JEREMÍAS 13:23 - Dios Rimashcata Quillcashcami

²³ ¿Etiopiamanta runaca yurac tucui pudinchu? ¿Muru leonpish shuctac color tucui pudinchu? Chashnallatacmi cancunapish mana allita ruhuac cashpaca, allitaca mana ruhuai pudinguichic.

JEREMÍAS 13:23 Referans Kwoze

JEREMÍAS 2:22

Lejiahuan, tucuilaya jabonhuan armaricpipish, cambac juchacunaca manatac anchuringachu. Ñuca ñahuipica ricuricungallami.

JEREMÍAS 9:5

Paicunaca caishuc chaishuc llullanacushpami umancuna. Mana cashcata nincunachu. Paicunapac calluca llullata rimanapimi yacharishca. Mana allita ruhuanataca mana shaicushpami ruhuacunlla.

JEREMÍAS 17:9

Runapac shunguca tucuita atishpa llullashpa umacmi. ¿Chaitaca pitac entendinga?

JEREMÍAS 5:3

Mandac Dioslla, canca mana llullac cachunmi munangui. Paicunaca can macacpipish, llaquichishpa tucuchicpipish, mana entendircachu. Rumitapish yalli sinchi shungu tucushpami, cambacman cutinataca manatac munarca.

JEREMÍAS 2:30

Ñuca llaquichicpipish, cancunapac huahuacunaca manatac entendishcacunachu. Yangami llaquichishcani. Ñuca ima nishcata huillaccunataca espadahuanmi millai león shina tucuchishcanguichic.

ISAÍAS 1:5

¿Ima nishpatac ashtahuan llaquichishca canata munanguichic? Umapish tucui chugrishca, shungupish tucui nanaihuanmi canguichic.

PROVERBIOS 27:22

Yuyai illac runaca cutana rumipi trigota cutac shina, cutin cutin tigrachishpa tacacpipish manatac entendingachu.

JEREMÍAS 4:22

Ñuca acllashcacunaca ñucata mana ricsic yuyai illaccunami. Ñuca huahuacunaca imatapish mana yachac, imatapish mana entendiccunami. Millaita ruhuanataca allita yachancunami. Ashtahuanpish allita ruhuanataca mana yachancunachu.

1 SAMUEL 19:21

Chaita yachashpami Saulca shuccunata cutin cacharca. Paicunapish Diosmanta huillai callarircacunami. Chashna tucucpimi, cutinllatac Saulca shuctac runacunata cacharca. Caihuanca ña quimsa cutinmi cacharca. Paicunapish chashnallatacmi Diosmanta huillai callarirca.

2 REYES 17:40

Shina nicpipish, paicunaca mana uyashpami utcapi imata ruhuashpa causashca shinallatac causarcacuna.

ECLESIASTÉS 1:15

Huishtuyashcataca mana derechai pudipacmi. Imapish illashcataca mana pactachi pudipacchu.