JEREMÍAS 17:14 - Dios Rimashcata Quillcashcami

¹⁴ Mandac Dioslla, ñuca alli nina Diosmi cangui. Ñucata jambiyari. Can jambicpica, alli tucushatacmi. Quishpichiyari. Can quishpichicpica, quishpirishatacmi.

JEREMÍAS 17:14 Referans Kwoze

SALMOS 6:2

Mandac Dioslla, fuerza illacmi cani. Chaimanta ñucata llaquiyari. Mandac Dioslla, ñuca tullucunapish nanaihuanmi chucchucun, chaimanta ñucata allichiyari.

DEUTERONOMIO 32:39

Ñucaca shuclla Diosmi cani. Shuctac Diosca mana tiyanchu. Ñucaca huiñaita causac Diosmi cani. Chugrichicpish, allichicpishmi cani. Ñuca maquimantaca pi mana quichungachu.

SALMOS 106:47

¡Ñucanchicta Mandac Dioslla, ñucanchicta quishpichiyari! Can jucha illac Diosta jatunyachingapac tucui llactacunamanta tandachiyari. Cushicuihuanmi cantaca jatunyachishun ninchic.

SAN LUCAS 4:18

“Ñucaca Diospac Espirituhuanmi cani. Diosca huacchacunaman alli huillaita huillachunmi ñucataca acllashca. Shungupi llaquilla causaccunata alliyachichunmi cacharca. Prezucunata cacharinata huillachun, ñahui mana ricuccunata ricucta ruhuachun, llaquichishca causacuccunata llaquimanta cacharichichunmi cacharca.

DEUTERONOMIO 10:21

Cancuna alli nina Diosmi. Paica cancunamantami jatun mancharinacunata ruhuarca. Chaitaca cancunapac ñahuihuanmi ricurcanguichic. Paica cancunapac Diosmi.

SALMOS 109:1

Ñuca alli nina Dioslla, ama upalla saquirichu.

SALMOS 6:4

Mandac Dioslla, ñuca almata quishpichingapac cutimuiyari. Can cuyac cashcamanta ñucata quishpichiyari.

JEREMÍAS 15:20

Cantaca gentecunapac ñaupapi jatun bronce pirca shina cachunmi churasha. Canhuan macanacungapac shamushpapish mana mishai pudingachu. Mandac Dios ñucami, canta cuidashpa quishpichingapac canhuan casha.

SAN MATEO 14:30

Shina ricushpapish, yalli huairata ricushpami, mancharishpa yacupi ucuyagrirca. Chaimantami: —¡Apunchic Jesús, quishpichiyari!— nishpa caparirca.

JEREMÍAS 31:18

Efraín llactataca: “Canmi ñucata macashpa llaquichircangui. Piña huagrata shinami llaquichichun cacharcangui. Cambacman ñucaca cutisha ninimi. Canmi ñuca Mandac Dios cangui.

ISAÍAS 6:10

Chai quipaca gentecunapac shunguta sinchiyachingui. Ñahuihuanpish ama ricuchun, ringrihuanpish ama uyachun, paicunapac ringritapish, ñahuitapish huichcangui. Shungupipish yuyaita ama japichun, ñucapacmanpish ama cuti richun, ñuca paicunata ama alliyachichunmi chashnaca ruhuana cangui— nirca.

SAN MATEO 8:25

Chaimantami paipac yachacuccuna Jesusta ricchachingapac rishpaca: —Apunchic Jesús, ¡ña ucuyagrinchicca! ¡Ñucanchicta quishpichiyari!— nirca.

SALMOS 148:14

Paimi, pai acllashcacunapac mandanatapish sinchiyachin. Diosta tucui caticcuna paita alabachun. Israelcunapish, paicunapac cuchullapi causaccunapish paita alabaichicyari. ¡Mandac Diostaca alabaichicyari!

SALMOS 60:5

Ñuca mañashcata uyashpa cambac cuyashcacunataca cambac alli maquihuan quishpichiyari. Ñuca mañacucta uyaiyari.

SALMOS 12:4

Chaicunaca: «Ñucanchictaca pi mana upallachingachu. Ñucanchic rimaihuanca mishashunllami. ¿Pitac ñucanchictaca mandanga?» nincunami.

NÚMEROS 12:13

Shina nicpimi Moisesca: «¡Mandac Dioslla, Mariataca cunanllatac allichiyari!» nishpa caparishpa mañarca.

SALMOS 54:1

Sumac Dioslla, cambac shutimanta ñucata quishpichiyari. Cambac poderhuan ñucata misaiyari.

JEREMÍAS 3:23

Lomacunapi, urcucunapi caparishpa mañanaca yangallami. Ashtahuanpish ñucanchictaca Mandac Diosllami quishpichi pudin.

JEREMÍAS 30:17

Canta: “Sionca shitashcami siricun. Pipish mana yuyarinchu” nicucpipish, ñucallatac jambita cachashpami, cambac chugritaca alliyachisha. Chaitaca Mandac Dios ñucami nini» ninmi.

JEREMÍAS 33:6

Shina cashpapish ñucami cai llactapi causaccunaman jambita apamushpa alliyachisha. Chashna jambishpa sinchiyashpami, tucui llaquimanta cuidashpa, cushi causaita cusha.

SALMOS 6:3

Ñuca almapish yallita manchaihuanmi chucchucun. Mandac Dioslla, ¿ima horastac shamugringuiyari?

SALMOS 119:94

Cambacmi cani, can mandashcacunatami mashcarcani. Chaimanta quishpichiyari.