JEREMÍAS 16:16 - Dios Rimashcata Quillcashcami

¹⁶ Cunanca tauca challuata japiccunatami israelcunata japimuchun cachagrini. Chai quipaca achca runacunatami tucui urcucunamanta, lomacunamanta quingraicunamanta sacha animalcunata japic shina, israelcunata japichun cachagrini.

JEREMÍAS 16:16 Referans Kwoze

AMÓS 4:2

Mandac Dios, paipac jucha illac shutipi ari nishpaca: «Cancunata llaquichina punzhacunami chayamun. Chai punzhacunapica cancunataca ganchohuanmi aisashpa ringa. Cancunapac huahua huahuacunataca challuata japina anzuelohuanmi japinga.

MIQUEAS 7:2

Cai pachapica llaquicpish, cashcata ruhuacpish mana tiyanchu. Tucui runacunami huañuchinata munan. Tucui runacunami shuctac runacunata huañuchingapac tucllata churan.

1 SAMUEL 26:20

Cunanca, Mandac Diospac ñaupamanta caru llactapi ñuca yahuarta jichachun ama saquinguichuyari. Ashtahuanpish israelcunata jatun mandacca sachapi yututa catic shina, piquita catic shinami japingapac llucshishca— nirca.

GÉNESIS 10:9

Nimrodca Dios ayudacpi, sacha animalcunata japinata alli yachacmi carca. Chaimantami paitaca: «Nimrod shina sacha animalcunata japinata alli yachacmari» nincuna.

JEREMÍAS 25:9

cai llactatapish, caipi tucui causaccunatapish, cai muyundi llactacunatapish llaquichichunmi jahua llactapi causaccunata, Babilonia llactata jatun mandac ñucata servic Nabucodonosorta cachasha. Chashna cachashpami tucuita tucuchisha. Paicunataca huiñaita tucuipac mancharina, burlanatami ruhuasha.

AMÓS 5:19

Chai punzhapica leonta manchashpa callpacushpaca, osohuanmi tupanga. Huasiman yaicushpa, pircapi tuparishpaca, culebrapimi taunallinga.

1 SAMUEL 24:11

¡Riqui, ñuca taitalla! Cambac jahualla churanata ashata pitishcataca ñuca maquipimi charicuni. Shina pitishpapish cantaca mana huañuchircanichu. Cunanca ñuca mana millai cashcatapish, canta huañuchingapac mana mashcacushtapish canllatac ña yachanguimi. Ñucaca ima juchata mana ruhuashcanichu, ashtahuanpish canmari ñucata huañuchisha nishpa mashcashpa puricungui.

ISAÍAS 2:21

Chashna shitashpami manchana Mandac Dios achicyachicpi, rumi quingraicunapi, jatun rumi ucucunapi satiringa. Cai pachapi causaccunata Dios llaquichishpa chucchuchicpimi, chashnaca tucunga.

ISAÍAS 7:19

Chashna shamushpami tucui pugru pambacunapipish, shitashca pambacunapipish, jatun rumi ucucunapipish, casha yuracunapipish, tucui yuracunapipish jundanga.

JEREMÍAS 4:29

Caballopi montac soldadocunapish, flechata cacharic soldadocunapish yallita tulun nishpa shamucucta uyashpami llactapi causaccunaca jatun sachacunapi, rumi quingraicunapi miticunga. Tucui llactacunata shitashpa rishcamantami shucllapish mana tiyanga.

JEREMÍAS 6:9

Tucuita Mandac Diosca: «Saquirishca israelcunataca uvasta pallashca quipa, ramacunata tigrashpa cutin mashcashpa pallac shinami mashcanga» ninmi.

JEREMÍAS 49:5

Riquichic, ñucami cancunapac muyundi llactacunamanta yalli manchaita apamugrini. Shina ruhuacpica, tucui cancunami caita chaita callpanguichic. Shina miticushpa riccunataca pi mana ayudashpa cutin tandachingachu.

LAMENTACIONES 4:18

Ñucanchic quiquin calleta ama purichunmi caillapi, chaillapi chapacun. Ñucanchic huañuna punzhaca chayamushcami. Ñucanchic tucurina horasca pactashcami.

OSEAS 10:10

Paicunataca ñuca nishca punzhami llaquichisha. Paicuna yallita millaita ruhuashcamantaca shuctac llacta gentecunami tandanacushpa llaquichingapac shamunga.

SOFONÍAS 1:12

Jerusalenpi causaccuna imata ruhuashcataca luzta japichishpami alli ricusha. Mana cuyuric sanguyashca vino shina, cushilla causac runacunataca llaquichishami. Paicunapac shungupica: “Mandac Diosca ima allitapish, mana allitapish mana ruhuangachu” nincunami.

LAMENTACIONES 4:19

Ñucanchicta caticcunaca volac angatapish yalli callpaccunami carca. Urcucunata catishpa rishpami shitashca pambapi chaparca.