JEREMÍAS 17:18 - Dios Rimashcata Quillcashcami

¹⁸ Ñucata pingaichinapac randica, ñucata llaquichiccunata pingaichiyari. Ñucata manchachinapac randica, paicunata manchachiyari. Jatun llaqui punzhacunaca paicunata japichun. Paicunata llaquichishca jahuapish ashtahuan llaquichiyari.

JEREMÍAS 17:18 Referans Kwoze

SALMOS 35:4

Ñucata huañuchisha niccunaca burlashpa pingaichishca cachun. Ñucata llaquichingapac yuyarinacuccunaca pingaichishpa huashaiman callpachishca cachun.

JEREMÍAS 20:11

Ashtahuanpish Mandac Diosca sinchi macanacuc soldado shinami ñucataca cuidan. Chaimantami ñucata llaquichiccunaca mitcaric shina pandarishpa mana mishai pudinga. Imapish mana alli llucshicpimi, yallita pingai tucunga. Paicuna pingai tucushcataca jaicapi mana cungaringacunachu.

JEREMÍAS 11:20

Shina cacpimi ñucaca: «Tucuita Mandac Dioslla, canca cashcata ruhuacmi cangui. Tucui gentecunapac yuyaitapish, shungupi yuyacushcatapish allita ricucmi cangui. Ñucata llaquichinata yuyariccunataca cambac maquipi churarcani. Can paicunata llaquichicucta ricunatami munani» nircani.

SALMOS 40:14

Ñucata ima shinapish huañuchishun nishpa puriccunaca pingaichishca, mana valichishca cachun.

SALMOS 35:8

Paicunata cungaimanta llaqui japishca cachun. Pacalla churashca tucllallapitac paicunallatac urmashpa, jatun llaqui tucuchun. Jatun llaqui tucushpa chingachishca cachun.

APOCALIPSIS 18:6

¡Chai pueblotaca pai llaquichishca shinallatac llaquichichic! ¡Pai shuc cutinhuan llaquichishca cacpica, ishcai cutinhuan llaquichichic! ¡Shinallatac pai imata ruhuashcamantaca, chaupihuan yallita ruhuaichic! ¡Ubianatapish pai ubiachishcamanta, ishcai cutinhuan yallita chapushpa ubiachichic!

JEREMÍAS 17:16

Ashtahuanpish ñucaca paicunata can llaquichichunca mana munarcanichu. Paicunaman jatun llaqui punzha chayachunpish mana munarcanichu. Chaitaca canllatac yachanguimi. Ñuca imata rimashpapish, cambac ñaupallapitacmi rimarcani.

JEREMÍAS 16:18

Paicuna mana allita ruhuashcamantaca ashtahuan yallitami llaquichisha. Paicunapac huañushca dioscunahuanmi ñuca allpataca mapayachirca. Ñuca cushca llactapimi chai millanacunata jundachirca» ninmi.

SALMOS 71:1

Mandac Dioslla, canllapimi miticushpa causani. Amatac pingaichishpa saquinguichu.

SALMOS 70:2

Ñucata huañuchishun niccunaca pingaichishpa muspachishca cachun. Ñucata llaquichishun niccunaca pingaihuan cutishca cachun.

JOB 16:14

Ñucataca catipi catipimi llaquichirca. Sinchita macanacuc runa catic shinami llaquichirca.

JEREMÍAS 14:17

Canca gentecunataca: “Carihuan manarac chayarishca soltera shina, ñuca llactapi causaccunataca yallita llaqui japishcamanta, paicunapac nanai yalli sinchi cashcamantami ñuca ñahuimantaca tutapish, punzhapish huiquica shutucungalla.

JEREMÍAS 1:17

Canca alli chumbillirishpa, sinchita shayarishpa, ñuca imata mandashcata paicunaman huillangui. Paicunapac ñaupapi shayarinataca ama manchanguichu. Pacta canllatac paicuna manchachichun saquinguiman.

JEREMÍAS 12:3

Mandac Dioslla, ashtahuanpish ñucataca ricsinguimi. Cambac ñaupapi ñuca shungu alli cactapish, canllatac yachanguimi. ¡Paicunataca ovejacunata huañuchingapac apac shina, huañuchina punzhapac chicanyachiyari!

JEREMÍAS 17:13

Israelcuna shunguta churana Mandac Dioslla, tucui canta cungariccunaca pingaichishcami canga. Yacu llucshicuc shina, causaita cuc Mandac Diosmanta anchuriccunaca ñuto allpapi quillcashca shinami canga.

JEREMÍAS 17:19

Mandac Diosca: «Chai llactapi causac gentecuna yaicuna punguman rishpa shayariyari. Chaitaca Judá llactata jatun mandaccunami yaicuncuna, llucshincuna. Jerusalenpi tiyac tucui pungucunapipish shayariyari.

DEUTERONOMIO 33:11

¡Mandac Dioslla, paicuna imata ruhuashcataca bendiciaiyari! ¡Paicunapac maquihuan trabajashcataca cushicushpa chasquiyari! Ama cutin jatarichun piñaccunatapish, millanayachiccunatapish lomota paquiyari» nirca.