JEREMÍAS 16:10 - Dios Rimashcata Quillcashcami

¹⁰ Cai gentecunaman cai tucuita huillacpica paicunaca: “¿Ima nishpatac Mandac Diosca ñucanchictaca yallita llaquichisha nishpa huillachicunyari? Ñucanchicca, ¿ima mana allitatac ruhuashcanchicyari? Mana cashpaca, ¿ima juchata ruhuashpatac ñucanchic Mandac Diostaca piñachishcanchicyari?” ningami.

JEREMÍAS 16:10 Referans Kwoze

JEREMÍAS 5:19

Chai punzhapi maijan: “Mandac Diosca, ¿imamantatac ñucanchictaca chashna llaquichin?” nicpica: “Cancunallatac Mandac Diosta saquishpa, cancunapac llactapi shuctac dioscunata servinguichic. Chashnallatacmi cancunaca mana ricsishca runacunata servishpa, mana ricsishca llactapi causagringuichic” ninguichic» nirca.

JEREMÍAS 13:22

Cambac shungupica: “¿Imamantatac cai llaquicunaca japinyari?” ninguipishchari. Chaica, can yallita juchallishcamantami japirishpa, churanata llatanashpa, lluchu changata saquic shina ruhuarca.

OSEAS 12:8

Chaimantami Efraín ailluca: «Ñucanchicca yallita japishpami yallita chayucyashcanchic. Pipish ñucanchictaca mana juchanchingachu. Ñucanchicca ima mana allita mana ruhuashcanchicchu» ninmi.

JEREMÍAS 2:35

canca: “Ñucaca ima mana allitapish mana ruhuacchu cani. Diosca ñucahuanca mana piñarishcachu” ninguimi. Shina can: “Ima juchata mana ruhuashpami causarcani” nicucpipish, ñucami can imata ruhuashcataca ricuchigrini.

JEREMÍAS 11:17

Canta tarpuc tucuita Mandac Dios ñucami canta llaquichinata huillani. Israelcunapish, Judá llactapi causaccunapish Baal diosman inciensota cushnichishpa, mana allita ruhuashpa, ñucata piñachishcamantami chashna ruhuagrini» ninmi.

JEREMÍAS 2:23

¿Ima nishpatac canca: “Mana mapayashcachu cani, Baal dioscunatapish mana catishcanichu” ningui? Pambacunapi can imata ruhuashcatapish ricuiyari. Alli yuyariyari. Ñanman llucshishpa, maitapish callpac huarmi shinami cangui.

JEREMÍAS 9:11

Mandac Diosca: «Jerusalentaca rumi montón shinata ruhuashpami, chacal animalcuna causanata ruhuasha. Judá llacta llactacunataca llaquinayaita tucuchishami. Shuc runallapish chaipica mana saquiringachu» nirca.

JEREMÍAS 44:3

Paicunapish, cancunapish, cancunapac taitacunapish mana ricsishca, ruhuashcalla dioscunaman inciensota rupachishpa, ñucata piñachishpa, mana allita ruhuashcamantami yallita llaquichircani.