JEREMÍAS 12:12 - Dios Rimashcata Quillcashcami

¹² Shitashca pambapi tiyac tucui lomacunamantami tucuchic runacunaca shamurca. Chaica, Mandac Dios ñucami tucui cai pacha tucurimanta callarishpa, ñuca espadahuan tucuita tucuchigrini. Pipish mana cushi causangachu.

JEREMÍAS 12:12 Referans Kwoze

AMÓS 9:4

Paicunata piñaccuna prezushpa charicucpipish, espadahuan huañuchichunmi cachasha. Ñucaca paicunaman allita ruhuangapac ricunapac randica, llaquichingapacmi ricusha» nirca.

JEREMÍAS 47:6

Mandac Diospac espadalla, ¿ima horastac samarigringui? Espadalla, huacaichinapi yaicushpa samariyari.

EZEQUIEL 14:17

Jatun macanacuita cai llactapi callarichishpaca gentecunatapish, animalcunatapish tucuchimanmi.

ISAÍAS 34:6

Mandac Diosca Bosra llactapica animalcunata rupachingapac huañuchic shinami huañuchinga. Edom llactapipish achcatami huañuchinga. Espadaca maltón ovejacunapac, cari chivocunapac yahuarhuan, Maltón ovejacunapac riñón huirahuanmi yallita cahuiringa.

APOCALIPSIS 6:4

Chaimantaca shuc puca caballomi llucshirca. Chai caballopi tiyacucmanca cai pachapi sumac causaita anchuchishpa, caishuc chaishucta macanacuchishpa huañuipi churana poderta cushpami shuc jatun espadatapish curca.

SOFONÍAS 2:12

Etiopía llactapi causac cancunapish Mandac Diospac jatun macanacuipimi huañunguichic.

EZEQUIEL 5:2

Macangapac muyunacuna punzhacunapi, quimsapi chaupishca asha acchataca pueblo chaupiman apashpa, ninapi rupachingui. Asha parte acchataca pueblo muyundipi espadahuan pitinacungui. Caishuc asha parte acchataca huairapi chaspingui. Chaipimi paicunata espadahuan catishpa llaquichisha.

JEREMÍAS 48:2

Alli nishca Moab llactaca yangallami saquirishca. Hesbón llactapi tandarishpaca: “Chai llactata chingachingapac shamuichic” nishpami yuyarinacushca. Madmena llactalla, cantapish espadahuan llaquichishpami chunllata ruhuanga.

JEREMÍAS 34:17

Chaimantami Mandac Dios ñucaca: Cancunata servic huauquicunatapish, ayudaccunatapish mana cazurcanguichicchu. Riquichic, jatun macanacuita, jatun ungüita, yarcaitami llaquichichun cacharigrini. Chashna llaquichishpami cancunataca tucui cai pachapi tiyac llactacuna pingaichichun saquigrini.

JEREMÍAS 15:2

Paicuna: “¿Maimantac rishunyari?” nicpica, Mandac Diosca: “Huañungapac caccunaca huañuchun. Jatun macanacuipi huañungapac caccunaca jatun macanacuipi huañuchun. Yarcaihuan huañungapac caccunaca yarcaihuan huañuchun. Prezurina caccunaca prezurichun” ninmi ningui.

JEREMÍAS 3:2

Urcucunata huichai ricuiyari. ¿Mai pambapitac mana chayarinacurcangui? Cambac cuyashcacunahuan tupangapacmi shitashca pambapi árabe runa chapacuc shina, ñancunapi tiyacurcangui. Chashna chayarinacushpa, yalli mana allita ruhuashpami, tucui llactata mapayachircangui.

ISAÍAS 57:21

Ñucata Mandac Diosca: «¡Ñucata mana manchaccunamanca cushi causaica mana tiyangachu!» ninmi.

LEVÍTICO 26:33

Cancunataca espadahuan llaquichishpami caita chaita catishpa cachasha. Cancunapac causana llactaca shitashcami saquiringa. Cancunapac causana pueblocunapish llaquinayaitami tucuchishca saquiringa.

DEUTERONOMIO 32:42

Ñuca espadaca yahuarsapa tucungami. Huañushcacunapac, prezucunapac, jatun acchata charic ñucata piñaccunapac yahuarhuanmi cahuiringa.

JEREMÍAS 3:21

Israelcunaca alli ñanmanta anchurishpami, ñucata cungarirca. Chaimantami urcucunapi llaquilla huacashpa mañashca uyaricun. Chaitaca Mandac Dios Ñucami nini.

JEREMÍAS 4:27

Mandac Diosca: «Tucui llactata tucuchishpapish, mana tucuita tucuchishachu.

JEREMÍAS 16:5

Mandac Diosca: «Cai gentecunataca mana llaquinichu, mana cuyanichu. Paicunamantaca cushi causaita anchuchircanimi. Canca chai gentecuna huañushca ucumanpish, duelo churarishcapac huasimanpish ama yaicunguichu. Chaipi huacangapacpish, llaquinacungapacpish ama yaicunguichu.

JEREMÍAS 25:11

Tucui cai llactami manchaipac shitashca pamba canga. Cai llactapi causaccunaca canchis chunga huatatami Babilonia llactata jatun mandacta servinga.

JEREMÍAS 30:5

rimashpaca: «Paicuna yallita mancharishpa sinchita caparishcatami uyani. Cushi causaica mana tiyanchu. Yalli manchaillami tiyan.

JEREMÍAS 46:10

Chai punzhaca tucuita Mandac Diospac punzhami canga. Paita piñaccunataca llaquichina punzhami canga. Espadaca tucuita huañuchishpami, yahuarsapa tucushpa, machashca shina canga. Tucuita Mandac Diosca jahua lado llacta Eufrates yacu patapimi yallita huañuchinga.

LAMENTACIONES 3:17

Ñuca shunguca cushi causaita mana charinchu. Cushi causaitaca ñami cungarircani.

EZEQUIEL 21:4

Cashcata ruhuaccunatapish, ñucata mana manchaccunatapish anchuchingapacmi ñuca espadataca llucchircani. Neguev llactamanta jahua lado llactacamanmi tucuchigrini.

EZEQUIEL 21:28

Huañunalla runa, canca: “Mandac Dios amonitacuna mana allita rimashcamanta rimashpaca: Cancunata huañuchingapacmi espadaca huacaichinamanta llucchishca tiyacun. Tucui tucuchishpa jagan nicungapacmi alli mulashca tiyacun.

JEREMÍAS 8:15

Alli causaita shuyacucpica, alli causai punzhaca mana shamunchu. Jambirinata munacucpica, yalli manchaimi japin.

EZEQUIEL 21:8

Mandac Dios ñucata rimashpaca:

EZEQUIEL 21:9

«Huañunalla runa, llaquichinata huillashpa: “Mandac Diosca: ¡Espadaca alli mulashcami, espadaca jagan nicunmi!