAS 11:13

Judá llactapi causaccunalla, cancunapac llactapi mashna llactacuna tiyashca shinallatacmi dioscunata charinguichic. Jerusalenpi causaccunalla, chaipi mashna callecuna tiyashca shinallatacmi Baal diosman inciensota cushnichina altarcunata shayachircanguichic.

JEREMÍAS 11:17

Canta tarpuc tucuita Mandac Dios ñucami canta llaquichinata huillani. Israelcunapish, Judá llactapi causaccunapish Baal diosman inciensota cushnichishpa, mana allita ruhuashpa, ñucata piñachishcamantami chashna ruhuagrini» ninmi.