JEREMÍAS 12:10 - Dios Rimashcata Quillcashcami

¹⁰ Achca michiccunami ñuca uvas chagrata tucuchishpa, ñuca allpatapish sarunacurca. Ñucapac sumac allpacunataca tucuchishpami, shitashca pambata shina saquirca.

JEREMÍAS 12:10 Referans Kwoze

JEREMÍAS 23:1

Mandac Diosca: «¡Aij, ñuca ovejacunata caita chaita cachashpa chingachic michiccunalla!» ninmi.

ISAÍAS 63:18

Asha huatacunallatami cambac acllashcacunaca cambaclla huasipica causarcanchic. Ashtahuanpish cunanca ñucanchicta piñaccunami cambaclla huasipica sarucun.

JEREMÍAS 6:3

Paita llaquichingapacca michiccunami ovejacunahuan shamun. Llacta muyundipi carpa huasicunata shayachishpami, michina pambata japishpa michinga» nirca. Piñaccunaca:

JEREMÍAS 3:19

Ñucaca: Tucui cai pachapi tiyac llactacunamanta ashtahuan sumac, tucuipac munana llactata cungapac, ¿ima shinatac cancunataca ñuca huahuacunata ruhuashayari? Ñucataca ñuca taitalla ningacunami, mana cungaringacunachu yuyarcanimi.

APOCALIPSIS 11:2

Ashtahuanpish Mandac Diosta mañana huasi canzha pambataca ama medinguichu. Chaica Diosta mana ricsiccunaman cushcami. Paicunami chuscu chunga ishcai quillata Diospaclla cac pueblotaca llaquichinga.

SAN LUCAS 21:14

Ama paicunapac ñaupapica: “¿Imatashi nishun?” nishpa, chai yuyailla canguichicchu.

JEREMÍAS 39:3

Babilonia llactata jatun mandac churashca mandaccunaca Jerusalenman yaicurca. Chashna yaicushpami, chaupi pungu ladocunapi carpacunata shayachishpa tiyarirca. Chai mandaccunaca: Nergal-sarezer, Samgar-nebo, Rabsaris nishca Sarsequim, Rabmag nishca Nergal-sarezer, shinallatac Babilonia llactata jatun mandac churashca tucui mandaccunami carca.

JEREMÍAS 25:9

cai llactatapish, caipi tucui causaccunatapish, cai muyundi llactacunatapish llaquichichunmi jahua llactapi causaccunata, Babilonia llactata jatun mandac ñucata servic Nabucodonosorta cachasha. Chashna cachashpami tucuita tucuchisha. Paicunataca huiñaita tucuipac mancharina, burlanatami ruhuasha.

ISAÍAS 43:28

Chaimantami ñucapaclla huasipi mandaccunataca cumurichircani. Jacobopac huahua huahuatapish llaquipi churashpa, israelcunataca yangallata ruhuarcani.

JEREMÍAS 9:10

Cunanca, chai llactataca pipish mana pasanchu. Huagra huacashcallapish mana uyarinchu. Sacha animalcunapish, volac animalcunapish tucui illanmi. Chaimantami urcucunamantapish, shitashca pambacunapi tiyac michina pambacunamantapish llaquillata huacasha» nircani.

EZEQUIEL 34:2

«Huañunalla runa, Israel michiccuna llaqui tucunata huillashpa, Mandac Diosca: “¡Israel michiccunalla, cancunallami cuidaricunguichic! ¿Manachu michiccunaca ovejacunata cuidana can?

DANIEL 8:13

Chashna ruhuacpimi, shuc jucha illac ángel caishuc angelcunaman tapucucta uyarcani. Chashna tapushpaca: “Punzhanta Diosman cushpa rupachinata muscuc shina ricunaca, ¿ima horascamantac canga? Shinallatac ¿ima punzhacamantac mana cazunapish, Diospac huasitapish, jahua pachapi ima tiyaccunatapish sarucucta muscuipi ricuc shina ricuna canga?” nirca.

ZACARÍAS 7:14

Ashtahuanpish paicunataca jatun acapana huairahuanmi paicuna mana ricsishca llactacunaman shic-huashpa cacharcani. Paicuna rishca quipaca, paicunapac llactaca shitashca pambami saquirirca. Chai llactaman yaicunataca pipish mana munangachu. Paicuna munashca llactataca shitashca pambatami saquirirca» nirca.

ISAÍAS 3:14

Mandac Diosca pushac yuyaccunatapish, pai acllashca llactata mandaccunatapish llaquichingapacmi shamunga. Paicunataca: “Cancunami uvas chagracunata quichushpa micurcanguichic. Huacchacunamanta imata quichushpaca huasipimi charicunguichic.

JEREMÍAS 25:37

Mandac Dios yallita piñarishpami, sumac michina pambacunataca tucuchinga.

JEREMÍAS 25:38

Mandac Dios yallita piñarishpa llaquichicpi, paicunapac llactata llaquinayaita tucuchicpimi, huahua león paipac jutcuta shitashpa ric shina, llactata shitashpa rirca.

EZEQUIEL 34:5

Michicta mana charishcamantami pandarishpa, sacha animalcuna japishpa micunallami caita chaita purirca.