ISAÍAS 9:20 - Dios Rimashcata Quillcashcami

²⁰ Tucuimi paipac alli lado rigrata micunga. Shina micushpapish yarcachingami. Cutin shucca paipac lluqui lado rigratami micunga. Shina micushpapish yarcachingami. Tucuimi paicunapac rigrallatatac micunga.

ISAÍAS 9:20 Referans Kwoze

ISAÍAS 49:26

Saruc shina canta llaquichiccunataca paicunapuratami micunacuchisha. Quiquin yahuarllahuantacmi vinohuan machac shina machanga. Chashna ruhuacpimi, cai pachapi causaccunaca ñucaca Mandac, llaquimanta quishpichic, Jacobota sinchiyachic Mandac Dios cashcata yachanga» nini

JEREMÍAS 19:9

Chaipi causaccunamanca paicunapac churicunapac, ushicunapac aichallatatacmi carasha. Paicunata piñashpa huañuchinata munac runacuna shamushpa, chai llacta muyundita shayaricpimi, imata mana ruhuai pudishpa, paicunahuan apanacuccunallatatac micunga” nirca.

LAMENTACIONES 4:10

Llactata tucuchicpica, llaquic huarmicunapish quiquin huahuatami yanushpa micurca.

ISAÍAS 8:21

Paicunaca yallita shaicushpa, yarcaihuanmi cai pachapica puringa. Chashna yarcaihuan cashcamanta piñarishpami, huichaita ricushpa, paicunata jatun mandactapish, paicunapac Diostapish mana alli ninga.

ECLESIASTÉS 4:5

Yuyai illac runaca, maquita cruzashpami tiyarin. Chaita ruhuashpaca paillatacmi llaquita apacun.

ISAÍAS 3:1

Mandac Diosca Jerusalenmanta, Judá llactamantaca micunatapish, yacutapish anchuchingami.

ISAÍAS 8:22

Shinallatac cai pachata urai ricushpapish mancharina purata, mancharina llaquillatami ricunga. Paicunaca maita mana llucshipac jutcupi shitashcami canga» nirca.

ISAÍAS 14:30

Huacchacunapac punta huahuacunaca micunata charingami. Imata mana charic huacchacunaca samaringami. Ashtahuanpish cambac huahua huahuacunataca yarcaihuanmi huañuchisha. Maijan saquirishcacunatapish tucuitami tucuchisha.

ISAÍAS 51:19

Cai ishcai llaquicunami cantaca japirca. Cambac llactaca llaquinayaita tucuchishcami carca. Yarcaipish, jatun macanacuipishmi llaquichirca. ¿Pitac cantaca llaquingayari? ¿Pitac cantaca cushichingayari?

JEREMÍAS 13:14

Paicunataca paicunapura macanacuchishpami llaquichigrini. Taitacunatapish, churicunatapish llaquichigrinimi. Paicunataca mana cuyashachu. Ashtahuanpish mana llaquishpami, tucui tucuchisha” ninmi ningui» nirca.

MIQUEAS 6:14

Micushpapish mana sacsanguichu. Yarcaica mana anchuringachu. Imata tandachishpapish mana huacaichi pudinguichu. Imata huacaichishcataca canta piñaccunamanmi cusha.

ISAÍAS 5:25

Mandac Diosca nina japiric shina piñarishpami pai acllashcacunata llaquichirca. Urcucunapish chucchungami. Huañushcacunaca imapish mapa shinami chaupi ñancunapi shitashca canga. Chashna ruhuashpapish pai yallita piñarishcataca mana pasachingachu. Ashtahuanpish llaquichingatacmi.

ISAÍAS 10:4

Cancunaca prezu caccuna shina, cumurichishca, huañuchishcacuna shina urmashcami canguichic. Chashna llaquichishpapish Mandac Diosca nina japiric shina piñarishcataca mana pasachishcachu. Ashtahuanpish llaquichingaracmi.

ZACARÍAS 11:9

Chaimantami ñucaca: «Mana ashtahuan michishachu. ¡Maijanpish huañucca, huañungachari! ¡Maijanpish chingaricca, chingaringachari! ¡Maijanpish saquiricca, paicunapurallatac tucurinacungachari!» nircani.

MARCOS 3:24

Llactata mandaccunapura macanacucpica, chai llactaca chingaringami.