JEREMÍAS 17:25 - Dios Rimashcata Quillcashcami

²⁵ Shina ruhuacpica, cai llacta pungucunataca David mandashpa tiyarinapi tiyaric jatun mandaccunapish, caishuc mandaccunapishmi caballocunapi, carretacunapi yaicunga. Chashnami cai llactapica huiñaita causanga.

JEREMÍAS 17:25 Referans Kwoze

JEREMÍAS 22:4

Ñuca mandashcacunata cazucpica, David mandashpa tiyarinapica jatun mandaccunaca mana illangachu. Mandana huasimanca yaicuna pungutami carretacunapi, caballocunapi yaicunga. Chashnami paicunapish, paicunata serviccunapish, paicunapac gentecunapish yaicunga.

ISAÍAS 9:7

Jatun mandac Davidpac tiyarinapi tiyarishpami, huiñaita cushi causaita cushpa, cashcata ruhuashpa, cunanmanta huiñaicaman mandanga. Pai mandanaca mana tucuringachu. Tucuita Mandac Diosca pai yallita cuyashcamantami chaitaca pactachinga.

HEBREOS 12:22

Ashtahuanpish cancunaca Sión urcuman, causac Diospac jahua pacha Jerusalén puebloman, huaranga angelcuna tandanacushpa, Diosta alli nicucman,

JEREMÍAS 33:21

ñucata servic Davidhuan ari nishcapish yangami canga. Pai mandashpa tiyarinapi mandashpa tiyarichunca huahuata mana cushachu. Shinallatac curacunahuan, levitacunahuan ñucata servichun ari nishcapish yangami canga.

JEREMÍAS 33:17

Chaimanta Mandac Diosca: Davidpac huahuapuramanta israelcunata mandashpa tiyarinapica jaicapi mana illangachu.

JEREMÍAS 33:15

Chai punzhacunapimi, Davidpac huahuapuramanta cashcata ruhuacta llucchisha. Paimi cai llactapica imatapish allita ruhuashpa, cashcata ruhuanga.

2 SAMUEL 7:16

Cambac huasi ucupurapish, can mandanapish jaicapi mana tucuringachu. Shinallatac can mandashpa tiyanaca huiñaitami caticungalla’ ninmi” ningui» nirca.

JEREMÍAS 22:30

Mandac Diosca: «Cai runa ima tucunata quillcaichic. Paica, paipac tucui causaipimi shuc huahuallatapish mana charinga. Paica mana alli causangachu. Paipac huahua huahuacunamantaca pipish David mandashpa tiyarinapica mana tiyaringachu. Judá llactatapish mana mandangachu» ninmi.

JEREMÍAS 13:13

Shina nicpica canca: Mandac Diosca: “Ñucaca cai llactapi causaccunatapish, David tiyarinapi tiyaric jatun mandaccunatapish, curacunatapish, ñucamanta huillaccunatapish, shinallatac tucui Jerusalenpi tucui causaccunatapishmi yallita machachigrini.

2 SAMUEL 8:4

Davidca chashna macanacushpa, huaranga canchis patsac caballopi montashca ric soldadocunata japishpa, cutin chaquillahuan ric soldadocunataca ishcai chunga huarangatami japirca. Carretacunata aisac caballocunataca chaquicunatami paquirca. Ashtahuanpish patsac carretacunata aisac caballocunallatami saquirca.

1 SAMUEL 8:11

Paica: —Caita alli yuyarichic. Cancunata jatun mandacca cancunapac churicunata apashpami macanacuna carretacunapi, caballocunapi tiyachishpa paipac carretapac ñaupata richun churanga. Maijancunataca paicunata cuidac cachunmi churanga.

DEUTERONOMIO 17:16

Chai jatun mandacca mana achca caballota charina yuyaita charinachu can. Caballocunata charingaraicu israelcunata Egipto llactaman mana cachanachu can. Mandac Diosca: “Chai llucshishca ñantaca jaicapi mana cutinachu canguichic” nircami.

ÉXODO 12:14

Chai punzhaca cancunapac yuyarinami canga. Chaimantami tucui cancunapac huahua huahuacunapish yuyarishpa, Mandac Diosman fiestata ruhuanga. Cai mandashcaca huiñaipacmi canga.

JEREMÍAS 22:2

Paitaca: “Davidpac jatun tiyarinapi tiyarishpa, mandacuc jatun mandaclla, canpish, canta serviccunapish, cai punguta yaicuc gentecunapish Mandac Dios rimashcata uyaichic.

JEREMÍAS 25:5

Chai huillaccunaca: “Mana alli causaita, millaita ruhuanata saquishpa, Mandac Diospacman cutirishpa, cancunamanpish, cancunapac ñaupa taitacunamanpish pai cushca llactapi huiñaita causaichic.

JEREMÍAS 7:3

Israelcunapac tucuita Mandac Diosca: Cancunapac causaita allichishpa, allita ruhuaichic. Shina ruhuacpimi, cancunataca cai llactapi causachun saquisha.

JEREMÍAS 7:7

Chashna causacpica, cancunapac ñaupa taitacunaman huiñaicaman cushca llactapi causachunmi saquisha.