JEREMÍAS 12:13 - Dios Rimashcata Quillcashcami

¹³ Trigota jichashpaca, cashatami cosecharca. Paicuna allpapi shaicushpa trabajashcaca yangami carca. Ñuca nina japiric shina, yallita piñarishcamantami paicuna cosechacushpaca pingai tucunga» nirca.

JEREMÍAS 12:13 Referans Kwoze

HAGEO 1:6

Cancunaca achcata tarpushpapish, ashallatami japinguichic. Micushpapish mana sacsanguichicchu. Yacuta ubiashpapish, yacunayaita mana pasachinguichicchu. Churarishpapish, mana cunuringuichicchu. Cullquimanta trabajac runaca lliqui mochilapimi cullquita huacaichin.

MIQUEAS 6:15

Tarpushpapish mana cosechanguichu. Olivos granota cutashpapish, chai aceitehuanca mana cahuiringuichu. Uvasta capishpapish vinotaca mana ubianguichu.

DEUTERONOMIO 28:38

Cancunaca achca muyuta tarpushpapish langostacuna micucpimi, ashallata cosechanguichic.

ISAÍAS 55:2

¿Imapactac cullquitaca manapish micunapi tucuchinguichic? ¿Imapactac manapish huicsa pactata micungapac trabajanguichic? Ñuca rimashcata alli uyaichic. Allillata micuichic. Chashna micushpami, cushilla shungu canguichic.

LEVÍTICO 26:16

ñucapish cancunataca jatun manchaita, rupachic ungüita, cuerpota irquiyachic ungüita cachashpami cancunata llaquichisha. Cancunaca yangami allpapi tarpunguichic. Chai pucushca granotaca cancunata piñaccunami micunga.

HABACUC 2:13

¿Manachu tucuita Mandac Diosca gentecuna imata ruhuashcataca ninapi rupachic shina tucuchinga? Llactacunapi causaccuna imata ruhuashpaca yangami shaicunga.

JEREMÍAS 4:26

Alli pucuc allpacunata ricucpica, shitashcami saquirishca carca. Mandac Diosca yallita piñarishpami, tucui llactacunatapish, paipac ñaupapi tucuchishca carca» nircani.

ROMANOS 6:21

Chai ruhuashcacunamantaca cunan pingaihuanmi canguichic. Shinaca, ¿ima allitatac japircanguichic? Chaicunaca huañuimanmi apan.

LEVÍTICO 26:20

Cancunaca yangami imatapish ruhuanguichic. Allpapica imapish mana pucungachu, yuracunapish mana pucungachu.

JEREMÍAS 9:5

Paicunaca caishuc chaishuc llullanacushpami umancuna. Mana cashcata nincunachu. Paicunapac calluca llullata rimanapimi yacharishca. Mana allita ruhuanataca mana shaicushpami ruhuacunlla.

JEREMÍAS 17:10

¡Mandac Dios ñucami tucui shunguta ricushpa, imata yuyacushcatapish yachani! ¡Paicuna ima shina causashca shinallatac, imata ruhuashca shinallatac cungapacmi chashnaca yachani!» ninmi.

SALMOS 78:62

Pai acllashcacunahuanca yallita piñarishpami espadahuan huañuchichun saquirca.

OSEAS 8:7

Paicunaca huairata tarpushpaca acapana huairatami cosechanga. Ima cosechanapish mana tiyangachu. Trigopish cutachingapac mana tiyangachu. Trigo pucucpipish, caru llacta runacunami micunga.

HAGEO 1:9

Cancunaca achcata cosechanata munashpapish, ashallatami japinguichic. Cancunapac huasicunapi huacaichishcataca pucushpami tucui chingachisha. ¿Imamantatac chashna ruhuasha? Chaica, ñuca huasi llaquinayaita siricucpipish, cancunapac huasicunatarac sumacta allichishcamantami chashna ruhuasha.