ISAÍAS 8:22 - Dios Rimashcata Quillcashcami

²² Shinallatac cai pachata urai ricushpapish mancharina purata, mancharina llaquillatami ricunga. Paicunaca maita mana llucshipac jutcupi shitashcami canga» nirca.

ISAÍAS 8:22 Referans Kwoze

ISAÍAS 5:30

Chai punzhapica mama cucha huacashpa jataric shinami, yallita caparinga. Shina caparinacucpi, chai llactata ricpica, manchana puyu tapashca jatun llaquimi ricuringa. Jahua pacha achicpish ricuringami.

SAN MATEO 22:13

Chaimantami jatun mandacca serviccunataca: “Cai runataca chaqui maquita huatashpa, canzha puraman shitaichic. Chaipica huacaihuan quiru canirinami tiyan” nirca.

SAN MATEO 8:12

Ashtahuanpish Dios mandacucman yaicungapac caccunaca, canzhapimi, purapi huacaihuan quiru caniringa— nirca.

JEREMÍAS 13:16

Manarac amsa tuta tucucpi, manarac cancunapac chaquicuna pura urcucunapi mitcaricpi, cancunata Mandac Diostaca “sumaimanami cangui” nichicyari. Cancunaca achicyachic luzta shuyacucpipish, yallita pura tutatami tucunga.

SAN JUDAS 1:13

Paicunapac pinganayaita mana allita ruhuashcacunaca, mama cuchata huaira caiman chaiman shitacpi, puscuta shitashca shinami can. Lucerocuna ñanta chingachishca shinami cancuna. Paicunamanca yallita amsa pachami huiñaicaman huacaichishca tiyacun.

PROVERBIOS 14:32

Diosta mana manchacca pai millaita ruhuashcamantami chingaringa. Ashtahuanpish cashcata ruhuacca huañugricushpapish cuidashcami canga.

JOB 18:18

Achicyachicmanta llucchishpa, amsapi shitashcami canga. Cai pachamantapish llucchishpa, cachashcami canga.

SAN MATEO 24:29

Chai llaqui punzhacuna tiyashca quipaca, intipish amsayangami, quillapish mana achicyachingachu. Lucerocunapish urmangami. Jahua pachapi tiyac jatuncunapish chucchungami.

JEREMÍAS 23:12

Chaimantami paicunapac ñanca pura tutapi lluchcarina ñan shina canga. Chaipica ñuca tangacpimi, urmashpa llaqui tucunga. Ñucallatacmi paicunamanca yallita llaqui punzhacunata apamusha.

ISAÍAS 9:1

Shina cacpipish, chai mancharina llaquihuan causaccunaca mana chashna causacungallachu. Ñaupa punzhacunapica Diosmi Zabulonpac, Neftalipac aillucunata llaquichirca. Shina llaquichishpapish, mana israelcuna causacuc Galilea llactapi causaccunatapish, mama cucha patacunapi causaccunatapish, Jordán yacu chimba ladopi causaccunatapish yallitami cushichinga.

ISAÍAS 8:20

¡Dios mandashcacunapi ricuichic! Chaipi mana chashna huillacucpica, amsa yuyaihuanmi canga.

APOCALIPSIS 16:10

Pichcaniqui angelca manchana animal mandashpa tiyarinapimi pai charicushca copata tallirca. Shina tallicpica, pai mandana amsa pura tucucpimi gentecunaca nanaihuan calluta canirirca.

ISAÍAS 9:20

Tucuimi paipac alli lado rigrata micunga. Shina micushpapish yarcachingami. Cutin shucca paipac lluqui lado rigratami micunga. Shina micushpapish yarcachingami. Tucuimi paicunapac rigrallatatac micunga.

ISAÍAS 30:6

Neguevpi tiyac sacha animalcunata Dios llaquichinamanta huillashpaca: «Llaquihuan huacana pambata, leoncuna, millai culebracuna, alasyuc manchana culebracuna causana pambatami paicunapac charishcacunata, sumac valishcacunata burrocunapi, camellocunapi cargashpa, manapish ayudai pudic runacunaman cungapac apancuna.

ISAÍAS 50:11

Tucui cancunami ninatapish, antorchatapish japichinguichic. ¡Shina cashpaca, chai nina achicllapitac, antorcha achicyachishcallapitac puricuichiclla! ¡Chaica ñucami llaquichini! Cancunaca llaquinayaita huañushpami tucuringuichic.

ISAÍAS 59:9

Chaimantami cashcata ruhuashpa quishpichinapish ñucanchicmanta caruyashca. Allita ruhuanapish mana ñucanchicpacman cuchuyanchu. Achiclla punzhata shuyacucpica, pura tutami shamun. Achicta shuyacushpapish, tutapi shinami purinchic.

ÉXODO 10:21

Mandac Diosca Moisestaca: —Tucui Egipto llactapi yalli pura tucuchun, maquita huichaiman alzai. Chai purataca maquihuanpish tuparinallami canga— nirca.

ÉXODO 10:22

Shina nicpimi, Moisesca maquita huichaiman alzarca. Shina alzacpica, tucui Egipto llactapimi quimsa punzhacaman yalli pura tucurca.

ISAÍAS 50:3

Jahua pachataca tapac shinami, amsa tutata ruhuani. Sharpa churanata churachic shinami tapani» ninmi.

ISAÍAS 60:2

Riquichic, cai pachataca pura tutami tapanga. Llactacunapica amsayangami. Shina cacpipish, Mandac Diospac sumaimana achicmi cambac jahuapica achicyachishpa ricuringa.