JEREMÍAS 16:18 - Dios Rimashcata Quillcashcami

¹⁸ Paicuna mana allita ruhuashcamantaca ashtahuan yallitami llaquichisha. Paicunapac huañushca dioscunahuanmi ñuca allpataca mapayachirca. Ñuca cushca llactapimi chai millanacunata jundachirca» ninmi.

JEREMÍAS 16:18 Referans Kwoze

ISAÍAS 40:2

Jerusalenpi causaccunaman sumacta huillashpaca: “Cancunapac juchacunata perdonana huatacunaca ñami pactamushca. Cancunapac juchacunamantaca ñami chaupi yalli llaquihuan Mandac Diosca llaquichishca” nichic» ninmi.

APOCALIPSIS 18:6

¡Chai pueblotaca pai llaquichishca shinallatac llaquichichic! ¡Pai shuc cutinhuan llaquichishca cacpica, ishcai cutinhuan llaquichichic! ¡Shinallatac pai imata ruhuashcamantaca, chaupihuan yallita ruhuaichic! ¡Ubianatapish pai ubiachishcamanta, ishcai cutinhuan yallita chapushpa ubiachichic!

EZEQUIEL 11:21

Ashtahuanpish ruhuashcalla dioscunata adorana yuyaihuan, millaita ruhuana munaihuan puriccunataca, taripashpami llaquichisha nini” ninmi ningui» nirca.

JEREMÍAS 17:18

Ñucata pingaichinapac randica, ñucata llaquichiccunata pingaichiyari. Ñucata manchachinapac randica, paicunata manchachiyari. Jatun llaqui punzhacunaca paicunata japichun. Paicunata llaquichishca jahuapish ashtahuan llaquichiyari.

JEREMÍAS 2:7

Ñucami allita micushpa causachun alli grano pucuc allpaman pushamurcani. Ashtahuanpish cancuna chaiman yaicushpaca ñuca llactata mapayachircanguichicmi. Millanatami ruhuarcanguichic.

EZEQUIEL 11:18

Cai Israel llactaman cutishpami ruhuashcalla dioscunatapish, millaita ruhuanatapish saquinga.

JEREMÍAS 3:9

Chashna juchallishca paicunapac yuyaipi ashalla cacpimi, rumi, caspi dioscunata adorashpa, tucui llactata mapayachirca.

ISAÍAS 61:7

Yallita pingaichishca, mana alli nishca canapac randica, ishcai cutin yalli herenciatami japinguichic. Pingaichishca canapac randica, chai herenciamantami yallita cushicunguichic. Cancunapac llactapica chai herenciatapish japishpami, huiñaita cushilla canguichic.

MIQUEAS 2:10

¡Caipica, mana samarina tiyanchu. Chaimanta jatarishpa richiclla! Cai pushtuca yallita mapayashca cashcamantami, tucui tucuchishca canga.

ISAÍAS 24:5

Cai pachapi causaccunaca Dios mandashcacunata mana cazushpami, pandata ruhuashpa, huiñaita Dios-huan ari ninacushcatapish mana pactachirca. Chai juchacunamantami cai pachaca mapayarca.

SALMOS 106:38

Mana faltayuc runapac, paicunapac churicunapac, ushicunapac yahuarta jichashpami Canaán llacta yanga dioscunaman huañuchishpa curca. Chai yahuarhuanmi llactaca mapayarca.

LEVÍTICO 26:30

Loma jahuapi tiyac altarcunatapish, ruhuashcalla dioscunatapish ñutuchishpa tucuchishami. Cancunataca huañuchishpami cancunapac huañushca dioscunapac jahuapi shitasha. Cancunataca millashami.

ISAÍAS 65:6

Paicuna ruhuashcaca ñuca ñaupapimi quillcashca tiyacun. Mana upalla saquishachu. Ashtahuanpish paicuna imata ruhuashca shinami,

JEREMÍAS 7:30

Mandac Diosca: «Judá llactapi causaccunaca ñucapac ñaupapimi mana allita ruhuancuna. Ñuca shutita mañana huasipi millana dioscunata churashpami mapayachirca.

JEREMÍAS 44:4

Ñuca, ñuca ima nishcata huillac serviccunata cutin cutin huillachun cachashpaca: “¡Cai millana juchacunataca ama ruhuaichicchu, chaitaca mana ricunayanchu!” nishpami huillachircani.

EZEQUIEL 5:11

Mandac Dios ñuca shutipimi nini: Cancuna yalli millaita ruhuashcamanta, ruhuashcalla dioscunata adorashpa ñucapaclla huasita yangapi churashcamantaca ñucapish llaquichishami. Manatac llaquishachu, manatac cuyashachu.

OSEAS 9:7

¡Llaquichina punzhacunami chayamun! ¡Paicuna japina punzhacunami pactamun! ¡Chaitaca israelcunami yachanga! Chaica, cancunallatac yalli juchata ruhuashcamanta, yalli millai yuyaihuan cashcamantami Dios ima nishcata huillactaca: “Yuyai illacmi” ninguichic. Cutin Diospac Espirituta charic runataca: “Locomi” ninguichic.

ISAÍAS 65:7

paicuna mana allita ruhuashcamantapish, cancunapac taitacuna mana allita ruhuashcamantapish llaquichigrini. Paicunaca urcucunapi, lomacunapi inciensota cushnichishpami, ñucataca yallita piñachirca. Chaimantami ñaupa huatacuna imata ruhuashcamantapish paicuna imata ruhuashca shina llaquichisha» ninmi.

EZEQUIEL 36:18

Huañuchishcamanta, ruhuashcalla dioscunata adorashpa mapayashcamantami ñucaca yallita piñarishpa llaquichircani.