ISAÍAS 9:10 - Dios Rimashcata Quillcashcami

¹⁰ «Ladrillohuan shayachishca pircaca urmarcami. Chaitaca rumi ladrillohuanmi shayachishun. Sicómoro yuracunata urmachircami. Chai yuracunapac randica cedro yuratami tarpushun» nincuna.

ISAÍAS 9:10 Referans Kwoze

MALAQUÍAS 1:4

Edom llactapi causac Esaú aillucunaca: “Ñucanchicca tucui tucuchishcami canchic. Chashna cashpapish, cutinllatac shayachishunmi” ningami. Chaimantami tucuita Mandac Diosca: «Paicuna cutin shayachicpipish, ñucami cutin urmachisha. Shina urmachicpica: “Diosta mana manchac llactami, huiñaita Mandac Dios piñashca gentecunami” nishpami shutichinga.

1 REYES 10:27

Jatun mandac Salomonca cullquitaca rumita shinami Jerusalenpica charirca. Cedro caspicunatapish, Sefela pambacunapi tiyac sacha higo yuracunata shinami achcata charirca.

SAN LUCAS 19:4

Chaimantami ñaupata callpa rishpa, Jesusta ricungapac sicómoro yuraman huichicurca. Jesusca chaitami rina carca.

OSEAS 8:14

Israelcunaca paicunata Ruhuac ñucata cungarishpami, mandana huasicunatarac ruhuarca. Judá llactapi causaccunaca muyundita pircashca llactacunatami achcata ruhuarca. Shina cacpipish, chai llactacunapi ñuca ninata japichicpimi, mandana huasicunapish tucui tucuringa» nircami.

2 REYES 16:9

Asiria llactata jatun mandacca chaita japishpami, Damasco pueblopi causaccunahuan macanacungapac huichai rishpa, chai pueblota japirca. Chai pueblopi causaccunatapish Kir pueblomanmi prezu aparca. Shinallatac Rezintapish huañuchircami.